მთავარიბიზნესიეკონომიკათეგეტა ბიზნესი
ტურიზმიფინანსებიჯანდაცვასპორტი
ყველა სიახლეტექნოლოგიებიმსოფლიოპოლიტიკა
ფინანსური განათლებასტარტაპებიWEEKENDბიზნეს მრჩეველი
საზოგადოებაკიბერუსაფრთხოებავიდეომოსაზრება
პერსონალური ფინანსებიპოდკასტებიედიტორიალიბიზნეს ინთელიჯენსი
ბიზნეს მრჩეველიშაინენერჯიAversi Pharma
flag
AMD 7045.4
-0.0017
flag
AZN 1.5906
-0.0007
flag
CNY 37.506
-0.0099
flag
EUR 3.0872
-0.0064
flag
GBP 3.5606
-0.0169
flag
KZT 49.81
-0.0028
flag
TRY 0.0665
-0.0002
flag
USD 2.705
-0.0011

ჩვენთვის პირველი ზაფხულია, თუმცა შედეგები დამაიმედებელია - სასტუმრო „ბოდბეს" გენერალური მენეჯერი

news image

ზაფხული საკმაოდ დატვირთულია, ჩვენთვის ეს პირველი ზაფხულია, თუმცა შედეგები დამაიმედებელია, - აცხადებს სასტუმრო „ბოდბეს" გენერალური მენეჯერი ელენე შარიქაძე.

სასტუმრო “ბოდბე” გასული წლის ბოლოს გაიხსნა და ის სრულად ქართული ინვესტიციით აშენდა. სასტუმრო 134 ნომრით, სარესტორნო და საკონფერენციო სივრცეებითაა აღჭურვილი.

„ბოდბეს“ გენერალური მენეჯერის თქმით, მიმდინარე წლის გამოწვევებისა და წარმატებების გაანალიზების შემდეგ, სასტუმროს მენეჯმენტი არსებული შედეგების გასაუმჯობესებლად, შემდეგი სეზონისთვის ახალ სტრატეგიებზეც იმუშავებს. 


„ჩვენი სასტუმრო უდავოდ დიდი პოპულარობით სარგებლობს ადგილობრივ მოსახლეობაში, სტუმრების დაახლოებით 70%-მდე საქართველოს მოქალაქეები არიან (როგორც ინდივიდუალური, ასევე ჯგუფური მიმართულებით).

ქვეყნების მიქსში საკმაოდ დიდი ნაწილი მოდის მეზობელ რესპუბლიკებზე, ასევე აზიის ქვეყნებზე (მაგ. ჩინეთი, კორეა) და შუა აღმოსავლეთზე“. - ამბობს ელენე შარიქაძე.

სასტუმრო “ბოდბე“ მეტი სტუმრის დასაინტერესებლად ყველა მარკეტინგული არხით სარგებლობს და მომავალი წლისთვის უფრო მაღალ შედეგებზეც აკეთებს გათვლებს. 


„სტუმრების მოზიდვისთვის და ცნობადობის ამაღლებისთვის ყველა არხით ვსარგებლობთ. ე.წ. ციფრული მიმართულებები ყველაზე მოწინავე პოზიციებზეა, რადგან თანამედროვე მარკეტინგული აქტივობები უმეტესად ამ რეჟიმზეა გადასული. თუმცა, ვამაყობთ იმითაც, რომ ზეპირ სიტყვიერი ინფორმაციის მიმოცვლაც ხდება იმ სტუმრების მხრიდან, ვინც უკვე გვესტუმრა და უკვე განმეორებითი სტუმრებიც კი გვყავს“, - აცხადებს სასტუმრო „ბოდბეს“ გენერალური მენეჯერი.

ზაფხულის გარდა კახეთი ტურისტებისთვის მიმზიდველია შემოდგომითაც, როდესაც ქვეყნის ამ გამორჩეულ რეგიონში რთველი იწყება. ამ დროს კახეთს ბევრი უცხოელი თუ ადგილობრივი სტუმარი აკითხავს.


