12 წელია ბიზნესს საშუალება მიეცა ამოესუნთქა | ნოშრევან ნამორაძე

ტურიზმი

ვფიქრობ, რომ ძალიან კარგი გადაწყვეტილება იყო მიღებული - ტურიზმის გიდების პროფკავშირის ხელმძღვანელი

24.06.2026.14:29

ტურიზმის გიდების პროფკავშირის ხელმძღვანელი მაია მემეშიში გიდების საქმიანობასთან დაკავშირებულ საკანონმდებლო ცვლილებებს დადებითად აფასებს და აღნიშნავს, რომ პროფესიონალი გიდების რესურსი ქვეყნის ტურისტული სექტორის მოთხოვნებს სრულად პასუხობს.

მისი თქმით, გიდების მიმართულებით კადრების დეფიციტი არ არსებობს. ახალი რეგულაციები კიდევ უფრო მეტ ადამიანს აძლევს პროფესიული განვითარების შესაძლებლობას, ხოლო მომზადების პროცესში მყოფი ახალი კადრები სექტორის სამომავლო საჭიროებებს კიდევ უფრო ეფექტიანად დააკმაყოფილებს.

„ნამდვილად ვერ ვიტყვი, რომ არსებობს უცხოელი გიდების საჭიროება. კონკრეტულად მე ჩემს სეგმენტზე შემიძლია ვისაუბრო, თურქულენოვან სეგმენტს ნამდვილად არ აქვს გიდების ნაკლებობა და მეტიც, უკვე ბევრი ახალი კადრი ემზადება, რადგან კანონიც ხელს გვიწყობს და ვფიქრობ, რომ ძალიან კარგი გადაწყვეტილება იყო მიღებული” - აღნიშნავს გიდების პროფკავშირის ხელმძღვანელი.

ლოგიკური და საჭირო ცვლილებაა და ქვეყნის ინტერესებს იცავს - გიდი ზაზა შიოშვილი “შრომითი მიგრაციის შესახებ” კანონში შეტანილ ცვლილებებს აფასებს 24.06.2026.14:01