Kass Land Diamond Resort-ი, ატრაქციების პარკი - რა სიახლეები ელოდებათ წელს KASS LAND-ის სტუმრებს

ტურიზმი

ბათუმში ფესტივალი „განდაგანა“ 14-15 ნოემბერს ჩატარდება

11.11.2026.16:02

ბათუმში სოფლის ფესტივალი „განდაგანა“ 14-15 ნოემბერს ჩატარდება. ორი დღით, აჭარული სოფლები თავისი ტრადიციებით, კულტურითა და სოფლის ნობათით ევროპის მოედანზე იქნება წარმოდგენილი. გასული წლის მსგავსად, წელსაც „გარდენია შევარდნაძე“ ფესტივალზე აჭარული სოფლის თემატურ სივრცეს წარმოადგენს, სადაც შთამბეჭდავი დეკორაციებით წარმოჩენილი იქნება აჭარული ყოფა, რაც მთიანი მუნიციპალიტეტების კულტურის, ტრადიციების, სოფლებში არსებული ავთენტური გარემოს გაცოცხლებასა და მთებში მოგზაურობის წახალისებას შეუწყობს ხელს. ფესტივალის ფარგლებში მოეწყობა სპეციალური კვების კუთხეები, სადაც აჭარის ხუთივე მუნიციპალიტეტისთვის დამახასიათებელ კერძებს მოამზადებენ, ჩატარდება თიხის, ქარგვის, კულინარიული მასტერკლასები და შეჯიბრებები.

ფესტივალ „განდაგანაზე მოეწყობა გამოფენა-გაყიდვაც, სადაც 200-მდე ადგილობრივი და სხვადასხვა რეგიონიდან ჩამოსული მეწარმის ხელნაკეთი ნამუშევრები, სოფლის ნობათი და კერძები იქნება წარმოდგენილი. ფესტივალის სტუმრების განწყობაზე მოწვეული და ადგილობრივი ფოლკლორული ანსამბლები და ბენდები იზრუნებენ. მათ შორის იქნება ბენდი „ ურსა“, „გორდელა“, „კახაბერი და ხანუმები“, „ოდა“, „თეატრალური კვრატეტი“, „ქართული ხმები“, „შვიდკაცა“ და სიმღერისა და ცეკვის სახელმწიფო აკადემიური ანსამბლი „აფხაზეთი“. სოფლის ტურიზმის ფესტივალი „განდაგანა“ 2015 წლიდან, აჭარის ტურიზმის დეპარტამენტის ტურისტული პროდუქტების განვითარების სააგენტოს ორგანიზებით იმართება. მისი მიზანი აჭარული სოფლების პოპულარიზაცია, წარმოჩენა და სოფლად ტურისტების მოგზაურობის სტიმულირებაა.