აჭარის პოპულარიზაცია საერთაშორისო ტურისტულ გამოფენებზე გრძელდება
აჭარის პოპულარიზაცია საერთაშორისო ტურისტულ გამოფენებზე გრძელდება. ამჯერად, რეგიონის მრავალფეროვან ტურისტულ შესაძლებლობებს ვიზიტორები პოლონეთსა და უზბეკეთში ტურისტულ გამოფენებზე გაეცნენ. გამოფენების ვიზიტორებს საშუალება ჰქონდათ საქართველოს სტენდთან დეტალური ინფორმაცია მიეღოთ აჭარაში მოგზაურობასთან და რეგიონის სამთო-საზღვაო ტურისტულ პროდუქტებთან დაკავშირებით, ასევე ქართული ღვინო და ჩურჩხელა დაეგემოვნებინათ. გამოფენების ფარგლებში, დეპარტამენტის წარმომადგენლები შეხვდნენ ტურისტული კომპანიების, ასოციაციების, სარეკლამო კომპანიებისა და მედიის წარმომადგენლებს. შეხვედრებზე მხარეებმა სამომავლო თანამშრომლობის შესაძლებლობები და აჭარაში მედიატურების ორგანიზების საკითხები განიხილეს.
„მიმდინარე წელს, ჩვენი რეგიონი და ქვეყანა 28 საერთაშორისო ტურისტულ გამოფენაზე გვქონდა წარმოდგენილი, რაც აუცილებელია ჩვენი რეგიონის შესახებ ცნობადობის გაზრდისა და პოზიციონირების მიმართულებით. ისეთ მნიშვნელოვან პლატფორმებზე გავუწიეთ აჭარას პოპულარიზაცია, როგორიცაა ბერლინის, ლონდონის, ბარსელონას, ნიუ-იორკის, მადრიდის, დუბაის, ფრანქფურტის გამოფენები. გარდა ამისა, რეგიონში ვუმასპინძლეთ 350-მდე ინფლუენსერს, კონტენტ-კრეატორს, ტურისტული სააგენტოსა და მედიის წარმომადგენელს სხვადასხვა ქვეყნიდან,“ განაცხადა აჭარის ტურიზმის დეპარტამენტის ხელმძღვანელმა.
დღის ტოპ 10 სიახლე
სხვა სიახლეები
თბილისისა და ბათუმის საერთაშორისო აეროპორტებიდან 20-ზე მეტი ფრენა გაუქმდა
01.03.2026.15:57
რეგიონში მიმდინარე მოვლენების გამო, თბილისისა და ბათუმის საერთაშორისო აეროპორტებიდან, ჯამში, 20-ზე მეტი ფრენა გაუქმდა.
აეროპორტების გაერთიანების ინფორმაციით, 1-ელ მარტს თბილისის აეროპორტიდან აღარ შესრულდება 17 რეისი. რაც შეეხება ბათუმს, გაუქმებულია დღეს დაგეგმილი 4 ფრენა.
თბილისის საერთაშორისო აეროპორტიდან ფრენები აღარ შესრულდება შემდეგი მიმართულებებით:
თელ-ავივი - 7 რეისი;
შარჟა - 2 რეისი;
დუბაი - 3 რეისი;
დოჰა - 3 რეისი;
აბუ-დაბი - 1 რეისი;
ქუვეითი - 1 რეისი;
ამასთან, ბათუმის საერთაშორისო აეროპორტიდან გაუქმდა 4 ფრენა თელ-ავივის მიმართულებით.
გავლენიანი გამოცემა Condé Nast Traveller კურორტ ბახმაროს შესახებ ვრცელ სტატიას აქვეყნებს
25.02.2026.14:36
სასტუმროს დატვირთულობის თვალსაზრისით, პირველი კვარტალი შარშანდელთან შედარებით ბევრად უფრო შედეგიანი აღმოჩნდა - ვაჟა ბერიკაული
25.02.2026.14:12
სასტუმროში მუდმივი ზრდა გვაქვს და წელს კიდევ უფრო გაუმჯობესებული შედეგები დაფიქსირდა - დიანა ჩომახაშვილი
25.02.2026.13:19
