საქართველო ხელსაყრელი მიმართულებაა ბიზნეს ღონისძიებებისთვის - ვიშეშ მანჰანი
საქართველოს ტურიზმის ეროვნული ადმინისტრაციის საკონვენციო და საგამოფენო ბიურო ესპანეთში, ბარსელონაში, მსოფლიოში ერთ-ერთ ყველაზე მასშტაბურ და გავლენიან გამოფენაში IBTM World 2025 მონაწილეობდა.
გამოფენაზე საქართველოს წარდგენის მნიშვნელობაზე საუბრობს Vive Bespoke Event-ის დამფუძნებელი ვიშეშ მანჰანი.
„როდესაც ახალ მიმართულებებსა და შესაძლებლობებზე ვსაუბრობთ, საქართველო ხელსაყრელი მიმართულებაა ბიზნეს ღონისძიებებისთვის და ვფიქრობ, საქართველოს აქვს პოტენციალი გადაიქცეს ცენტრად საქმიანი ტურიზმის მიმართულებით, სადაც შესაძლებელია სხვადასხვა ღონისძიებების გამართვა. ამას ხელს უწყობს საქართველოს ტურისტული ადგილები, გასტრონომია, გამარტივებული სავიზო რეჟიმი. ყოველივე ეს ხელს უწყობს როგორც მოგზაურებს, ასევე ბიზნეს ღონისძიებებისთვის მსხვილ ჯგუფებს, 300-დან 500 კაცამდე, რომ ეწვიონ საქართველოს, რადგან საქართველო იდეალური დანიშნულების ადგილია ბიზნეს ღონისძიებებისთვის.“
IBTM World 2025-ზე 150 ქვეყნიდან 2 500-ზე მეტი ორგანიზაცია და კომპანია მონაწილებდა, გამოფენის სტუმრების რაოდენობა 12 ათასზე მეტი იყო.
დღის ტოპ 10 სიახლე
Best Discovery-საქართველო m&i Transatlantic Vienna 2026-ის საქმიანი ტურიზმის ფორუმის გამარჯვებულია
სხვა სიახლეები
Best Discovery-საქართველო m&i Transatlantic Vienna 2026-ის საქმიანი ტურიზმის ფორუმის გამარჯვებულია
03.03.2026.16:02
საქართველოს ტურისტული მიმართულება ავსტრიის დედაქალაქ ვენაში საქმიანი ტურიზმის მიმართულებით გამართულ ფორუმზე პირველ ადგილზე დასახელდა. საქართველომ ნომინაციაში „საუკეთესო აღმოჩენა“ გაიმარჯვა.
“m&i Transatlantic Vienna 2026”-ის საერთაშორისო ფორუმზე საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინიატრაცია მონაწილეობდა. ფორუმზე ადმინიატრაციის საკონვენციო და საგამოფენო ბიურო იყო წარმოდგენილი.
ფორუმის ფარგლებში, 3 დღის განმავლობაში ტურიზმის ეროვნული ადმინიატრაციის საკონვენციო და საგამოფენო ბიუროს წევრებმა შეხვედრები გამართეს წამყვანი ევროპული და ამერიკული კომპანიების წარმომადგენლებთან, რომლებიც ბიზნეს ტურიზმის მიმართულებით მუშაობენ.
“m&i Transatlantic Vienna 2026”-ზე გამართული შეხვედრების შემდეგ მონაწილეებმა ტურისტული მიმართულებები და ორგანიზაციები შეაფასეს. საერთაშორისო წამყვანი კომპანიების გადაწყვეტილებით ხმების უმრავლესობა საქართველოს ტურიზმის ეროვნული ადმინისტრაციის საკონვენციო და საგამოფენო ბიურომ მიიღო.
“m&i Transatlantic Vienna 2026”-ზე უცხოური კომპანიები დაინტერესდნენ საქართველოს საქმიანი ტურისტული პოტენციალით, საქართველოში მსხვილი ღონისძიებების, ფორუმების, კონგრესებისა და კონფერენციების მოწყობის შესაძლებლობით.
გავლენიანი გამოცემა Condé Nast Traveller კურორტ ბახმაროს შესახებ ვრცელ სტატიას აქვეყნებს
25.02.2026.14:36
სასტუმროს დატვირთულობის თვალსაზრისით, პირველი კვარტალი შარშანდელთან შედარებით ბევრად უფრო შედეგიანი აღმოჩნდა - ვაჟა ბერიკაული
25.02.2026.14:12
