წმინდა ცეცხლს იერუსალიმიდან საქართველოში „ჯორჯიან ეარვეისი“ ჩამოიტანს

ტურიზმი

Tilia Kvareli Resort - ყვარელში მდებარე ტურისტული ობიექტი, რომელიც ადგილობრივ ვიზიტორებზე ფოკუსირდება

11.09.2025.16:00

შემოდგომა კახეთისთვის აქტიური პერიოდია, რადგანაც რთველთან ერთად კახეთში დასვენებაც საკმაოდ კომფორტულია - თბილისთან ახლოსაა და გზაში დიდი დროის გატარება საჭირო არ არის.

Tilia Kvareli Resort - თილია ყვარელი რეზორტი, რომელიც ბაზარზე უკვე მეორე წელია ოპერირებს და სტუმრებს 23 თანამედროვე დიზაინის მქონე ოთახს სთავაზობს. Tilia Kvareli Resort-ს ერთდროულად 50–55 სტუმრის მიღება შეუძლია.

როგორც Business Insider Georgia-სთან საუბარში Tilia Kvareli Resort-ის გაყიდვების მენეჯერი ნინო დანელია აცხადებს, რეზორტი განთავსების გარდა სტუმრებს ღია ტიპის რესტორანსა და აუზს სთავაზობს.

„ჩვენი მომხმარებლები ძირითადად ქართველები არიან. მიმდინარე წლის ზაფხულის ტურისტულ სეზონზე დატვირთულობა 40%-ზე იყო,“ - განმარტავს ნინო დანელია.
მისივე თქმით, შემოდგომის პერიოდზე წინასწარი ჯავშნების რაოდენობა დიდი არ არის, თუმცა ამ პერიოდშიც ისევ ადგილობრივი სექტორი აქტიურობს.

რაც შეეხება კვების ობიექტს - რესტორანს, სასტუმროს სტუმრების გარდა გარედან შემოსული ნაკადიც აქტიური და მზარდია. რესტორანი დაახლოებით 50 სტუმარზეა გათვლილი და პატარა კორპორატიული წვეულებებისთვის იდეალური ადგილია.

Tilia Kvareli Resort ყვარელში, თბილისიდან 2 საათის სავალზე მდებარეობს. სასტუმროდან იშლება თვალწარმტაცი კავკასიონის ხედები, რომელიც დაუვიწყარ შთაბეჭდილებებს ქმნის.

სტუმრების სტიმულირებისთვის Tilia Kvareli Resort-ს მიმდინარე აქციებიც აქვს. აქ ორადგილიანი ნომრის ფასი 180 ლარია. შეთავაზება მოიცავს: კომფორტულ განთავსებას, საუზმესა და აუზის მომსახურებას.