საქართველოს ტურისტულ მიმართულებას ნიუ-იორკის გამოფენასა და სამოგზაურო მედია ფორუმზე გაეცნენ

ტურიზმი

საქართველოს ტურისტულ მიმართულებას ნიუ-იორკის გამოფენასა და სამოგზაურო მედია ფორუმზე გაეცნენ

26.01.2026.10:05

საქართველოს ტურიზმის ეროვნულმა ადმინიტრაციამ აშშ-ში უმსხვილეს ტურისტულ გამოფენაში New York Travel & Adventure Show მიიღო მონაწილეობა. ნიუ-იორკის გამოფენაზე ტურიზმის ეროვნული ადმინისტრაციასთან ერთად წარმოდგენილი იყო ქართული კერძო სექტორი.

გამოფენას ტურიზმის ეროვნული ადმინისტრაციის ხელმძღვანელი დაესწრო. მაია ომიაძემ შეხვედრები გამართა საერთაშორისო PR და ავია კომპანიების, პლატფორმებისა და მედია ორგანიზაციების წარმომადგენლებთან ამერიკის ტურისტულ ბაზარზე საქართველოს ცნობადობის გაზრდის მიზნით.

New York Travel & Adventure Show-ს ფარგლებში, საქართველოს სტენდთან დამთვალიერებლებსა და უცხოელ ტუროპერატორებს საშუალება ჰქონდათ გაცნობოდნენ საქართველოს ტურისტულ მიმართულებას და ინფორმაცია მიეღოთ ტურისტული პროდუქტებისა და კურორტების შესახებ. სპეციალურად სტუმრებისთვის საქართველოს ტურისტული პოტენციალის შესახებ ვიდეორგოლების ჩვენება და პრეზენტაციები მოეწყო.

გამოფენაზე მსოფლიოს სხვადასხვა ქვეყნიდან 550-ზე მეტი კომპანია და ორგანიზაცია იყო წარმოდგენილი. New York Travel & Adventure Show-ს 23 ათასზე მეტი ვიზიტორი ეწვია.