სვანეთში წელს ნაკლები ევროპელი ტურისტი ჩამოვიდა - სასტუმრო ,,ლაჰილი"
ცხელ სეზონზე სასტუმრო ლაჰილის Hotel Lahili • დატვირთულობა 30%-ის დონეზეა და სვანეთში დამსვენებლების სიმცირე შეიმჩნევა. აღნიშნულთან დაკავშირებით Business Insider Georgia -თან ,,ლაჰილის" დამფუძნებელმა ლევან დადვანმა განაცხადა, რომელმაც განსაკუთრებით ევროპელი ტურისტების დეფიციტზე გაამახვილა ყურადღება და დასძინა, რომ სხვადასხვა ფაქტორის გამო ევროპისთვის საქართველო წელს ნაკლებად მიმზიდველი ტურისტული ქვეყანაა.
„პასიური სეზონია, დამსვენებლების სიმცირე აშკარად იგრძნობა. რეგიონში მიმდინარე ომი ნეგატიური ფაქტორია. რუსების სიმრავლეა ყველგან, რაც კიდევ ერთი მიზეზია, რის გამოც ევროპელებს საქართველოში დასვენება არ სურთ. სავარაუდოდ ასეა, ევროპელი ტურისტების დიდ დეფიციტს სხვანაირად ვერ ავხსნი. ადრე 70%-ს აღწევდა ევროპელი მოქალაქეების წილი და ახლა თითზე ჩამოსათვლელია.
ამ ეტაპზე სასტუმროს დატვირთულობა 30%-ის დონეზეა, რაც ცხელი ზაფხულის პერიოდში არასახარბიელოა. წინა დღეებში გაცილებით მეტი დატვირთულობა იყო, როგორც ჩანს, ზღვას მიაშურა ხალხმა", - ამბობს დადვანი.
Business Insider Georgia -თან მან სასტუმროს კონცეფციაზეც ისაუბრა და განაცხადა, რომ ეკოლოგიურად სუფთა გარემოში მდებარე ტურისტული ობიექტი მაღალი ხარისხით გამოირჩევა და ძალიან პოპულარულია.
„ავთენტიკური გარემო გვაქვს, სიმარტივით მივუდექით და ამან გაამართლა. ვცდილობთ, მომსახურება მაღალ დონეზე გვქონდეს, ყველა დეტალს დიდი გულისყურით ვეკიდებით, რაც წარმატებაში ძალიან დაგვეხმარა. ერთ-ერთი სერვისი ,,იმოგზაურე საქართველოში დათო ტურაშვილთან ერთად", ძალიან პოპულარული გახდა. აღნიშნულ ტურზე სტუმრების უმეტესობა დედაქალაქიდანაა. კარგია, რომ შემეცნებითი ტურების მიმართ ინტერესი მატულობს. ამ მხრივ ,,ლაჰილი" ერთ-ერთი პირველია, რომელიც ხელს უწყობს მსგავსი ტრადიციის დამკვიდრებას", - ამბობს ლევან დადვანი.
ცნობისთვის, სასტუმრო „ლაჰილი“ მესტიაში გასულ წელს დაფუძნდა. სასტუმროში სტაბილურად 10-მდე ადამიანია დასაქმებული.
დღის ტოპ 10 სიახლე
სხვა სიახლეები
21.02.2026.03:28
21-22 თებერვალს სვანეთი „გემო ფესტს“ უმასპინძლებს
20.02.2026.09:49
„გემო ფესტი“ სვანეთში ბრუნდება - საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით, 2026 წლის პირველი გასტროფესტივალი მესტიაში, სეტის მოედანზე, 21-22 თებერვალს, 15:00 საათზე გაიმართება.
„გემო ფესტის“ სტუმრებს საშუალება ექნებათ, დააგემოვნონ როგორც ტრადიციული, ასევე იშვიათი და ნაკლებად ცნობილი სვანური კერძები.
ფესტივალში 15 ადგილობრივი მეწარმე მიიღებს მონაწილეობას. „გემო ფესტის“ ფარგლებში მოეწყობა კვებისა და აგროზონები, სამეწარმეო ბაზარი და საბავშვო სივრცე.
„გემო ფესტი“ 2 დღის განმავლობაში, შაბათ-კვირას მესტიაში გაიმართება, ყველას ველოდებით სეტზე. „გემო ფესტის“ მთავარი მიზანია გასტროტურისტული პროდუქტის განვითარება, შიდა ტურიზმის ხელშეწყობა, ასევე ადგილობრივი მოსახლეობის ეკონომიკურ აქტივობებში უფრო მეტად ჩართვა და ხელშეწყობა, რომ მათ გასტროტურისტული პროდუქტი შექმნან. სხვადასხვა რეგიონში „გემო ფესტის“ ჩატარების შემდეგ, მთლიანობაში, სულ 56 „გემოელი“ გვყავს და შედეგი არის, რომ ძალიან ბევრმა მათგანმა ბიზნესად ჩამოაყალიბა თავისი პროდუქცია - ზოგმა საფესტივალო პროდუქტი შექმნა და სხვადასხვა ფესტივალში მონაწილეობს, ასევე გაიხსნა სამასპინძლო ობიექტები“,- აცხადებს ტურიზმის ეროვნული ადმინისტრაციის ხელმძღვანელი მაია ომიაძე.
ფესტივალი მუსიკალურად გაფორმდება, სტუმრების განწყობაზე იზრუნებენ: LEVI LOVE DISCO, DUCKTAPE, O’SOUL SPINNER, TOBAKO TWEEN, ONIANI.
ინდოეთის მიმართულებით ტურიზმის ეროვნული ადმინისტრაციის კამპანია ჩვენი შეფასებით, ძალიან მნიშვნელოვანი ინიციატივაა - სოფო გელაშვილი
13.02.2026.14:02
ინდოეთიდან ჩვენ წელს მსხვილ ღონისძიებას ვუმასპინძლებთ, რაც მნიშვნელოვანია ტურისტული სექტორისთვის - თამარ კვერნაძე
13.02.2026.12:07
