აჭარის ტურიზმის დეპარტამენტი ფრანქფურტის საქმიანი ტურიზმის საერთაშორისო გამოფენაში მონაწილეობს

ტურიზმი

აჭარის ტურიზმის დეპარტამენტი ფრანქფურტის საქმიანი ტურიზმის საერთაშორისო გამოფენაში მონაწილეობს

21.05.2025.16:43

აჭარის ტურიზმის დეპარტამენტი ფრანქფურტის საქმიანი ტურიზმის საერთაშორისო გამოფენაში მონაწილეობს. Imex Frankfurt 2025-ის ფარგლებში უწყების მენეჯმენტი ბათუმში მასშტაბური ღონისძიებების, კონფერენციებისა და ფორუმების ჩატარების მიზნით შეხვედრებს მართავს მსხვილ კომპანიებთან.

გამოფენაზე დეპარტამენტი ტურიზმის ეროვნული ადმინისტრაციის საკონვენციო და საგამოფენო ბიუროსთან, სასტუმროებთან და ტურისტულ კომპანიებთან ერთადაა წარმოდგენილი.

ფრანქფურტის ტურისტული გამოფენა „IMEX 2025“ მსოფლიოში საქმიანი ტურიზმის კუთხით უმნიშვნელოვანესი გამოფენაა, რომელშიც მონაწილეობას MICE ტურიზმით დაინტერესებული უმსხვილესი კომპანიები და ორგანიზაციები მსოფლიოს სხვადასხვა ქვეყნიდან ღებულობენ. წელს, გამოფენას 150-ზე მეტი ქვეყნიდან 12 ათასზე მეტი ვიზიტორი ჰყავს. გამოფენაზე 3100 კომპანია და ორგანიზაციაა წარმოდგენილი.