მაისისთვის უკვე იგრძნობა ჯავშნების ზრდა - Sheraton Grand Tbilisi Metechi Palace
ზაფხულის ტურისტულ სეზონს თბილისში მდებარე ბრენდი სასტუმროები პოზიტიური მოლოდინებით ხვდებიან. „შერატონ გრანდ თბილისი მეტეხი პალასის“ გაყიდვებისა და მარკეტინგის დირექტორის ნატალია ჩანადირის ინფორმაციით, სეზონის წინ ჯავშნების რაოდენობა გაიზარდა.
“ზაფხულის ტურისტულ სეზონთან დაკავშირებით პოზიტიური მოლოდინები გვაქვს. მაისის თვისთვის უკვე იგრძნობა ჯავშნების გაძლიერებული ზრდა. დატვირთულობა ნორმალურია. დაგვემატა British Airways-ის და Easyjet-ის პირდაპირი ფრენები, შედეგად ჩვენ გვაქვს მოლოდინი, რომ არამხოლოდ ბრიტანელ სტუმრებს, არამედ იმ მოგზაურებსაც ვუმასპინძლებთ, რომლებიც იყენებენ ამ ავიაკომპანიებს. მაგალითად თუ აშშ-დან ფრენის დროს ბევრი გადასხდომა სჭირდებოდათ, ამიერიდან მხოლოდ ერთხელ გადასხდომით მოუწევთ საქართველოში ჩამოსვლა. ეს ფრენები ხელს შეუწყობს, არამარტო ბრიტანელი, არამედ ამერიკელი სტუმრების რაოდენობის გაზრდას საქართველოში“-განაცხადა ნატალია ჩანადირმა.
შერატონ გრანდ თბილისი მეტეხი პალასის“ გაყიდვებისა და მარკეტინგის დირექტორის ინფორმაციით, მიუხედავად არნახული კონკურენციისა, სასტუმრო მაქსიმალურად ცდილობს ფასების შენარჩუნებას და წელს სასტუმროში ფასები არ შემცირებულა.
სხვა სიახლეები
ტურიზმის ეროვნული ადმინისტრაცია ლონდონის საერთაშორისო გამოფენაში - World Travel Market მიიღებს მონაწილეობას
02.11.2026.09:39
საქართველოს ტურიზმის ეროვნული ადმინისტრაციის ხელმძღვანელი მაია ომიაძე 3-5 ნოემბერს დიდ ბრიტანეთში, ტურიზმის სფეროში მსოფლიოში ერთ-ერთ უმსხვილეს და პრესტიჟულ საერთაშორისო გამოფენაში World Travel Market (WTM) London მიიღებს მონაწილეობას.
ადმინისტრაციასთან ერთად, გამოფენაში 20-მდე ქართული ტურისტული კომპანია, აჭარის ტურიზმისა და კურორტების დეპარტამენტი და იმერეთის დანიშნულების ადგილის მართვის ორგანიზაცია (DMO) მიიღებს მონაწილეობას, რომლებიც უცხოელ ტუროპერატორებთან და საერთაშორისო პარტნიორებთან საქმიან შეხვედრებს გამართავენ.
საქართველოს ეროვნულ სტენდთან ვიზიტორებს შესაძლებლობა ექნებათ ქვეყნის ტურისტულ მიმართულებებსა და პროდუქტებს, კულტურულ-ისტორიულ მემკვიდრეობასა და ტურისტულ შესაძლებლობებს გაეცნონ.
გამოფენის ფარგლებში, დაგეგმილია შეხვედრები საერთაშორისო მედიაკომპანიების, დაჯავშნისა და მოგზაურობის გლობალურ პლატფორმების, მარკეტინგული სააგენტოების, ავიაციისა და ტექნოლოგიების სფეროს, გასართობი და კინოინდუსტრიის კორპორაციების წარმომადგენლებთან.
დიდი ბრიტანეთიდან მოგზაურთა ინტერესი დინამიურად იზრდება. 2026 წლის მესამე კვარტალში (ივლისი-სექტემბერი) გაერთიანებული სამეფოდან ვიზიტების რაოდენობა +18.2%-ითაა გაზრდილი.
საქართველოში საერთაშორისო მოგზაურების შემოსვლა III კვარტალში 3.6%-ით გაიზარდა | საქსტატი
30.10.2026.11:16
ამერიკის შეერთებული შტატების ტუროპერატორთა ჯგუფი საქართველოს ტურისტულ მიმართულებას გაეცნო
30.10.2026.11:12
ტურიზმის ეროვნული დაჯილდოების მე-11 საზეიმო ცერემონია 28 ოქტომბერს ოპერისა და ბალეტის თეატრში გაიმართება
27.10.2026.18:18
Galt & Taggart-ის პროგნოზით, 2027 წელს ტურიზმის შემოსავლები $5.3 მილიარდს გაუტოლდება
27.10.2026.11:00
2026 წლის 9 თვეში დიდ ბრენდულ სასტუმროებში დატვირთულობამ 65% შეადგინა - TBC Capital
27.10.2026.08:20
