რუსეთიდან შემოსული ვიზიტორების რაოდენობამ პანდემიამდელ მაჩვენებელს 1.1%-ით გადააჭარბა
2023 წლის I კვარტალში საერთაშორისო ვიზიტების რაოდენობამ 1.1 მილიონს მიაღწია, რაც პანდემიამდელი (2019 წლის I კვარტალი) მაჩვენებლის 79.9%-ს შეადგენს. როგორც PMC Research-ის მიერ მომზადებულ ანგარიშშია აღნიშნული, საანგარიშო პერიოდში ტურისტულმა ვიზიტებმა (საერთაშორისო ვიზიტები ღამისთევით) შეადგინა 845,322 ვიზიტი და თითქმის მიაღწია პანდემიამდელ მაჩვენებელს (95.8%).
2023 წლის I კვარტალში საქართველოში ყველაზე მეტი ვიზიტორი რუსეთიდან ჩამოვიდა. კერძოდ, რუსეთიდან საქართველოში 256,787 ვიზიტი განხორციელდა, რაც 1.1%-ით აჭარბებს პანდემიამდელ მაჩვენებელს. რუსეთს მოსდევს თურქეთი და სომხეთი.
მიუხედავად 2023 წლის I კვარტალში საერთაშორისო ვიზიტების მხოლოდ ნაწილობრივი აღდგენისა, საერთაშორისო მოგზაურობიდან შემოსავალმა მიაღწია 795.4 მილიონ აშშ დოლარს, რაც პანდემიამდელ მაჩვენებელზე 38%-ით მეტია.
ქვეყნების მიხედვით, 2023 წლის I კვარტალში ყველაზე მაღალი იყო რუსი მოგზაურებისგან მიღებული შემოსავალი და მან შეადგინა 266.4 მილიონი აშშ დოლარი, რაც 29%-ით მეტია 2019 წელთან შედარებით.
აღსანიშნავია, რომ საქართველოს ეროვნული ბანკის მონაცემებით, 2023 წლის 31 მარტისთვის საქართველოში მყოფი რუსეთის მოქალაქეების 35.5%, უკრაინის მოქალაქეების 23.7% და ბელარუსის მოქალაქეების 44% შეფასებულია,
როგორც 1 წელზე მეტი ვადით მყოფი, ან საქართველოში 1 წელზე მეტი ვადით დარჩენის მსურველი. შესაბამისად, მათ მიერ გაწეული ხარჯები არ შედის საერთაშორისო მოგზაურობიდან მიღებულ შემოსავლებში.
დღის ტოპ 10 სიახლე
სხვა სიახლეები
აგვისტო 95 %-იანი დატვირთულობით მიმდინარეობს - Lopota Lake Resort & Spa
18.08.2025.12:25
ზაფხულის მიმდინარე ტურისტულ სეზონს აფასებს „ლოპოტა სპა რეზორტის“ კომერციული დირექტორი. მაკა ღვლივიშვილის განცხადებით, Lopota Lake Resort & Spa - ლოპოტა სპა რეზორტში გაზრდილია როგორც ვიზიტორთა რაოდენობა, ასევე ფასიც.
ზოგადად წლევანდელი სეზონი ძალიან მაღალი დატვირთულობით მიმდინარეობს, როგორც ყოველთვის ლოპოტაზე. ივლისი 90-%-მდე იყო დატვირთული, აგვისტო კი 95%-ით დატვირთულია. ჩვენი მთავარი ბაზარი წელს ისრაელია. სეზონს სრულად რენოვირებული ოთახებით შევხვდით და შევძელით საშუალო დღიური განაკვეთის აწევა, შესაბამისად საკუთარ რეკორდს ვაუმჯობესებთ. სექტემბერიც უკვე კარგად გამოიყურება არსებული ჯავშნებით, საქმიანი ტურიზმის მიმართულებით დიდ ჯგუფებს ვმასპინძლობთ, რომლებიც საერთაშორისო კომპანიებს წარმოადგენენ და სხვადასხვა ქვეყნიდან იკრიბებიან ჩვენთან. ასევე უკვე დავაანონსეთ რთველის ტრადიციული ფესტივალი 21 სექტემბერს და ველით ჩვენს ერთგულ სტუმრებს“,-აცხადებს მაკა ღვლივიშვილი.
„კერა“ – ახალი ეთნო-სივრცე წყალტუბოში, რომელიც ტრადიციასა და თანამედროვე ტურიზმს აერთიანებს
13.08.2025.10:00
ტურისტების რაოდენობის ზრდა ფიქსირდება გორში, ქუთაისსა და გუდაურში, იმედი გვაქვს, ტენდენცია შენარჩუნდება – „ინნ ჯგუფი“
11.08.2025.17:11
ლაშქრობა, ჰაიკინგი, პარაპლანით ფრენა - საზაფხულო თავგადასავლები საქართველოში - Le Figaro
11.08.2025.14:10
Crystal Hotel & SPA-ს ახალი ტობოგანი და მზარდი დატვირთულობა – სასტუმროს სტუმრების 90% არაბული ქვეყნებიდანაა
11.08.2025.14:00
კარგი აგვისტო გვაქვს, სექტემბერსაც და ოქტომბერსაც თბილისში კარგს ველოდებით - ბუტიკ-სასტუმრო შოთა რუსთაველი
11.08.2025.12:14
უკვე აშკარაა, რომ ბათუმი გლობალური ტურიზმის რუკაზე მყარად არის დაფიქსირებული - Le Méridien Batumi-ის გაყიდვების დირექტორი
08.08.2025.13:20
საქართველოს ტურიზმის ეროვნულმა ადმინისტრაციამ 31 ქვეყანაში მარკეტინგული კამპანია დაიწყო
06.08.2025.10:05
