Azerbaijan Airlines-ი ავიაკატასტროფის შემდეგ რუსეთის რამდენიმე ქალაქში ფრენებს აჩერებს
აზერბაიჯანული ავიაკომპანია Azerbaijan Airlines-ი მისი თვითმფრინავის ჩამოვარდნის შემდეგ რუსეთის რამდენიმე ქალაქში ფრენებს აჩერებს. ინფორმაციას აზერბაიჯანული მედია ავრცელებს.
კერძოდ, ავიაკომპანია ხვალიდან წყვეტს ფრენებს ბაქოდან სოჭის, ვოლგოგრადის, უფას, სამარის და მინერალნიე ვოდის მიმართულებით.
თუმცა, ფრენების შესრულება გაგრძელდება მოსკოვის, სანქტ-პეტერბურგის, ეკატერინბურგის, ყაზანის, ასტრახანისა და ნოვოსიბირსკის მიმართულებით.
Azerbaijan Airlines-ის კუთვნილი სამგზავრო თვითმფრინავი, ყაზახეთის ქალაქ აქტაუსთან 25 დეკემბერს ჩამოვარდა. ის ბაქოდან გროზნოში მიფრინავდა. კატასტროფისას თვითმფრინავის ბორტზე 67 ადამიანი იმყოფებოდა. მათგან 38 დაიღუპა.
თავდაპირველად საუბარი იყო იმაზე, რომ თვითმფრინავს ჩიტები შეეჯახნენ, რამაც ავიაკატასტროფა გამოიწვია, თუმცა შემდეგ უცხოურ მედიაში გავრცელდა ინფორმაცია აზერბაიჯანის ხელისუფლებაზე დაყრდნობით, რომ თვითმფრინავი რუსების მიერ ნასროლმა „ხმელეთი-ჰაერის“ ტიპის რაკეტამ დააზიანა, რამაც მისი ჩამოვარდნა განაპირობა.
დღის ტოპ 10 სიახლე
სხვა სიახლეები
საქართველოს ტურისტულ მიმართულებას პოლონეთში, ვროცლავის საერთაშორისო გამოფენაზე გაეცნენ
06.04.2026.13:26
საქართველოს ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ აჭარის ტურიზმისა და კურორტების დეპარტამენტთან ერთად პოლონეთში, ვროცლავის საერთაშორისო ტურისტულ გამოფენაში მიიღო მონაწილეობა. ინფორმაციას ტურიზმის ეროვნული ადმინისტრაცია ავრცელებს.
International Tourism and Leisure Fair (MTT) Wrocław 2026-ზე, 3 დღის განმავლობაში, საქართველოს სტენდთან ვიზიტორებს საშუალება ჰქონდათ გაცნობოდნენ საქართველოს ტურისტულ ადგილებს, მთიან აჭარას, ტურისტულ პროდუქტებს. გამოფენის სტუმრებისთვის გაიმართა პრეზენტაციები, შედგა შეხვედრები საერთაშორისო ტურისტულ კომპანიებთან.
Wrocław 2026-ზე ქართული კერძო სექტორის წარმომადგენლებს საშუალება ჰქონდათ საქმიანი ურთიერთობები დაემყარებინათ პოლონელ კოლეგებთან საქართველოში ტურისტული პაკეტების მოსამზადებლად.
ვროცლავის საერთაშორისო ტურისტულ გამოფენაზე ევროპის სხვადასხვა ქვეყნიდან 200-ზე მეტი ტურისტული კომპანია, ორგანიზაცია და მიმართულება იყო წარმოდგენილი.
რატომ არის საქართველო ევროპაში საუკეთესო და ხელმისაწვდომი ველნეს მიმართულება - Wellbeing Magazine
03.04.2026.12:01
როდესაც ქვეყანას ემატება პირდაპირი რეისები, ეს ქმნის 5-10 წლიან პერსპექტივას - HSC Group Hospitality-ის დირექტორი
01.04.2026.11:00
ტურიზმი ერთ-ერთი ყველაზე მოწყვლადი სექტორია გლობალური შოკების მიმართ - HSC Group Hospitality-ის დირექტორი
31.03.2026.22:00
ამერიკული ღვინის გავლენიანი გამოცემის „Wine Spectator” მარტის ნომერში ქართული ღვინო განსაკუთრებული ყურადღების ცენტრში მოექცა
31.03.2026.12:04
ჩინეთის სახალხო რესპუბლიკის საერთაშორისო გამოფენა „The China Food & Drinks Fair“ ქართული ღვინის კომპანიების მონაწილეობით გაიმართა
30.03.2026.11:01
