საქართველოს ტურისტული პოტენციალისთვის ძალიან მნიშვნელოვანია როუდშოუების მოწყობა სპარსეთის ყურის ქვეყნებში - ანა გვაზავა
სპარსეთის ყურის ქვეყნებიდან საქართველოში მაღალმხარჯველი ტურისტული ნაკადების გაზრდისა და საქართველოს ცნობადობის ამაღლების მიზნით, ტურიზმის ეროვნულმა ადმინისტრაციამ არაბთა გაერთიანებულ საამიროებში, საუდის არაბეთსა და ქუვეითში „როუშოუები“ გამართა. B2B ფორმატის ფარგლებში ქართული კომპანიების წარმომადგენლები ადგილობრივ კოლეგებს შეხვდნენ, სადაც თანამშრომლობის საკითხები განიხილეს. შეხვედრების მნიშვნელობაზე საუბრობს კომპანია „ვოიაჟერის“ წარმომადგენელი ანა გვაზავა.
„საქართველოს ტურისტული პოტენციალისთვის ძალიან მნიშვნელოვანია როუდშოუების მოწყობა სპარსეთის ყურის ქვეყნებში. ვეცნობით ახალ პარტნიორებს და გვაქვს ახალი კონტაქტები, მეტი შანსი აქვს ნებისმიერ კომპანიას მეტად წარმატებულად იმუშაოს საქართველოს ბაზარზე. საამიროებიდან კვირაში 21 ავიარეისი სრულდება, ფრენის ხანგრძლივობა სულ რაღაც 3 საათია, რაც ძალიან მოსახერხებელია. წინა წელთან შედარებით აღინიშნება ტურისტული ნაკადის ზრდა. რაც ძალიან კარგად აისახა ტურიზმის მიმართულებაზე. ჩვენ ძალიან მოხარულები ვართ, რომ ვიღებთ მსგავს ღონისძიებაში მონაწილეობას“.
ღონისძიებებში 20-მდე ქართული და 50-მდე ადგილობივი კომპანია იყო წარდგენილი. უცხოური კომპანიების წარმომადგენლები დეტალურად გაეცნენ საქართველოს ტურისტულ ინფრასტრუქტურას, შეთავაზებებსა და პროდუქტებს.
დღის ტოპ 10 სიახლე
სხვა სიახლეები
თბილისისა და ბათუმის საერთაშორისო აეროპორტებიდან 20-ზე მეტი ფრენა გაუქმდა
01.03.2026.15:57
რეგიონში მიმდინარე მოვლენების გამო, თბილისისა და ბათუმის საერთაშორისო აეროპორტებიდან, ჯამში, 20-ზე მეტი ფრენა გაუქმდა.
აეროპორტების გაერთიანების ინფორმაციით, 1-ელ მარტს თბილისის აეროპორტიდან აღარ შესრულდება 17 რეისი. რაც შეეხება ბათუმს, გაუქმებულია დღეს დაგეგმილი 4 ფრენა.
თბილისის საერთაშორისო აეროპორტიდან ფრენები აღარ შესრულდება შემდეგი მიმართულებებით:
თელ-ავივი - 7 რეისი;
შარჟა - 2 რეისი;
დუბაი - 3 რეისი;
დოჰა - 3 რეისი;
აბუ-დაბი - 1 რეისი;
ქუვეითი - 1 რეისი;
ამასთან, ბათუმის საერთაშორისო აეროპორტიდან გაუქმდა 4 ფრენა თელ-ავივის მიმართულებით.
გავლენიანი გამოცემა Condé Nast Traveller კურორტ ბახმაროს შესახებ ვრცელ სტატიას აქვეყნებს
25.02.2026.14:36
სასტუმროს დატვირთულობის თვალსაზრისით, პირველი კვარტალი შარშანდელთან შედარებით ბევრად უფრო შედეგიანი აღმოჩნდა - ვაჟა ბერიკაული
25.02.2026.14:12
სასტუმროში მუდმივი ზრდა გვაქვს და წელს კიდევ უფრო გაუმჯობესებული შედეგები დაფიქსირდა - დიანა ჩომახაშვილი
25.02.2026.13:19
