RenewReach ეს არის თქვენი საიმედო პარტნიორი ინოვაციურ მარკეტინგსა და ხელოვნურ ინტელექტში. კომპანია RenewReach-ი საკუთარ მომხმარებლებს სრულყოფილ მარკეტინგულ გადაწყვეტილებებს სთავაზობს, რომლებიც შექმნილია ბრენდის გასაძლიერებლად. კომპანიის სერვისები მოიცავს რეკლამის მართვას, დიზაინს, AI ვიდეოების წარმოებას, თარგეთირებას, ოპტიმიზაციასა და რეპორტინგს.

უფრო დეტალურად RenewReach-ის საქმიანობასა და გეგმებზე Business Insider Georgia კომპანიის დამფუძნებელსა და დირექტორს აკაკი ბარდაძეს ესაუბრა.

- რამდენი ხანია RenewReach ქართულ ბაზარზე ოპერირებს და რა სახის AI სერვისებს სთავაზობთ დღეს მომხმარებლებს?

- RenewReach ქართულ ბაზარზე ოპერირებს უკვე 1 წელზე მეტია. დღეს ვთავაზობთ აგენტურ AI სისტემებს, რომლებიც სრულად ავტომატიზაციას უკეთებს კომპანიების კომუნიკაციას —
ჩათ-აგენტები (Messenger/Instagram/Website) შეკვეთების/ლიდების დამუშავებისთვის, CRM + Google Sheets/Shopify/WooCommerce და მრავალი სხვა ინტეგრაციით (დამოკიდებულია დამკვეთის საჭიროებებზე).

- ბაზარზე გამოჩენიდან დღემდე როგორ შეიცვალა თქვენი მომხმარებელთა რაოდენობა და რომელი სექტორები იყენებენ აქტიურად თქვენს აგენტურ AI გადაწყვეტილებებს?

- დაწყებიდან დღემდე მომხმარებელთა რაოდენობა სტაბილურად და სწრაფად იზრდება - პირველი თვეებში რამდენიმე კლიენტი გვყავდა, დღეს უკვე მრავალი დიდი კომპანია იყენებს ჩვენს AI სისტემებს.

ყველაზე აქტიურებია:

• E-commerce და ონლაინ მაღაზიები;
• სამედიცინო  ცენტრები;
• ავტო სერვისები;
• დეველოპმენტი/უძრავი ქონება;
• ტურისტული სააგენტოები;

- მომხმარებელთა გამოცდილებაზე დაყრდნობით, რომელი ინდუსტრიებია საქართველოში ყველაზე სწრაფად მიმართული ავტომატიზაციისკენ?  და საერთო შეფასებით - რამდენად სწრაფად უწყობს ფეხს ქართული ბიზნესი AI ტექნოლოგიების განვითარებას?

- ყველაზე სწრაფად ავტომატიზაციისკენ მიდრეკილია ტურისტული სააგენტოები  და უძრავი ქონების სექტორი - სადაც კომუნიკაცია და სისწრაფე კრიტიკულია.

ქართული ბიზნესი AI-ს განვითარებას ერთის მხრივ  საკმაოდ სწრაფად ეწევა, განსაკუთრებით ბოლო 1 წლის განმავლობაში. უკვე ჩანს ტენდენცია, რომ კომპანიები ცდილობენ ადამიანური რესურსის ოპტიმიზაციას და პროცესების გამარტივებას AI-ს მეშვეობით.  თუმცა არის მეორე მხარეც რომელიც ძალიან სკეპტიკურად უყურებს ამ ყველაფერს. 

- ქართულ ბაზარზე რომელი ტიპის კომპანიებს სჭირდებათ აგენტური AI ყველაზე მეტად მცირე, საშუალო თუ მსხვილ ბიზნესებს?

- ჩემი აზრით, მცირე ბიზნესებისთვის ეს უფრო მეტად სასურველია ვიდრე საჭირო, საშუალო და მსხვილ ბიზნესებს კი, რომელსაც დიდი გუნდი ჰყავს ოპერატორების, მათ ნამდვილად სჭირდებათ. აღნიშნული სისტემა მაქსიმალურად ამცირებს მათ ჩართულობას მიმოწერაში და აძლევს საშუალებას უფრო მნიშვნელოვანი საქმე აკეთონ.

