სასტუმრო Park Hotel Surami Chalet - სასტუმრო სურამი შალე ზაფხულის ტურისტულ სეზონზე უფრო მეტი სტუმრის მოლოდინშია, ვიდრე გასული წლის მაჩვენებლები იყო. 
„2025 წლის ტურისტულ სეზონს ვხდებით დიდი მზაობით, თანამედროვე მოთხოვნებზე მორგებული სერვისებით, კომფორტული კოტეჯებით, ველნეს ზონით და ღია აუზით, რაც ჩვენს სასტუმროს კიდევ უფრო მიმზიდველს ხდის როგორც ჯანმრთელობის, ისე კულტურული და დასასვენებელი ტურიზმის თვალსაზრისით.

Park Hotel Surami Chalet-ის მენეჯმენტის გათვლებით, 2025 წლის ზაფხულის სეზონი მოსალოდნელია მნიშვნელოვნად უფრო წარმატებული იყოს, ვიდრე 2024 წლის ანალოგიური პერიოდი. ეს პროგნოზი ემყარება რამდენიმე რეალურ ტენდენციას და ანალიზს:

• 2025 წლის მაისის ბოლოსთვის მიღებული ჯავშნები ადრე შეივსო, ვიდრე 2024 წელს იმავე პერიოდში.
• განსაკუთრებით აქტიურია თბილისის, ქუთაისის, ბათუმისა და უცხოეთის ვიზიტორები (ბალტიისპირეთი, არაბული ქვეყნებიდან სტუმრები).
• შეინიშნება გაცილებით დიდი დაინტერესება გრძელვადიანი დასვენების პაკეტებზე, განსაკუთრებით სკოლამდელი ასაკის ბავშვების მშობლებს შორის.

ამ ფონზე მენეჯმენტი ელოდება, რომ ივლისი–აგვისტო სრულად იქნება დატვირთული. წინასწარ ჯავშნებზე დაყრდნობით დარჩენილია ძალიან მცირე თავისუფალი თარიღები“,- აცხადებს Business Insider Georgia-სთან სასტუმროს გაყიდვების ხელმძღვანელი თამარ მოსიძე.

Park Hotel Surami Chalet-ს ერთდროულად 35–45 სტუმრის მიღების შესაძლებლობა აქვს, რაც მოიცავს 8 სრულად აღჭურვილ ნომერს (მათ შორის 2  სტანდარტული ორადგილიანი (შესაძლებლობით დამატებითი საწოლის განთავსების), 5 ოჯახური ტიპის ნომერი (3–4 ადამიანი) და 1 პრემიუმ კლასის ვილა (10-12 ადამიანი). 

სასტუმროს ეზოსა და საერთო სივრცეების ზომა გათვლილია ისე, რომ ეს რაოდენობა არ ქმნის გადატვირთულობის განცდას და ყველა სტუმარი კომფორტულად თავსდება.
დღეისათვის არსებული სტატისტიკური მაჩვენებლებით, Park Hotel Surami Chalet-ის სტუმრების დაახლოებით 85% ადგილობრივია, ხოლო 15% უცხოელი ვიზიტორია. 
„ბალტიისპირეთიდან, არაბული ქვეყნებიდან სტუმრები არიან აქტიურები. ჩვენი მზაობაა უცხოელი ტურისტების წილის გაზრდა მინიმუმ 30%-მდე მომდევნო 2 წელიწადში. ამისთვის იგეგმება მეტი საერთაშორისო კოლაბორაცია ტუროპერატორებთან და ტრანსპორტისა და კომუნიკაციის გამარტივება უცხოელებისთვის (ინგლისურენოვანი მომსახურება, გიდების რეკომენდაციები, ტრანსფერის შეთავაზება)“, - ამბობს Park Hotel Surami Chalet-ის გაყიდვების ხელმძღვანელი. 
სასტუმროს მენეჯმენტის განმარტებით, Park Hotel Surami Chalet-ის საფასო პოლიტიკა 2025 წელს თითქმის შენარჩუნებულია.
„მენეჯმენტი ცდილობს შეინარჩუნოს ხარისხისა და ფასის ოპტიმალური ბალანსი, რაც სასტუმროს ერთ-ერთი მნიშვნელოვანი კონკურენტული უპირატესობაა.
 ფასების ზრდა ძირითადად უკავშირდება:

• ინფლაციასა და კომუნალურ ხარჯებს,
• გაუმჯობესებულ სერვისებსა და განახლებულ ინფრასტრუქტურას,
• სეზონზე მაღალი მოთხოვნის ტენდენციას (ჯავშნები ივსება უფრო ადრე და სწრაფად).

მენეჯმენტი მიზანმიმართულად არ აწევს ფასს ზედმეტად, რათა არ დაკარგოს წინა წლების ერთგული კლიენტურა და შეინარჩუნოს „ხელმისაწვდომი კომფორტის“ იმიჯი“, - აცხადებს თამარ მოსიძე.

Park Hotel Surami Chalet კონკურენტული უპირატესობაა ის, რომ განთავსების ობიექტი სტუმრებს სთავაზობს მაღალი ხარისხის მომსახურებას გონივრულ ფასად, რაც მნიშვნელოვან უპირატესობას ქმნის სხვა ძვირიან კურორტებთან შედარებით.

„დღეს Park Hotel Surami Chalet-ის კონკურენტული უპირატესობა ეფუძნება უნიკალურ კომბინაციას: გამორჩეულ მდებარეობას, დახვეწილ სერვისს, თანამედროვე ინფრასტრუქტურასა და ოჯახურ, თბილ ატმოსფეროს. 

რატომ Park Hotel Surami Chalet?

• სტრატეგიული მდებარეობა – სუფთა ჰაერი, ტყე და მზე,
• სასტუმრო სთავაზობს კომფორტულ იზოლაციას ქალაქის ხმაურისგან – რაც პოპულარულია თბილისში მცხოვრები ოჯახებისთვის.

 სერვისები, რომლებიც ემსახურება რეალურ დასვენებას:

•  ღია აუზი, საუნა
•  კვების სივრცე, სადაც სტუმრებს მიეწოდებათ ადგილობრივი, ჯანსაღი ინგრედიენტებით მომზადებული კერძები.
•  ბავშვებისა  სათამაშო ზონა და აქტივობები – ოჯახებისთვის ეს დიდ პლუსს წარმოადგენს“, - აცხადებს სასტუმროს გაყიდვების ხელმძღვანელი.

სამომავლოდ Park Hotel Surami Chalet-ის გეგმებში შედის, რომ გახდეს ყველაზე ცნობილი ბუტიკ-სასტუმრო საქართველოში.

„Park Hotel Surami Chalet-ის მენეჯმენტი აქტიურად მუშაობს ბრენდის ცნობადობის ზრდასა და სასტუმროს პოზიციონირებაზე, როგორც პრემიუმ კლასის, ხელმისაწვდომი ოჯახური დასვენების ადგილი. სამომავლო გეგმები ამ მიმართულებით ძალიან დიდია და ჩვენს მომხმარებლებს ეტაპობრივად გავუზიარებთ.

მენეჯმენტის მიზანია Park Hotel Surami Chalet გახდეს ერთ-ერთი ყველაზე განთქმული ბუტიკ-სასტუმრო საქართველოში“, - ამბობს თამარ მოსიძე. 

საგულისხმოა, რომ Park Hotel Surami Chalet-ის მაგალითზე, ზამთრის თვეებში (ნოემბერი-თებერვალი) დატვირთულობა შედარებით მცირდება, თუმცა როგორც სასტუმროს მენეჯმენტი ამბობს არსებობს სტაბილური ნაკადი.