საქართველოს საავიაციო ბაზარს ავიაკომპანია EasyJet – ი შემოემატა, რაც ისტორიული მოვლენაა საქართველოს ავიაციისა და ტურიზმისთვის - მარიამ ქვრივიშვილი
ბრიტანულმა დაბალბიუჯეტურმა ავიაკომპანიამ easyJet - ი, პირველად ისტორიაში, თბილისის საერთაშორისო აეროპორტში ჟენევიდან პირდაპირი რეისი შეასრულა.
„პირველად ჩვენი ქვეყნის ისტორიაში საქართველოს საავიაციო ბაზარს ავიაკომპანია EasyJet – ი შემოემატა, რაც ძალიან მნიშვნელოვანი სიახლეა ჩვენი ქვეყნისთვის. ეს არის ისტორიული მოვლენა საქართველოს ავიაციისა და ტურიზმის ინდუსტრიისთვის. აღნიშნულს წინ უძღოდა საკმაოდ გრძელვადიანი და კომპლექსური მოლაპარაკებები და ძალიან სასიხარულოა, რომ მისი წარმატებით დასრულება შევძელით. შედეგად უკვე ვუმასპინძლეთ ავიაკომპანიის პირველ ფრენას ჟენევა - თბილისის მიმართულებით," - განაცხადა ეკონომიკისა და მდგრადი განვითარების მინისტრის მოადგილემ, მარიამ ქვრივიშვილმა.
როგორც მინისტრის მოადგილემ განაცხადა, განსაკუთრებით სასიხარულოა ის, რომ პირველი რეისი ფაქტობრივად 100 - პროცენტიანი დატვირთულობით შესრულდა, რაც ხაზს უსვამს იმას, რომ საქართველოსადმი მოთხოვნა უკვე არსებობს.
„ჩვენ გვაქვს დიდი მოლოდინი, რომ ავიაკომპანია easyJet - თან მჭიდრო თანამშრომლობით შევძლებთ და გავზრდით ჩვენი ქვეყნის ტურიზმის ინდუსტრიას, მოვიზიდავთ კიდევ უფრო მეტ ტურისტს ავიაკომპანიასთან ერთად," - აღნიშნა მარიამ ქვრივიშვილმა.
ბრიტანული დაბალბიუჯეტური ავიაკომპანია easyJet - ი თბილისის საერთაშორისო აეროპორტში რეგულარულ ფრენებს ჟენევიდან 31 მარტიდან, ლონდონიდან და მილანიდან კი 1 აპრილიდან კვირაში 2-2 სიხშირით შეასრულებს.
დღის ტოპ 10 სიახლე
სხვა სიახლეები
საქართველოს ტურისტულ პოტენციალს პარიზის საერთაშორისო ტურისტულ გამოფენაზე გაეცნენ
01.10.2026.15:37
საქართველოს ტურიზმის ეროვნულმა ადმინისტრაციამ საფრანგეთის დედაქალაქ პარიზში, ევროპაში ერთ-ერთ უდიდეს ტურისტულ გამოფენაში IFTM Top Resa 2026 მიიღო მონაწილეობა. ტურიზმის ეროვნულ ადმინისტრაციასთან ერთად საქართველოს ეროვნულ სტენდზე 8 ქართული კომპანია და ორგანიზაცია იყო წარდგენილი.
გამოფენის ფარგლებში, საქართველოს სტენდთან სტუმრებს საშუალება ჰქონდათ გაცნობოდნენ ქვეყნის ტურისტულ პროდუქტებსა და პოტენციალს. კერძო სექტორის წარმომადგენლებმა შეხვედრები გამართეს წამყვან ფრანგულ კომპანიებთან საქართველოში ტურისტული ნაკადების გაზრდის მიზნით.
წლევანდელი IFTM Top Resa 2026 მასშტაბურობითა და ვიზიტორთა სიმრავლით გამოირჩეოდა.
ღონისძიებას ტურიზმის სფეროს 35 ათასამდე პროფესიონალი დაესწრო. საერთაშორისო გამოფენაზე მსოფლიოს 180 ტურისტული მიმართულებიდან 1600-ზე მეტი კომპანია და ორგანიზაცია იყო წარდგენილი.
თურქეთის რესპუბლიკის საგანგებო და სრულუფლებიანი ელჩი საქართველოში თბილისის საერთაშორისო აეროპორტს ესტუმრა
30.09.2026.19:34
Wizz Air-ის ბაზას საქართველოს საავიაციო ბაზრის განვითარებაში განსაკუთრებული წვლილი შეაქვს - ლევან მოსეშვილი
29.09.2026.22:27
ქუთაისის საერთაშორისო აეროპორტში 3.5-კილომეტრიანი ასაფრენ-დასაფრენი ზოლისა და მისი ინფრასტრუქტურის მშენებლობა დასკვნით ეტაპზეა - ლევან მოსეშვილი
28.09.2026.13:25
