Galt & Taggart-ის განახლებული პროგნოზით, 2026 წელს საქართველო ტურიზმიდან $5 მილიარდის შემოსავალს მიიღებს
Galt & Taggart-მა თვის ეკონომიკური მიმოხილვა გამოაქვეყნა, რომლის თანახმადაც 3 ძირითადი საკითხი იკვეთება რეზერვებთან, ეკონომიკურ ზრდასთან და ლარის კურსთან მიმართებით.
საქართველოს ყოველთვიური ეკონომიკური მიმოხილვის ტოპ 3 მნიშვნელოვანი მაჩვენებელი
რეკორდული რეზერვები | საერთაშორისო სავალუტო რეზერვები 2025 წელს წლიურად 38.4%-ით გაიზარდა და რეკორდულ 6.2 მლრდ აშშ დოლარს მიაღწია.
რეალური მშპ-ის ზრდა 2025 წელს 7.5% | რეალური მშპ 2025 წლის დეკემბერში წლიურად 7.2%-ით გაიზარდა, რის შედეგადაც 2025 წლის ზრდამ 7.5% შეადგინა, რაც Galt & Taggart-ის პროგნოზს შეესაბამება. 2026 წელს კი 6.0%-იან ეკონომიკურ ზრდას პროგნოზირებს Galt & Taggart-ი.
ლარის შემდგომი გამყარება | ლარი 2026 წლის იანვარში თვიურად 0.3%-ით გამყარდა და Galt & Taggart-ი ელის რომ 2026 წლის განმავლობაში სტაბილურობას შეინარჩუნებს.
ამასთან, განახლებული პუბლიკაციის მნიშვნელოვანი ნაწილი ეთმობა ტურიზმიდან შემოსავლების კომპონენტს. აღნიშნულთან მიმართებით, Galt & Taggart-მა განახლებული პროგნოზი წარმოადგინა, რომლის თანახმადაც 2026 წელს საქართველო ტურიზმიდან $5 მილიარდის შემოსავალს მიიღებს. ცნობისთვის, წინა პროგნოზი $4.9 მილიარდით იყო განსაზღვრული.
დღის ტოპ 10 სიახლე
სხვა სიახლეები
საქართველოს ტურისტულ მიმართულებას პოლონეთში, ვროცლავის საერთაშორისო გამოფენაზე გაეცნენ
06.04.2026.13:26
საქართველოს ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ აჭარის ტურიზმისა და კურორტების დეპარტამენტთან ერთად პოლონეთში, ვროცლავის საერთაშორისო ტურისტულ გამოფენაში მიიღო მონაწილეობა. ინფორმაციას ტურიზმის ეროვნული ადმინისტრაცია ავრცელებს.
International Tourism and Leisure Fair (MTT) Wrocław 2026-ზე, 3 დღის განმავლობაში, საქართველოს სტენდთან ვიზიტორებს საშუალება ჰქონდათ გაცნობოდნენ საქართველოს ტურისტულ ადგილებს, მთიან აჭარას, ტურისტულ პროდუქტებს. გამოფენის სტუმრებისთვის გაიმართა პრეზენტაციები, შედგა შეხვედრები საერთაშორისო ტურისტულ კომპანიებთან.
Wrocław 2026-ზე ქართული კერძო სექტორის წარმომადგენლებს საშუალება ჰქონდათ საქმიანი ურთიერთობები დაემყარებინათ პოლონელ კოლეგებთან საქართველოში ტურისტული პაკეტების მოსამზადებლად.
ვროცლავის საერთაშორისო ტურისტულ გამოფენაზე ევროპის სხვადასხვა ქვეყნიდან 200-ზე მეტი ტურისტული კომპანია, ორგანიზაცია და მიმართულება იყო წარმოდგენილი.
რატომ არის საქართველო ევროპაში საუკეთესო და ხელმისაწვდომი ველნეს მიმართულება - Wellbeing Magazine
03.04.2026.12:01
როდესაც ქვეყანას ემატება პირდაპირი რეისები, ეს ქმნის 5-10 წლიან პერსპექტივას - HSC Group Hospitality-ის დირექტორი
01.04.2026.11:00
ტურიზმი ერთ-ერთი ყველაზე მოწყვლადი სექტორია გლობალური შოკების მიმართ - HSC Group Hospitality-ის დირექტორი
31.03.2026.22:00
ამერიკული ღვინის გავლენიანი გამოცემის „Wine Spectator” მარტის ნომერში ქართული ღვინო განსაკუთრებული ყურადღების ცენტრში მოექცა
31.03.2026.12:04
ჩინეთის სახალხო რესპუბლიკის საერთაშორისო გამოფენა „The China Food & Drinks Fair“ ქართული ღვინის კომპანიების მონაწილეობით გაიმართა
30.03.2026.11:01
