ვფიქრობთ, რომ ძალიან აქტიური ზაფხულის სეზონი გვექნება - მაია ომიაძე
ვფიქრობთ, რომ ძალიან აქტიური ზაფხულის სეზონი გვექნება და ამინდი ხელს შეგვიწყობს როგორც მთაში ისე ზღვაზე, - ამის შესახებ გადაცემა „იმედის დილაში“ რუბრიკა Business Insider Georgia-ში სტუმრობისას ტურიზმის ეროვნული ადმინისტრაციის ხელმძღვანელმა მაია ომიაძემ განაცხადა. მისი თქმით, მარკეტინგული აქტივობების მთელი წლის განმავლობაშია გაწერილი და ასევე საქართველოს თემა, როგორც ტურისტული მიმართულებით, აქტიურია საერთაშორისო მედიაშიც.
„გეგმები ძალიან აქტიური გაქვს. ვფიქრობთ, რომ ძალიან აქტიური ზაფხულის სეზონი გვექნება და ამინდი ხელს შეგვიწყობს როგორც მთაში ისე ზღვაზე. იცით, რომ ჩვენთან ზაფხულის სეზონი არამხოლოდ ზღვასთან ასოცირდება სათავგადასავლო ტურიზმის ზაფხულის კომპონენტი მთაში ძალიან მნიშვნელოვანია. შემდეგ ამ ყველაფერს მოსდევს ძალიან კარგი რამდენიმე ფესტივალი გაქვს, ვარსკვლავები ჩამოდიან საქართველოში. იცით, რომ Starring Georgia მნიშვნელოვანი პროექტია, რის გამოც საქართველოში ჩამოდიან უცხოელი ვიზიტორები და დამატებითაც რჩებიან. შემოდგომაზე რთველი პერიოდი იწყება, რომელიც ასევე განსაკუთრებული ტურისტული პროდუქტია. მერე ზამთარი მოდის, წელს ძალიან აქტიური და დატვირთული კამპანიები გაქვს. საერთაშორისო გამოცემებში წელს ძალიან ბევრი, მსუყე სტატია მომზადდა. გაქვს წამყვან მედია პლატფორმებთან კამპანიები“, - აცხადებს ომიაძე.
დღის ტოპ 10 სიახლე
სხვა სიახლეები
29.08.2025.11:04
2025 წლის მეორე კვარტალში 15 წლის და უფროსი ასაკის ადგილობრივი ვიზიტორების საშუალო თვიური რაოდენობა 1 367.3 ათასით განისაზღვრა, მათ მიერ საქართველოს ტერიტორიაზე განხორციელებული ვიზიტების საშუალო თვიური რაოდენობა კი 1.1 პროცენტით შემცირდა წინა წლის შესაბამის პერიოდთან შედარებით და 1 681.1 ათასი შეადგინა.
2025 წლის მეორე კვარტალში საქართველოს რეზიდენტი ვიზიტორების მიერ საქართველოს ტერიტორიაზე განხორციელებული ტურისტული ტიპის ვიზიტების საშუალო თვიური რაოდენობა 692.5 ათასით განისაზღვრა, რაც 4.2 პროცენტით ნაკლებია წინა წლის ანალოგიური პერიოდის მაჩვენებელზე.
ვიზიტორების უმრავლესობა, 36.6 პროცენტი, 31-50 წლამდე ასაკობრივ კატეგორიას მიეკუთვნებოდა, ქალების რაოდენობა კი ვიზიტორების ჯამური რაოდენობის 57.5 პროცენტს შეადგენდა.
გამოკვლევის შედეგების მიხედვით, ვიზიტორების 36.0 პროცენტი ქ. თბილისის მაცხოვრებელია, 15.9 პროცენტი მოდის იმერეთის, რაჭა-ლეჩხუმისა და ქვემო სვანეთის რეგიონზე, 9.5 პროცენტი — აჭარის ა/რ-ზე, ხოლო დანარჩენი რეგიონები შედარებით დაბალი წილებით არის წარმოდგენილი.
2025 წლის მეორე კვარტალში ვიზიტების უმრავლესობა (51.8 პროცენტი) განხორციელდა მეგობრების/ნათესავების მონახულების მიზნით.
საანგარიშო პერიოდში ყველაზე მეტი ვიზიტი განხორციელდა იმერეთის რეგიონსა (საშუალოდ 385.8 ათასი ვიზიტი თვეში) და ქ. თბილისში (საშუალოდ 363.2 ათასი ვიზიტი თვეში).
2025 წლის მეორე კვარტალში განხორციელებული ვიზიტებისას გაწეული საშუალო თვიური ხარჯების მოცულობა განისაზღვრა 280.6 მილიონი ლარით, რაც 6.2 პროცენტით მეტია გასული წლის ანალოგიური პერიოდის მაჩვენებელზე. ამასთან, ერთ ვიზიტზე გაწეული საშუალო ხარჯი გაიზარდა 7.4 პროცენტით და 166.9 ლარს გაუტოლდა.