კურორტ „გოდერძიზე“ მდებარე ალიანს ვილა • Alliance Villa, რომელიც ბაზარზე 2021 წლიდან ოპერირებს, მიმდინარე ზამთრის ტურისტულ სეზონს გაცილებით მაღალი მოლოდინებით ხვდება.

როგორც Business Insider Georgia-ს Alliance Villa-ში განუცხადეს, სასტუმრო სტუმრებს ძირითადად Booking-com მეშვეობით იღებს, ხოლო სტუმრების ნაწილი Alliance Villa-ს ლოიალური მომხმარებლები არიან, რომლებიც განთავსების საშუალებას ყოველწლიურად სტუმრობენ.

მიუხედავად იმისა, რომ კურორტ “გოდერძიზე“ ზამთრის სათხილამურო სეზონი რამდენიმე დღის უკან გაიხსნა, როგორც  Alliance Villa-ში აცხადებენ, ამ დროისათვის ჯავშნები ძირითადად ადგილობრივი ბაზრიდან აქვთ, რასაც ხელს უწყობს სპეციალური შეთავაზება, რომელიც ამ ეტაპზე სასტუმროს გააჩნია.

„14 დეკემბერს სამთო-სათხილამურო კურორტ გოდერძიზე საბაგიროები გაიხსნება!

ზამთრის ახალ ტურისტულ სეზონთან დაკავშირებით, ალიანს ვილაში განსაკუთრებული, 3+1 შეთავაზება იმოქმედებს:

მხოლოდ 31 დეკემბრამდე, ესტუმრე ალპური ტიპის კურორტს, დაჯავშნე სამი ღამე და მიიღე მეოთხე საჩუქრად.

საუკეთესო გამოცდილებისთვის, ალიანს ვილაში კეთილმოწყობილი ნომრები, მყუდრო გარემო და თანამედროვე ინფრასტრუქტურა დაგხვდება“, - აღნიშნულია სასტუმროს მიერ სოციალურ ქსელში განთავსებულ ინფორმაციაში. 

გასული ზამთრის ტურისტული სეზონით Alliance Villa-ს მენეჯმენტი მეტ-ნაკლებად კმაყოფილია და იმედი აქვს, რომ წელს გაცილებით კარგი სეზონი იქნება და სასტუმროს მეტ სტუმარს მიიღებს. 

Alliance Villa 22 სასტუმრო ნომერზეა გათვლილი და მას ერთდროულად 55-60 სტუმრის მიღება შეუძლია. სასტუმროში რამდენიმე ტიპის ნომერია: 2 ადგილიანი სტანდარტული, 4 ადგილიანი დუპლექსი და 6 ადგილია დუპლექსი.

Alliance Villa-ს აქვს რესტორანი და ადგილზე გასართობად სტუმრებს შეუძლიათ ასევე სხვადასხვა ტიპის სამაგიდო გასართობი თამაშებითაც გაერთონ.