2025 წელს საქართველოში 8 მლნ საერთაშორისო ვიზიტორს ველით - მაია ომიაძე მოლოდინებზე
2025 წელს საქართველოში 8 მლნ საერთაშორისო ვიზიტორს ელოდებიან. როგორც გადაცემა „იმედის დილაში“ რუბრიკა Business Insider Georgia-ში სტუმრობისას ტურიზმის ეროვნული ადმინისტრაციის ხელმძღვანელმა მაია ომიაძემ განაცხადა, 2025 წელი საკმაოდ წარმატებული იქნება, რასაც არსებული სტატისტიკური მაჩვენებლებიც ამყარებს.
„მოლოდინებს რაც შეეხება, ჩვენ ყოველი წლის ბოლოს მომდევნო წლის მოლოდინებს ვაკეთებთ. ეს ყველაფერი გარკვეული დაშვებებით კეთდება - წინა წლის მდგომარეობა, ფრენების სიხშირეების, ახალი მიმართულებების სავარაუდო რაოდენობა და ამ დაშვებებით გარკვეული ციფრები გამოგვყავს. შესაბამისად პირველი ორი კვარტალის მოლოდინების საკმაოდ პოზიტიური იყო, თუმცა მოსული ციფრები უფრო გვარწმუნებს რომ ძალიან სწორად, დინამიურად მიმდინარეობს ზაფხულის სეზონი. არსებული მაჩვენებლებით თითქმის 5%-იანი ზრდა გაქვს და 3 მლნ-ს გადააჭარბა საერთაშორისო მოგზაურების რაოდენობამ. უკვე ტურისტული ვიზიტები 2 მლნ-ზე მეტია, რაც დაახლოებით 7%-იანი მატებაა წინა წელთან შედარებით. ძალიან კარგი მონაცემებია. ტენდენციას, რომ შევხედოთ 2019 წლიდან დღემდე შემოსავლებში თუ გადაჭარბება გაქვს, რაც თავისთავად იმას ნიშნავს, რომ ნაკლები ტურისტი მეტ ფულს ხარჯავს, რაც მახარჯველუნარიანი ტურისტის მატებას გულისხმობს. ასევე იცით, რომ ეს ჩვენი მიზანი და სტრატეგია არის, ვიზიტორებში ჯერ კიდევ აღდგენის დინამიკაში ვართ. საუბარი მაქვს რაოდენობის კუთხით, შემოსავლებში გადაჭარბებაა. ვფიქრობ, რომ ძალიან კარგი წელი გვექნება. 8 მლნ საერთაშორისო მოგზაურს ვფიქრობთ, რომ ვუმასპინძლებთ. პირველი და მეორე კვარტალი ამ ოპტიმიზმის საშუალებას გვაძლევს“, - აცხადებს ომიაძე.
მისივე თქმით, ბოლო წლებში მზარდია ტურიზმიდან შემოსავლები, ასევე გაზრდილია საშუალო ღამის თევების რაოდენობაც.
„რამდენიმე კომპონენტია. ერთია, რომ უფრო მეტს ხარჯავს, მეორეა, რომ გაიზარდა მოგზაურობის დღეების რაოდენობა. თუ მანამდე საშუალო მოგზაურობის პერიოდი იყო 3,5 დღე და დანახარჯი ამ დღეებზე წლების მიხედვით, საშუალო ვიზიტების დღეების რაოდენობას გაიზარდა და 5,5-6,5 დღემდე ავიდა და საშუალო დღეზე დანახარჯებიც გაიზარდა. ეს დანახარჯები ქვეყნების მიხედვით არის სხვადასხვა. ზოგი ტურისტი უფრო მეტ ფულს ხარჯავს, ზოგი კიდე ნაკლებს. თუმცა მთლიანობაში გარდა იმისა, რომ უფრო მეტს ხარჯავენ ეს ადამიანები უფრო დიდხანს რჩებიან ქვეყანაში“, - აცხადებს ომიაძე.
დღის ტოპ 10 სიახლე
სხვა სიახლეები
29.08.2025.11:04
2025 წლის მეორე კვარტალში 15 წლის და უფროსი ასაკის ადგილობრივი ვიზიტორების საშუალო თვიური რაოდენობა 1 367.3 ათასით განისაზღვრა, მათ მიერ საქართველოს ტერიტორიაზე განხორციელებული ვიზიტების საშუალო თვიური რაოდენობა კი 1.1 პროცენტით შემცირდა წინა წლის შესაბამის პერიოდთან შედარებით და 1 681.1 ათასი შეადგინა.
2025 წლის მეორე კვარტალში საქართველოს რეზიდენტი ვიზიტორების მიერ საქართველოს ტერიტორიაზე განხორციელებული ტურისტული ტიპის ვიზიტების საშუალო თვიური რაოდენობა 692.5 ათასით განისაზღვრა, რაც 4.2 პროცენტით ნაკლებია წინა წლის ანალოგიური პერიოდის მაჩვენებელზე.
ვიზიტორების უმრავლესობა, 36.6 პროცენტი, 31-50 წლამდე ასაკობრივ კატეგორიას მიეკუთვნებოდა, ქალების რაოდენობა კი ვიზიტორების ჯამური რაოდენობის 57.5 პროცენტს შეადგენდა.
გამოკვლევის შედეგების მიხედვით, ვიზიტორების 36.0 პროცენტი ქ. თბილისის მაცხოვრებელია, 15.9 პროცენტი მოდის იმერეთის, რაჭა-ლეჩხუმისა და ქვემო სვანეთის რეგიონზე, 9.5 პროცენტი — აჭარის ა/რ-ზე, ხოლო დანარჩენი რეგიონები შედარებით დაბალი წილებით არის წარმოდგენილი.
2025 წლის მეორე კვარტალში ვიზიტების უმრავლესობა (51.8 პროცენტი) განხორციელდა მეგობრების/ნათესავების მონახულების მიზნით.
საანგარიშო პერიოდში ყველაზე მეტი ვიზიტი განხორციელდა იმერეთის რეგიონსა (საშუალოდ 385.8 ათასი ვიზიტი თვეში) და ქ. თბილისში (საშუალოდ 363.2 ათასი ვიზიტი თვეში).
2025 წლის მეორე კვარტალში განხორციელებული ვიზიტებისას გაწეული საშუალო თვიური ხარჯების მოცულობა განისაზღვრა 280.6 მილიონი ლარით, რაც 6.2 პროცენტით მეტია გასული წლის ანალოგიური პერიოდის მაჩვენებელზე. ამასთან, ერთ ვიზიტზე გაწეული საშუალო ხარჯი გაიზარდა 7.4 პროცენტით და 166.9 ლარს გაუტოლდა.