- რა სარგებელს იღებენ კომპანიები RenewReach-ის AI სისტემებით? კონკრეტულად, რა დონემდე მცირდება ადამიანური ჩართულობა პროცესებში?

- მიმოწერა ავტომატიზირებულია 24/7. პერსონალი იხსნება რუტინული სამუშაოდან, 99.9% მომხმარებელს პასუხი 1 წუთზე ნაკლებ დროში უბრუნდება, პროცესებში ადამიანური ჩართულობა ზოგჯერ 70–95%-ით მცირდება (ოპერატორი უკვე მხოლოდ რთულ კითხვებზე ერთვება).

- როგორ შეაფასებთ RenewReach-ის 2025 წლის შედეგებს - ტექნოლოგიური პროგრესის, კლიენტების რაოდენობისა და ავტომატიზაციის მასშტაბის მიხედვით?

- 2025 წელი იყო გარღვევის წელი, ტექნოლოგიური ნაწილი მნიშვნელოვნად განვითარდა (AI აგენტები, ინტეგრაციები, ავტომატიზაციები), კლიენტების რაოდენობა და ავტომატიზაციის მასშტაბი რამდენჯერმე გაიზარდა, მრავალ კომპანიაში შევქმენით AI თანამშრომლები, რომლებიც თვის განმავლობაში მილიონობით შეტყობინებას პასუხობენ .

- რომელი პროდუქტი ან AI გადაწყვეტილება იყო 2025 წელს ყველაზე გავლენიანი კომპანიის ზრდაზე?

- ეს არის მულტიმოდალური (სურათები, ტექსტი, ვოისები ) ჩატის აგენტი მესენჯერის და ინსტაგრამისთვის, რომელიც პასუხობს ხშირად დასმულ კითხვებს, აგროვებს ლიდების ინფორმაციას და აწვდის გაყიდვების მენეჯერს, ან შეუძლია ავტონომიურად წინასწარ გაწერილ საათებში, დაჯავშნოს შეხვედრები გუგლის კალენდარში, აიღოს შეკვეთები (ყველაზე კარგად მუშაობს 1 ან რამდენიმე პროდუქტიან ბიზნესებზე რომელსაც ვიზუალურად გარჩევა არ სჭირდება, მაგალითად ვერ იმუშავებს ტანსაცმლის მაღაზიებზე ).

- რას აღნიშნავთ როგორც 2025 წლის ყველაზე დიდ წარმატებას და რომელი იყო ყველაზე რთული გამოწვევა წლის განმავლობაში?

- წარმატება:

საქართველოს ბაზარზე პირველი პრემიუმ AI აგენტური სერვისის დამკვიდრება, პირველივე წლებში რეალური შედეგებით და დამკვეთების სწრაფი ზრდით.

გამოწვევა:

ბაზარზე განათლების დონე, ბევრს ჯერ კიდევ ახსნა სჭირდება, თუ რას ნიშნავს AI თანამშრომელი და რატომ არ სჭირდება 15 ოპერატორი ერთდროულად. ეს ეტაპობრივად იცვლება.  

- რა იქნება RenewReach-ის მთავარი პრიორიტეტი 2026 წელს - ტექნოლოგიური გაუმჯობესება, ბიზნესის მასშტაბირება თუ საერთაშორისო ბაზრებზე გასვლა?

- ჩვენი მიზნები მომავალი წლისთვის არის , სატელეფონო გაყიდვების აგენტის დასრულება და საერთაშორისო ბაზარზე გასვლაა, პირველ რიგში ამერიკასა და ბრიტანეთში. 

- როგორ ხედავთ აგენტური AI-ის განვითარებას მომდევნო 3–5 წელიწადში და რა როლი შეიძლება ჰქონდეს RenewReach-ს ამ ეკოსისტემაში?

-  აგენტური AI გახდება ბიზნესების სტანდარტი, როგორც დღეს აუცილებელია Facebook გვერდი ან CRM.
3–5 წელში ბიზნესების დიდი ნაწილი დაეყრდნობა AI თანამშრომლებს — შეკვეთების მიღებაში, კომუნიკაციაში, ანალიტიკაში და ავტომატიზაციაში.
RenewReach მიზნად ისახავს გახდეს ერთ-ერთი წამყვანი კომპანია რეგიონში, რომელიც შექმნის მოქნილ, ეფექტურ და მასშტაბურ AI გადაწყვეტილებებს SMB-სა და Enterprise სეგმენტისთვის.