ტურიზმის ეროვნული ადმინისტრაციის მასშტაბური მარკეტინგული კამპანია სპარსეთის ყურის ქვეყნებში
სპარსეთის ყურის ქვეყნებიდან მაღალმხარჯველი ტურისტული ნაკადების მოზიდვის მიზნით საქართველოს ტურიზმის ეროვნულმა ადმინისტრაციამ წელს ბოლო შემაჯამებელი ღონისძიებები გამართა.
მარკეტინგული კამპანიის ფარგლებში, არაბთა გაერთიანებულ საამიროებში, დუბაიში, Dubai Festival City Mall-ში, ტურიზმის ეროვნული ადმინისტრაცია სპეციალური სტენდით წარდგა, რომელიც საქართველოს ოთხი სეზონის ამსახველი ვიზუალებით იყო გაფორმებული.
3 დღის განმავლობაში, Dubai Festival City Mall-ის სტუმრებს საშუალება ჰქონდათ გასცნობოდნენ საქართველოს ტურისტულ პროდუქტებს, ზამთრის კურორტებს, კულტურას, VR სათვალეების საშუალებით ვირტუალურად ემოგზაურათ საქართველოს ოთხ სეზონიან კურორტებზე. ვიზიტორებმა ინფორმაცია მიიღეს ტურისტული მიმართულებების შესახებ.
ღონისძიება სპარსეთის ყურეში ერთ-ერთი უმსხვილეს მარკეტინგულ კომპანიასთან FLC თანამშრომლობით დუბაის ერთ-ერთ უმსხვილეს Dubai Festival City Mall-ში, რომელსაც ყოველკვირეულად 500 ათასზე მეტი ვიზიტორი სტუმრობს.
დუბაიში გამართული ღონისძიების პარალელურად, ტურიზმის ეროვნულმა ადმინისტრაციამ საქართველოში არაბთა გაერთიანებული საამიროებიდან, საუდის არაბეთიდან, ქუვეითიდან წამყვან ტუროპერატორებსა და მედიის წარმომადგენლებს უმასპინძლა.
ადმინისტრაციის ორგანიზებით, 10 უცხოელ ტუროპერატორს 40-მდე ქართული ტურისტული კომპანიის წარმომადგენელი შეხვდა, B2B ფორმატის ფარგლებში მოწყობილ შეხვედრაზე თანამშროლობის გაღრმავებისა და საქართველოში ერთობლივი ტურების მოწყობის საკითხები განიხილეს.
უცხოელმა ტუროპერატორებმა თბილისსთან ერთად მოინახულეს გუდაური, სტეფანწმინდა, გაეცნენ ზამთრის კურორტების ინფრასტრუქტურას, დაათვალიერეს სასტუმროები, ეწვივნენ კახეთს, სადაც სტუმრებისთვის კერძების დეგუსტაცია მოეწყო.
ინფოტურთან ერთად ტურიზმის ეროვნულმა ადმინისტრაციამ ახლო აღმოსავლეთის სხვადასხვა გამოცემების წარმომადგენლებსა და ბლოგერებს უმასპინძლა.
მედია ტურის მონაწილეები ესტუმრნენ საქართველოს სხვადასხვა რეგიონს, ზამთრის კურორტებს, გაეცნენ ტურისტულ პოტენციალს.
უცხოელი ბლოგერები და ინფლუენსერები საქართველოს კულტურის, ტურისტული პროდუქტებისა და სამზარეულოს შესახებ ვრცელ სტატიებს ამზადებენ, რაც სოციალური ქსელებით, ონლაინ და ბეჭდური გამოცემებით გავრცელდება სპარსეთის ყურის ქვეყნებში.
დღის ტოპ 10 სიახლე
სხვა სიახლეები
21.02.2026.03:28
21-22 თებერვალს სვანეთი „გემო ფესტს“ უმასპინძლებს
20.02.2026.09:49
„გემო ფესტი“ სვანეთში ბრუნდება - საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით, 2026 წლის პირველი გასტროფესტივალი მესტიაში, სეტის მოედანზე, 21-22 თებერვალს, 15:00 საათზე გაიმართება.
„გემო ფესტის“ სტუმრებს საშუალება ექნებათ, დააგემოვნონ როგორც ტრადიციული, ასევე იშვიათი და ნაკლებად ცნობილი სვანური კერძები.
ფესტივალში 15 ადგილობრივი მეწარმე მიიღებს მონაწილეობას. „გემო ფესტის“ ფარგლებში მოეწყობა კვებისა და აგროზონები, სამეწარმეო ბაზარი და საბავშვო სივრცე.
„გემო ფესტი“ 2 დღის განმავლობაში, შაბათ-კვირას მესტიაში გაიმართება, ყველას ველოდებით სეტზე. „გემო ფესტის“ მთავარი მიზანია გასტროტურისტული პროდუქტის განვითარება, შიდა ტურიზმის ხელშეწყობა, ასევე ადგილობრივი მოსახლეობის ეკონომიკურ აქტივობებში უფრო მეტად ჩართვა და ხელშეწყობა, რომ მათ გასტროტურისტული პროდუქტი შექმნან. სხვადასხვა რეგიონში „გემო ფესტის“ ჩატარების შემდეგ, მთლიანობაში, სულ 56 „გემოელი“ გვყავს და შედეგი არის, რომ ძალიან ბევრმა მათგანმა ბიზნესად ჩამოაყალიბა თავისი პროდუქცია - ზოგმა საფესტივალო პროდუქტი შექმნა და სხვადასხვა ფესტივალში მონაწილეობს, ასევე გაიხსნა სამასპინძლო ობიექტები“,- აცხადებს ტურიზმის ეროვნული ადმინისტრაციის ხელმძღვანელი მაია ომიაძე.
ფესტივალი მუსიკალურად გაფორმდება, სტუმრების განწყობაზე იზრუნებენ: LEVI LOVE DISCO, DUCKTAPE, O’SOUL SPINNER, TOBAKO TWEEN, ONIANI.
ინდოეთის მიმართულებით ტურიზმის ეროვნული ადმინისტრაციის კამპანია ჩვენი შეფასებით, ძალიან მნიშვნელოვანი ინიციატივაა - სოფო გელაშვილი
13.02.2026.14:02
ინდოეთიდან ჩვენ წელს მსხვილ ღონისძიებას ვუმასპინძლებთ, რაც მნიშვნელოვანია ტურისტული სექტორისთვის - თამარ კვერნაძე
13.02.2026.12:07
