სწორი პოლიტიკისა და სტრატეგიული მუშაობის შედეგად მივიღეთ რეკორდული საერთაშორისო მოგზაური და გაზრდილი შემოსავლები

ტურიზმი

ბათუმის შემდეგ „ზაფხულის ფესტივალს“ უკვე ქობულეთმა უმასპინძლა

21.07.2025.18:11

ბათუმის შემდეგ „ზაფხულის ფესტივალს“ უკვე ქობულეთმა უმასპინძლა. ულამაზესი საზაფხულო დეკორაციებითა და ინსტალაციებით მორთულ საფესტივალე სივრცეში ღონისძიება კოსტიუმირებული მსვლელობითა და დრამების შოუთი გაიხსნა, რის შემდეგაც მსმენელის წინაშე ადგილობრივი და მოწვეული ბენდები “MIX2ra“, „ურსა“ და „კახაბერი და ხანუმები“, „პროექტი 33“, „Four up“, „ემოცია“ და „მელომანიაკი“ წარდგნენ.

„ქობულეთის ფესტივალის მთავარი მიზანი არის ერთის მხრივ აქ მყოფი ვიზიტორებისთვის და ადგილობრივებისთვის სასიამოვნო განწყობის შექმნა, საზაფხულო განწყობის შექმნა და მეორეს მხრივ ქობულეთის, როგორც ტურისტული მიმართულების კიდევ უფრო პოპულარიზაცია, მეტი ადამიანისათვის ინფორმაციის მიწოდება, რომ ქობულეთი მზად არის საინტერესო პროდუქტებითა და სერვისებით უმასპინძლოს მათ“, - განაცხადა აჭარის ტურიზმის დეპარტამენტის ხელმძღვანელმა თინათინ ზოიძემ.

ქობულეთის ფესტივალის სტუმრების წინაშე სპეციალური ნომრით წარდგა ქალთა კამერული გუნდი და DJ ჩიკიც. საფესტივალე სივრცეში განთავსებული იყო კვების სივრცეებიც, სადაც სტუმრებს საზაფხულო მენიუს შეკვეთის საშუალება ჰქონდათ. „ზაფხულის ფესტივალი“ ქობულეთში, აჭარის ტურიზმის დეპარტამენტის ტურისტული პროდუქტების განვითარების სააგენტოს ორგანიზებით ქობულეთის ცენტრალურ პარკში გაიმართა.