წელს პირველად ტურიზმის ეროვნული ადმინისტრაციის ორგანიზებით ქართველი მზარეულები საფრანგეთის პრესტიჟულ კულინარიულ სკოლაში Ferrandi Paris გადამზადდნენ
კერძო სექტორის მხარდაჭერისა და მომსახურების ხარისხის გაუმჯობესების მიზნით ტურიზმის ეროვნულმა ადმინისტრაციამ წელს მასშტაბური პროექტები განახორციელა.
ადმინისტრაციის ორგანიზებით, ქართველმა მზარეულებმა საფრანგეთში, დიჟონში, მსოფლიოს ერთ-ერთ ყველაზე პრესტიჟულ კულინარიულ სასწავლებელში Ferrandi Paris გადამზადების კურსი გაიარეს.
პროექტის ფარგლებში, 2 კვირის განმავლობაში, კონკურსის წესით შერჩეულმა 10-მა მოქმედმა მზარეულმა ინტენსიური სასერტიფიკატო კულინარიული სასწავლო კურსი გაიარა. კურსი მოიცავდა კერძების მომზადების პრაქტიკულ მეცადინეობასა და ახალი ტექნოლოგიების დაუფლებას, მსოფლიო ტრენდების გაცნობას, სამზარეულოს აღჭურვასა და მართვას.
პროექტი მომდევნო წლებში აქტიურად გაგრძელდება.
წელსვე ტურიზმის ეროვნული ადმინისტრაციის ორგანიზებით, ტურიზმის ინდუსტრიაში დასაქმებულმა და დასაქმების მსურველმა 1000-მდე ადამიანმა გადამზადების კურსი გაიარა. ტრენინგები მთელი საქართველოს მასშტაბით ჩატარდა. სასწავლო კურსი მოიცავდა შემდეგ თემებს: საოჯახო სასტუმროს მართვა; ჰიგიენა და სურსათის უვნებლობა; გიდის პროფესიული უნარები, მარკეტინგი და გაყიდვები და ა.შ.
ტურიზმის ეროვნული ადმინისტრაციის ტრენინგები სრულიად უსასყიდლოდ ტარდება.
დღის ტოპ 10 სიახლე
სხვა სიახლეები
21.02.2026.03:28
21-22 თებერვალს სვანეთი „გემო ფესტს“ უმასპინძლებს
20.02.2026.09:49
„გემო ფესტი“ სვანეთში ბრუნდება - საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით, 2026 წლის პირველი გასტროფესტივალი მესტიაში, სეტის მოედანზე, 21-22 თებერვალს, 15:00 საათზე გაიმართება.
„გემო ფესტის“ სტუმრებს საშუალება ექნებათ, დააგემოვნონ როგორც ტრადიციული, ასევე იშვიათი და ნაკლებად ცნობილი სვანური კერძები.
ფესტივალში 15 ადგილობრივი მეწარმე მიიღებს მონაწილეობას. „გემო ფესტის“ ფარგლებში მოეწყობა კვებისა და აგროზონები, სამეწარმეო ბაზარი და საბავშვო სივრცე.
„გემო ფესტი“ 2 დღის განმავლობაში, შაბათ-კვირას მესტიაში გაიმართება, ყველას ველოდებით სეტზე. „გემო ფესტის“ მთავარი მიზანია გასტროტურისტული პროდუქტის განვითარება, შიდა ტურიზმის ხელშეწყობა, ასევე ადგილობრივი მოსახლეობის ეკონომიკურ აქტივობებში უფრო მეტად ჩართვა და ხელშეწყობა, რომ მათ გასტროტურისტული პროდუქტი შექმნან. სხვადასხვა რეგიონში „გემო ფესტის“ ჩატარების შემდეგ, მთლიანობაში, სულ 56 „გემოელი“ გვყავს და შედეგი არის, რომ ძალიან ბევრმა მათგანმა ბიზნესად ჩამოაყალიბა თავისი პროდუქცია - ზოგმა საფესტივალო პროდუქტი შექმნა და სხვადასხვა ფესტივალში მონაწილეობს, ასევე გაიხსნა სამასპინძლო ობიექტები“,- აცხადებს ტურიზმის ეროვნული ადმინისტრაციის ხელმძღვანელი მაია ომიაძე.
ფესტივალი მუსიკალურად გაფორმდება, სტუმრების განწყობაზე იზრუნებენ: LEVI LOVE DISCO, DUCKTAPE, O’SOUL SPINNER, TOBAKO TWEEN, ONIANI.
ინდოეთის მიმართულებით ტურიზმის ეროვნული ადმინისტრაციის კამპანია ჩვენი შეფასებით, ძალიან მნიშვნელოვანი ინიციატივაა - სოფო გელაშვილი
13.02.2026.14:02
ინდოეთიდან ჩვენ წელს მსხვილ ღონისძიებას ვუმასპინძლებთ, რაც მნიშვნელოვანია ტურისტული სექტორისთვის - თამარ კვერნაძე
13.02.2026.12:07
