ქუთაისის საერთაშორისო აეროპორტიდან ჰამბურგის მიმართულებით პირდაპირი რეისები განახლდა
დღეიდან, კვირაში ორი სიხშირით ქუთაისის დავით აღმაშენებლის სახელობის საერთაშორისო აეროპორტიდან ავიაკომპანია Wizz Air-ი ჰამბურგის მიმართულებით პირდაპირ რეგულარულ რეისებს ანახლებს.
საქართველოს აეროპორტების გაერთიანებამ უნგრულ ავიაკომპანიასთან მოლაპარაკებები წარმატებით დაასრულა.
ქუთაისის საერთაშორისო აეროპორტიდან პირდაპირი რეგულარული ფრენები გერმანიის 5 ქალაქის მიმართულებით ხორციელდება. ჯამურად, საქართველოდან გერმანიის მიმართულებით 4 ავიაკომპანია პირდაპირ რეგულარულ ფრენებს 8 მიმართულებით ასრულებს. 2024 წელს ჯამურად, საქართველოს გერმანიიდან 78,644 ვიზიტორი იყო ესტუმრა.
29 აპრილიდან Wizz Air-ი დავით აღმაშენებლის სახელობის აეროპორტიდან კიდევ ერთი, მადრიდის მიმართულებით განაახლებს ფრენებს. ხოლო 3 ივნისიდან სრულიად ახალი, ლიონის მიმართულება დაემატება.
ამ ეტაპზე, დავით აღმაშენებლის სახელობის აეროპორტიდან 6 ავიაკომპანია პირდაპირ რეგულარულ ფრენებს 18 ქვეყნის 32 მიმართულებით ასრულებს. აქედან 24 პირდაპირი მიმართულება ევროპულია.
დღის ტოპ 10 სიახლე
სხვა სიახლეები
ზამთრის სეზონი საკმაოდ აქტიურ ფაზაშია, მზარდია ვიზიტორების დინამიკა - ირაკლი ბურჭულაძე
12.01.2026.15:00
2025-2026 წლების ზამთრის სეზონი საკმაოდ აქტიურ ფაზაშია, შეინიშნება ბევრი ვიზიტორი, - აცხადებს ბაკურიანში მიმდინარე ზამთრის ტურისტულ სეზონთან დაკავშირებით მთის ტრასების სააგენტოს (MTA) დირექტორი, ირაკლი ბურჭულაძე. მისი განმარტებით, მოსალოდნელია რომ სეზონი გახანგრძლივდეს.
„მზარდი დინამიკა არის. ეს ყოველთვის არის და წელსაც გამოირჩევა. შესაბამისად ყველა ტრასა ღია არის. პირველ ეტაპზე ნალექმა არ მოგვცა საშუალება, თუმცა ხელოვნური გათოვლიანების საშუალებით პირველი ბაზა მოვამზადეთ თოვლის და შემდეგ უკვე გარკვეული ნალექი იყო. თოვს ბაკურიანში და შესაბამისად მგონია, რომ სეზონი გახანგრძლივდება და საკმაოდ გრძელი სეზონი იქნება“, - აცხადებს მთის ტრასების სააგენტოს (MTA) დირექტორი, ირაკლი ბურჭულაძე
Forbes Spain Travel-მა ბათუმი 2026 წლის სასურველ სამოგზაურო მიმართულებებს შორის დაასახელა
09.01.2026.12:36
კარგი სეზონია, მოთხოვნა დიდია - Hotel Carpe Diem Gudauri-ს გენერალური დირექტორი ზამთრის ტურისტულ სეზონზე
08.01.2026.11:20
ჩინეთი ჩვენთვის ერთ-ერთი სტრატეგიული ბაზარია, 2026 წელს ერთ-ერთი ყველაზე მნიშვნელოვანი პროექტი „ITB შანხაი“ იქნება - მაია ომიაძე
08.01.2026.10:45
ტურიზმის ეროვნულმა ადმინისტაციამ წელს 500-ზე მეტ საერთაშორისო მედიისა და ტურისტული კომპანიის წარმომადგენელს უმასპინძლა
31.12.2025.17:48
