საქართველოს საავიაციო ბაზარს ავიაკომპანია EasyJet – ი შემოემატა, რაც ისტორიული მოვლენაა საქართველოს ავიაციისა და ტურიზმისთვის - მარიამ ქვრივიშვილი
ბრიტანულმა დაბალბიუჯეტურმა ავიაკომპანიამ easyJet - ი, პირველად ისტორიაში, თბილისის საერთაშორისო აეროპორტში ჟენევიდან პირდაპირი რეისი შეასრულა.
„პირველად ჩვენი ქვეყნის ისტორიაში საქართველოს საავიაციო ბაზარს ავიაკომპანია EasyJet – ი შემოემატა, რაც ძალიან მნიშვნელოვანი სიახლეა ჩვენი ქვეყნისთვის. ეს არის ისტორიული მოვლენა საქართველოს ავიაციისა და ტურიზმის ინდუსტრიისთვის. აღნიშნულს წინ უძღოდა საკმაოდ გრძელვადიანი და კომპლექსური მოლაპარაკებები და ძალიან სასიხარულოა, რომ მისი წარმატებით დასრულება შევძელით. შედეგად უკვე ვუმასპინძლეთ ავიაკომპანიის პირველ ფრენას ჟენევა - თბილისის მიმართულებით," - განაცხადა ეკონომიკისა და მდგრადი განვითარების მინისტრის მოადგილემ, მარიამ ქვრივიშვილმა.
როგორც მინისტრის მოადგილემ განაცხადა, განსაკუთრებით სასიხარულოა ის, რომ პირველი რეისი ფაქტობრივად 100 - პროცენტიანი დატვირთულობით შესრულდა, რაც ხაზს უსვამს იმას, რომ საქართველოსადმი მოთხოვნა უკვე არსებობს.
„ჩვენ გვაქვს დიდი მოლოდინი, რომ ავიაკომპანია easyJet - თან მჭიდრო თანამშრომლობით შევძლებთ და გავზრდით ჩვენი ქვეყნის ტურიზმის ინდუსტრიას, მოვიზიდავთ კიდევ უფრო მეტ ტურისტს ავიაკომპანიასთან ერთად," - აღნიშნა მარიამ ქვრივიშვილმა.
ბრიტანული დაბალბიუჯეტური ავიაკომპანია easyJet - ი თბილისის საერთაშორისო აეროპორტში რეგულარულ ფრენებს ჟენევიდან 31 მარტიდან, ლონდონიდან და მილანიდან კი 1 აპრილიდან კვირაში 2-2 სიხშირით შეასრულებს.
დღის ტოპ 10 სიახლე
სხვა სიახლეები
ახალი აეროპორტები ხელს შეუწყობს ადგილობრივების დასაქმებას, რაც ძალიან მნიშვნელოვანია ჩვენი ეკონომიკისთვის - საქართველოს ტურიზმის ასოციაციის ხელმძღვანელი
29.08.2026.14:35
ჩვენ იმედი გვაქვს, რომ მომავალ წელს კიდევ უფრო მეტი ტურისტი ეწვევა როგორც სვანეთს, ასევე თელავის მიმართულებას, - აცხადებს საქართველოს ტურიზმის ასოციაციის ხელმძღვანელი ნატალია კვაჭანტირაძე.
ის საქართველოს აეროპორტების გაერთიანების მიერ მესტიისა და თელავის აეროპორტებში ახალი სამგზავრო ტერმინალების მშენებლობაზე ტენდერების გამოცხადებას დადებითად აფასებს და აღნიშნავს, რომ ეს ადგილობრივების დასაქმებასაც შეუწყობს ხელს.
„იმედი გვაქვს, რომ რეგიონი კიდევ უფრო გამოცოცხლდება და შესაბამისად, ახალი აეროპორტები ხელს შეუწყობს ადგილობრივების დასაქმებას, რაც ძალიან მნიშვნელოვანია ჩვენი ეკონომიკისთვის“, - აღნიშნა ნატალია კვაჭანტირაძემ.
მესტიის აეროპორტის ახალი ტერმინალი წელიწადში, დაახლოებით 50 ათას მგზავრს მოემსახურება, ასევე 50 ათასამდე მგზავრზე იქნება გათვლილი თელავის აეროპორტის ახალი ტერმინალიც.
მესტიის აეროპორტში მშენებლობის ვადა 24 თვე, თელავის აეროპორტში კი 21 თვეა.
მესტიისა და თელავის აეროპორტების ახალი ტერმინალები ტურისტული ნაკადების ზრდასა და ეკონომიკურ განვითარებას შეუწყობს ხელს - ლევან მოსეშვილი
28.08.2026.13:32
საქართველოს აეროპორტების გაერთიანებამ მესტიის ახალი სამგზავრო ტერმინალის მშენებლობაზე ტენდერი გამოაცხადა
28.08.2026.11:52
ბათუმი Wanderlust Reader Travel Awards-ზე ევროპის სასურველი სამოგზაურო ქალაქების კატეგორიაშია ნომინირებული
26.08.2026.16:18
2025 წელს საქართველოს სასტუმროებსა და სასტუმროს ტიპის დაწესებულებებში დასაქმებული
იყო 29 101 ადამიანი - საქსტატი
26.08.2026.15:57
2025 წელს ყველაზე მეტი სასტუმრო და სასტუმროს ტიპის დაწესებულება ფუნქციონირებდა აჭარასა (21.3%) და თბილისში (20.9%) - საქსტატი
26.08.2026.15:46
