სპარსეთის ყურის ქვეყნებში საქართველოს მიმართ ინტერესი იზრდება-მარიამ ტიგინაშვილი
სპარსეთის ყურის ქვეყნებიდან საქართველოში მაღალმხარჯველი ტურისტული ნაკადების გაზრდისა და საქართველოს ცნობადობის ამაღლების მიზნით, ტურიზმის ეროვნულმა ადმინისტრაციამ არაბთა გაერთიანებულ საამიროებში, საუდის არაბეთსა და ქუვეითში „როუშოუები“ გამართა. B2B ფორმატის ფარგლებში ქართული კომპანიების წარმომადგენლები ადგილობრივ კოლეგებს შეხვდნენ, სადაც თანამშრომლობის საკითხები განიხილეს. შეხვედრების შესახებ საუბრობს ჯორჯია კაპიტალის წარმომადგენელი მარიამ ტიგინაშვილი.
„ჩვენ გვქონდა რამდენი ტიპის შეხვედრა, მათ შორის იყო B2B შეხვედრები. სადაც წარვადგინეთ ზამთრის და გაზაფხულის ტურისტული შეთავაზებები, ასევე ვესაუბრეთ სასტუმროების წარმომადგენელებს, რომლებსაც გავაცანით მრავალფეროვანი ტურისტული პაკეტები საქართველოში. შევხვდით მარკეტინგულ კომპანიებს და ინფლუენსერებსაც. წარვადგინეთ საქართველო, რომელიც ტურისტული კუთხით ერთ-ერთ წამყვან პოზიციაზეა. მსგავსი ტიპის შეხვედრები ჩვენი კომპანიისთვის და ზოგადად საქართველოსთვის ძალიან მნიშვნელოვანია, იქიდან გამომდინარე, რომ უშუალო კონტაქტის და კომუნიკაციის შედეგად მეტად ეცნობიან ჩვენს ქვეყანას და სპარსეთის ყურის ქვეყნებში საქართველოს მიმართ ინტერესი იზრდება“.
ღონისძიებებში 20-მდე ქართული და 50-მდე ადგილობივი კომპანია იყო წარდგენილი. უცხოური კომპანიების წარმომადგენლები დეტალურად გაეცნენ საქართველოს ტურისტულ ინფრასტრუქტურას, შეთავაზებებსა და პროდუქტებს.
დღის ტოპ 10 სიახლე
სხვა სიახლეები
თბილისისა და ბათუმის საერთაშორისო აეროპორტებიდან 20-ზე მეტი ფრენა გაუქმდა
01.03.2026.15:57
რეგიონში მიმდინარე მოვლენების გამო, თბილისისა და ბათუმის საერთაშორისო აეროპორტებიდან, ჯამში, 20-ზე მეტი ფრენა გაუქმდა.
აეროპორტების გაერთიანების ინფორმაციით, 1-ელ მარტს თბილისის აეროპორტიდან აღარ შესრულდება 17 რეისი. რაც შეეხება ბათუმს, გაუქმებულია დღეს დაგეგმილი 4 ფრენა.
თბილისის საერთაშორისო აეროპორტიდან ფრენები აღარ შესრულდება შემდეგი მიმართულებებით:
თელ-ავივი - 7 რეისი;
შარჟა - 2 რეისი;
დუბაი - 3 რეისი;
დოჰა - 3 რეისი;
აბუ-დაბი - 1 რეისი;
ქუვეითი - 1 რეისი;
ამასთან, ბათუმის საერთაშორისო აეროპორტიდან გაუქმდა 4 ფრენა თელ-ავივის მიმართულებით.
გავლენიანი გამოცემა Condé Nast Traveller კურორტ ბახმაროს შესახებ ვრცელ სტატიას აქვეყნებს
25.02.2026.14:36
სასტუმროს დატვირთულობის თვალსაზრისით, პირველი კვარტალი შარშანდელთან შედარებით ბევრად უფრო შედეგიანი აღმოჩნდა - ვაჟა ბერიკაული
25.02.2026.14:12
სასტუმროში მუდმივი ზრდა გვაქვს და წელს კიდევ უფრო გაუმჯობესებული შედეგები დაფიქსირდა - დიანა ჩომახაშვილი
25.02.2026.13:19