„რა თქმა უნდა შემოდგომის სეზონისთვის უკვე გვაქვს გარკვეული ჯავშნები, რადგან ჩვენი წამყვანი ბაზარი ადგილობრივები სტუმრები არიან, ხოლო ჩვენს თანამოქალაქეებს ახასიათებთ ვიზიტამდე მოკლე ვადაში ჯავშნის განხორციელება, დარწმუნებულები ვართ რომ შედეგები იმაზე უკეთესიც იქნება, ვიდრე ამ მომენტისთვის ასახულია სისტემურად“, - ამბობს „ბოდბეს“ გენერალური მენეჯერი. 

news banner
მაია არაბიძე ავტორი
LIVE

დღის ტოპ 10 სიახლე











სხვა სიახლეები

ტურიზმი
image ეს 5 კრიტიკული შეცდომა თქვენს მოგზაურობას კოშმარად აქცევს — შეამოწმეთ, უშვებთ თუ არა მათ

02.08.2025.19:45

დიდი ხნის ნანატრი შვებულება, შესაძლოა, ფინანსურ და ლოგისტიკურ კოშმარად იქცეს, თუ მას სწორად არ დაგეგმავთ. საუკეთესო მოგზაურობაც კი შეიძლება ჩაშალოს რამდენიმე კრიტიკულმა შეცდომამ, რომლებსაც გამოცდილი ადამიანებიც კი უშვებენ. სანამ მომდევნო თავგადასავალს დაგეგმავთ, დარწმუნდით, რომ ამ ხუთი პოტენციური კატასტროფისგან დაზღვეული ხართ.

არასრული ბიუჯეტი და ფარული ხარჯების იგნორირება

  • რა არის შეცდომა: ბიუჯეტის დაგეგმვისას ბევრი მხოლოდ ავიაბილეთებისა და სასტუმროს ღირებულებას ითვალისწინებს. სრულად იგნორირებულია ისეთი „უხილავი“ ხარჯები, როგორიცაა აეროპორტის ტრანსფერი, ბარგის მოსაკრებელი, სამოგზაურო დაზღვევა, ქალაქის გადასახადები (city tax) და საკვების გაზრდილი ფასი ტურისტულ ზონებში.

  • რა შედეგი მოაქვს: ფინანსები მოგზაურობის ყველაზე საინტერესო დღეებში გითავდებათ. გიწევთ სასურველ აქტივობებზე უარის თქმა, მუდმივად ნერვიულობთ და თითოეული დახარჯული ლარის გამო სტრესში ხართ. დასვენება ფინანსურ თავსატეხად იქცევა.

  • გამოსავალი: შეადგინეთ დეტალური ბიუჯეტი. დათვალეთ დღიური ლიმიტი კვების, ტრანსპორტისა და გართობისთვის. მიღებულ თანხას დაუმატეთ მინიმუმ 15% გაუთვალისწინებელი ხარჯებისთვის. იპოვეთ თქვენთვის სასურველი aviabiletebi და შეიძინეთ დროულად, რადგან ბიუჯეტურ ავიაკომპანიებში ფასი ხშირად სწრაფად იზრდება, განსაკუთრებით გამგზავრებამდე. გარდა ამისა, არ დაგავიწყდეთ check-in-ის წინასწარ გავლა. ბევრი დაბალბიუჯეტური ავიაკომპანია აეროპორტში ჩექინისთვის დამატებით თანხას ითხოვს, რაც თავდაპირველად გათვლილ ბიუჯეტს მნიშვნელოვნად გაზრდის. აღსანიშნავია, რომ avia.ge-ს მეშვეობით შეძენილი ავიაბილეთებისთვის თავად იზრუნებენ, თუმცა სხვა პლატფორმებზე ამ შეცდომის დაშვების საშიშროება ყოველთვის არსებობს.

გადატვირთული გეგმა — „ყველაფრის ნახვის“ სინდრომი

  • რა არის შეცდომა: ერთ კვირაში იმის ნახვის მცდელობა, რასაც რეალურად ორი კვირა სჭირდება. წუთობრივად გაწერილი გეგმა, რომელიც არ ითვალისწინებს ტრანსპორტში გატარებულ დროს, რიგებსა და უბრალო ადამიანურ დაღლილობას.

  • რა შედეგი მოაქვს: მოგზაურობა დამღლელ მარათონს ემსგავსება. მუდმივად სადღაც გაგვიანდებათ, გაღიზიანებული ხართ და საბოლოოდ, ვეღარაფრისგან იღებთ სიამოვნებას. ადგილების „მოსანიშნად“ სირბილი კარგავს მთავარს — მოგზაურობის ხიბლს.

  • გამოსავალი: დაგეგმეთ დღეში მაქსიმუმ ორი მთავარი აქტივობა. დაიტოვეთ თავისუფალი დრო სპონტანური აღმოჩენებისთვის. დაიმახსოვრეთ, მოგზაურობის ხარისხი მის ინტენსივობაზე მნიშვნელოვანია.

