საქართველოს ტურისტულ პოტენციალს ინდოეთის უმსხვილეს გამოფენაზე OTM Mumbai 2026 გაეცნენ

ტურიზმი

საქართველოს ტურისტულ პოტენციალს ინდოეთის უმსხვილეს გამოფენაზე OTM Mumbai 2026 გაეცნენ

09.02.2026.13:12

საქართველოს ტურიზმის ეროვნულმა ადმინისტრაციამ ინდოეთში, მუმბაიში საერთაშორისო ტურისტულ გამოფენაში OTM Mumbai 2026 მიიღო მონაწილეობა.
ინდოეთში უმსხვილეს და აზიის ქვეყნებში ერთ-ერთ ყველაზე გავლენიან გამოფენაზე ტურიზმის ეროვნული ადმინისტრაცია 32 კერძო კომპანიასთან და სახელმწიფო ორგანიზაციასთან ერთად წარდგა.

გამოფენის ფარგლებში, საქართველოს სტენდთან ქვეყნის ტურისტული მიმართულების შესახებ პრეზენტაცია გაიმართა.

OTM Mumbai 2026-ის სტუმრებმა ინფორმაცია მიიღეს საქართველოს კურორტებისა და ტურისტული პროდუქტების შესახებ.

OTM Mumbai 2026-ზე, B2B ფორმატში, შეხვედრები შედგა ინდურ კომპანიებთან ინდოეთიდან საქართველოში მაღალმხარჯვეული ტურისტული სეგმენტის მოსაზიდად. ქართული სასტუმროებისა და ტურისტული კომპანიების წარმომადგენლებმა ინდოელ კოლეგებთან თანამშრომლობისა და საქართველოში ტურისტული პაკეტების შემუშავების თემები განიხილეს.

მუმბაის ტურისტულ გამოფენას 50 ათასზე მეტი ვიზიტორი ეწვია, OTM Mumbai 2026-ზე 60-ზე მეტი ქვეყნიდან 1000-ზე მეტი კომპანია იყო წარდგენილი.