რა ღირს დასვენება ბახმაროში
ბახმაროში დასვენებაზე მოთხოვნა მაღალია. ვიზიტორების ნაწილი მაღალ ტემპერატურასა და ზღვაზე დასვენებას მთიან ადგილებში დასვენებას ამჯობინებს. თუმცა შესაძლებელია, კომბინაციური დასვენებაც - ზღვა და შემდეგ ულამაზესი ბახმარო.
როგორც Business Insider Georgia-ს ბახმაროს კოტეჯ Wooden House Sunrise-ს ადმინისტრაციაში უთხრეს, მოთხოვნა იმდენად მაღალი იყო, რომ სექტემბრის ბოლომდე ტურისტული ობიექტი უკვე მთლიანად დაჯავშნილია.
Wooden House Sunrise-ში ორ ადგილიანი ნომრების ფასი 120 ლარიდან იწყებოდა და მიღებული ჯავშნების 90%-ი ქართველებზე მოდის, ხოლო 10%-ზე უცხოელებზე, ევროპელ ტურისტებზე.
Booking-ის მონაცემებით, Hotel Saminavo-ში ივლისში ნომერის ფასი ორ ადამიანზე საშუალოდ 250 ლარია, ხოლო Dumbo Eco Camp-ში კი 140 ლარი.
ბახმარო მთის კურორტია გურიაში, ჩოხატაურის მუნიციპალიტეტში, სადაც ზღვისა და მთის ჰაერი ერთმანეთს ერწყმის და უნიკალურ გარემოს ქმნის.
შესაბამისად, აქვს ბუნებრივი სამკურნალო თვისებები. კურორტი წარმოადგენს ერთგვარ ქვაბულს, რომელიც გარშემორტყმულია ნაძვისა და სოჭის მარადმწვანე ტყეებით.
ზაფხულის საკურორტო სეზონი მხოლოდ სამი თვის განმავლობაში გრძელდება. ზაფხული ბახმაროში ზომიერად გრილია, საშუალო ტემპერატურა -14C.
ბახმარო ნისლებისა და ღრუბლების სამეფოა, ამ სილამაზის აღბეჭდვა სრულად ფოტოზე შეუძლებელია, ამიტომ ეს ყველაფერი თქვენი თვალით უნდა ნახოთ.
დღის ტოპ 10 სიახლე
სხვა სიახლეები
Dan Air იქნება ევროპიდან რიგით მე-17 ავიაკომპანია, რომელიც საქართველოში ფრენებს განახორციელებს - ალექსანდრე გაჩეჩილაძე
11.06.2026.19:01
საქართველოს ავიაბაზარს კიდევ ერთი ევროპული ავიაკომპანია ემატება. რუმინული Dan Air თბილისის მიმართულებით პირდაპირი ფრენების შესრულებას მომავალი თვიდან შეუდგება.
როგორც ეკონომიკისა და მდგრადი განვითარების სამინისტროს, სსიპ სამოქალაქო ავიაციის სააგენტოს დირექტორის მოადგილე ალექსანდრე გაჩეჩილაძე აცხადებს, მრავალწლიანი პაუზის შემდეგ, საქართველოსა და რუმინეთის დედაქალაქებს შორის რეგულარული საჰაერო მიმოსვლა განახლდება და ფრენები კვირაში ორი სიხშირით შესრულდება.
„Dan Air იქნება ევროპიდან რიგით მე-17 ავიაკომპანია, რომელიც განახორციელებს ფრენებს, ხოლო ბუქარესტი-თბილისის მიმართულება იქნება რიგით 42-ე საჰაერო ხაზი, სადაც შესრულდება ფრენები.
საქართველოსა და ევროპას შორის ამჟამად ფრენები ხორციელდება 160 სიხშირით. ევროპული ავიაკომპანიების წილი საქართველოს საავიაციო ბაზარზე 35%-ს შეადგენს და აღნიშნული მაჩვენებლები ნათლად მეტყველებს იმას, რომ საქართველოსა და ევროპას შორის საჰაერო მიმოსვლა წლიდან წლამდე სტაბილურად იზრდება", - განაცხადა ალექსანდრე გაჩეჩილაძემ.
საქართველოს ტურისტულ პოტენციალს სეულის საერთაშორისო გამოფენაზე SITF Korea 2026 გაეცნენ
09.06.2026.10:27
ტურიზმის ეროვნული ადმინისტრაციის ორგანიზებით, სამცხე-ჯავახეთმა 6-7 ივნისს გემოფესტს უმასპინძლა
08.06.2026.10:10