დოკუმენტებისა და ჯავშნების გადაუმოწმებლობა

  • რა არის შეცდომა: მოგზაურობის დაგეგმვა მხოლოდ იდეალურად დამუშავებულ ფოტოებზე დაყრდნობით. რეალური მდგომარეობის გამოკვლევის გარეშე: როგორი ამინდია კონკრეტულ სეზონზე, რამდენად გადატვირთულია ტურისტული ადგილები, ან როგორია ადგილობრივი კულტურული ეტიკეტი.

  • რა შედეგი მოაქვს: კატასტროფული. შესაძლოა, უბრალოდ არ აგიშვან რეისზე ან არ შეგიშვან დანიშნულების ქვეყანაში. დაკარგავთ დროს, ენერგიასა და ავიაბილეთებში გადახდილ მთელ თანხას.

  • გამოსავალი: გამგზავრებამდე რამდენიმე თვით ადრე შეამოწმეთ პასპორტის ვადა და სავიზო რეჟიმი. ყველა მნიშვნელოვანი დოკუმენტი შეინახეთ როგორც ტელეფონსა და მეილზე, ისე ამობეჭდილი ფორმით.

არასწორი მოლოდინები — Instagram რეალობის წინააღმდეგ

  • რა არის შეცდომა: მოგზაურობის დაგეგმვა მხოლოდ იდეალურად დამუშავებულ ფოტოებზე დაყრდნობით. რეალური მდგომარეობის გამოკვლევის გარეშე: როგორი ამინდია კონკრეტულ სეზონზე, რამდენად გადატვირთულია ტურისტული ადგილები, ან როგორია ადგილობრივი კულტურული ეტიკეტი.

  • რა შედეგი მოაქვს: ღრმა იმედგაცრუება. „უკაცრიელი პლაჟის“ ნაცვლად ათასობით ტურისტი და ხმაური გხვდებათ. რეალობა თქვენს წარმოდგენას არ ემთხვევა და შთაბეჭდილება ფუჭდება.

  • გამოსავალი: Instagram-ის გარდა, იხელმძღვანელეთ ბლოგებით, Youtube-ვიდეოებით (საძიებო სიტყვით: "Destination Name: Expectations vs Reality") და წაიკითხეთ შეფასებები TripAdvisor-ზე.

სამოგზაურო დაზღვევაზე უარის თქმა ეკონომიის მიზნით

  • რა არის შეცდომა: ფიქრი, რომ „მე არაფერი მომივა“ და დაზღვევაში გადახდილი თანხის „ტყუილად გადაყრილ ფულად“ მიჩნევა.

  • რა შედეგი მოაქვს: კბილის უბრალო ტკივილი, ალერგიული რეაქცია ან ბარგის დაკარგვა შეიძლება ათასობით დოლარი დაგიჯდეთ. სამედიცინო მომსახურება საზღვარგარეთ უკიდურესად ძვირია. ერთი პატარა პრობლემა შეიძლება უზარმაზარ ფინანსურ კრიზისად გექცეთ. ასევე, გაითვალისწინეთ, რომ ბევრი ავიაკომპანია უარს ამბობს კომპენსაციაზე გაუქმებული ან გადადებული რეისის შემთხვევაში. ასეთ დროს შეიძლება დაგჭირდეთ იურიდიული დახმარება, რათა მიიღოთ კუთვნილი თანხა. ამისთვის შეგიძლიათ მიმართოთ ისეთ სერვისებს, როგორსაც ფრენის კომპენსაცია ს გთავაზობთ.

  • გამოსავალი: სამოგზაურო დაზღვევა არა ფუფუნება, არამედ აუცილებლობაა. ის თქვენი სიმშვიდისა და ფინანსური უსაფრთხოების გარანტიაა. მისი ღირებულება მოგზაურობის ბიუჯეტის უმნიშვნელო ნაწილია, მაგრამ პოტენციური ზარალისგან დაცვა — ფასდაუდებელი.

საბოლოოდ, დაუვიწყარი მოგზაურობა არა სპონტანური იმპულსების, არამედ ჭკვიანური დაგეგმვის შედეგია. ამ ხუთი კრიტიკული შეცდომის თავიდან არიდებით, თქვენ არა მხოლოდ ფულს, დროსა და ენერგიას დაზოგავთ, არამედ უზრუნველყოფთ, რომ თქვენი შვებულება ზუსტად ისეთი იყოს, როგორზეც ოცნებობდით, სტრესისგან თავისუფალი და პოზიტიური მოგონებებით სავსე.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა