ზაფხულის ტურისტულ სეზონს აჭარა სიახლეებით შეხვდება

ტურიზმი

ზაფხულის ტურისტულ სეზონს აჭარა სიახლეებით შეხვდება

14.05.2025.13:00

დადებითი და პოზიტიური მოლოდინები გვაქვს 2025 წელთან დაკავშირებითაც, აქტიურად ვემზადებით ზაფხულის ტურისტული სეზონისთვის, - აღნიშნულის შესახებ განცხადებას აჭარის ფინანსთა და ეკონომიკის მინისტრი აკეთებს. ჯავა ფუტკარაძის თქმით, აქტიურად გრძელდება და იგეგმება აჭარის რეგიონის მარკეტინგული კამპანიები.

„2024 წელი მზარდი ტურისტული ნაკადი გვქონდა. რეგიონში წინა წელს 4.7 მილიონზე მეტი ვიზიტი განხორციელდა. ყოველწლიურად მზარდია საერთაშორისო ფრენების რაოდენობა ბათუმის საერთაშორისო აეროპორტში. 2024 წელს 50%-ით გაიზარდა ფრენების რაოდენობა რეგიონში. გაზრდილია ვიზიტების რაოდენობა აჭარის მთიან მუნიციპალიტეტებშიც. მაღალი დატვირთვით მუშაობს კურორტ გოდერძიზე მდებარე განთავსების ობიექტები. დადებითი და პოზიტიური მოლოდინები გვაქვს 2025 წელთან დაკავშირებითაც. ვემზადებით აქტიურად. 25 ქვეყანაში იგეგმება აჭარის რეგიონის რეკლამირება და მარკეტინგული კამპანიები. დაგეგმილია რეგიონში ცნობილი ჟურნალისტებისა და ბლოგერების ვიზიტები, რომლებიც აჭარაზე მოამზადებენ სიუჟეტებს და გადაცემებს, აჭარა წარმოდგენილი იქნება ყველა მნიშვნელოვან საერთაშორისო ტურისტულ პლატფორმაზე. პარალელურად ვაგრძელებთ რეგიონში ტურისტული პროდუქტებისა და სერვისების განვითარებას. ზაფხულის სეზონს აჭარა შეხვდება სიახლეებით“, - აცხადებს ჯაბა ფუტკარაძე.