მთავარიბიზნესიეკონომიკათეგეტა ბიზნესი
ტურიზმიფინანსებიჯანდაცვასპორტი
ყველა სიახლეტექნოლოგიებიმსოფლიოპოლიტიკა
ფინანსური განათლებასტარტაპებიWEEKENDბიზნეს მრჩეველი
საზოგადოებაკიბერუსაფრთხოებავიდეომოსაზრება
პერსონალური ფინანსებიპოდკასტებიედიტორიალიბიზნეს ინთელიჯენსი
ბიზნეს მრჩეველიშაინენერჯიAversi Pharma
flag
AMD 7049.5
0.0022
flag
AZN 1.5918
-0.0003
flag
CNY 37.725
-0.0014
flag
EUR 3.1344
-0.0239
flag
GBP 3.6168
-0.0159
flag
KZT 49.82
0.0001
flag
TRY 0.0667
-0.0001
flag
USD 2.707
-0.0005

ტექნოლოგიებზე დაფუძნებული ბიზნესისთვის მნიშვნელოვანია, რომ ხელოვნურ ინტელექტთან ადაპტაცია მოახდინოს, რათა კონკურენციას არ ჩამორჩეს - სოსო გიორგაძე

news image

ხელოვნურ ინტელექტს შრომით ბაზარზე გავლენა ექნება, - აცხადებს საქპატენტის თავმჯდომარე, რომელიც დღეს გადაცემა „იმედის დილაში“ რუბრიკა Business Insider Georgia-ს სტუმარი იყო.

სოსო გიორგაძის თქმით, საუბარია გარკვეული ტიპის სამუშაოებზე, თუმცა მისვე განმარტებით „პროგრესი მუშახელს არ ამცირებს“.

„შრომით ბაზარზე დიდი ალბათობით მას ექნება ისეთივე გავლენა, როგორც ნებისმიერ ტექნოლოგიურ განვითარებას. ყველაფერი თავის დროზე, დაწყებული ჩარხით, ტრაქტორით, ან სხვა ნებისმიერით, რაც ტექნოლოგიური გაუმჯობესება იყო ქმნიდა გარკვეული მუშახელის გაქრობის საშიშროებას. ასეთი რისკი ბუნებრივია არსებობს, მაგრამ ეს არ ნიშნავს იმას, რომ ხელოვნური ინტელექტი ავტომატურად შეამცირებს სამუშაო ადგილებს. მან შეიძლება გავლენა მოახდინოს კონკრეტული ტიპის სამუშაო სფეროზე, აღარ იყოს საჭირო ადამიანური მუშახელი კონკრეტულ სეგმენტში, მაგრამ პროგრესი მუშახელს არ ამცირებს. სამუშაო ადგილები დიდი ალბათობით უფრო გაიზრდება, მაგრამ კონკრეტული მიმართულებით მუშახელი შესაძლოა აღარ იყოს საჭირო.

ხელოვნური ინტელექტის მიმართ დამოკიდებულება აუცილებლად უნდა იყოს პრაგმატული, მათ შორის სახელმწიფო დონეზე, ისე როგორც ბიზნესის დონეზე. წარმოიდგინეთ არსებობს ძალა, რომელსაც თუ ჩვენ არ გამოვიყენებთ, კონკურენტები აუცილებლად გამოიყენებენ. შესაბამისად ისინი წინ იქნებიან, რადგანაც ხელოვნური ინტელექტი უზრუნველყოფს უფრო სწრაფ მუშაობას და უფრო მეტ ინფორმაციაზე წვდომას. არამხოლოდ ინფორმაციაზე წვდომას, არამედ ინფორმაციის სწრაფ ანალიზს. კიდევ ერთხელ გავიმეორებ, რომ ხელოვნურმა ინტელექტმა ისეთი არაფერი არ იცის, რაც ადამიანმა არ მოიფიქრა. მაგრამ ერთი, ან თუნდაც 100 ადამიანისგან განსხვავებით ხელოვნურ ინტელექტს შეუძლია წვდომა ჰქონდეს უფრო მეტ ინფორმაციაზე და უფრო სწრაფად გადაამუშაოს ეს ინფორმაცია. შესაბამისად ბიზნესისთვის, განსაკუთრებით ისეთი ტიპის ბიზნესისთვის, რომელიც ტექნოლოგიებზეა დაფუძნებული ძალიან მნიშვნელოვანია, რომ ადაპტაცია მოახდინოს ხელოვნურ ინტელექტთან იმისთვის, რომ კონკურენციას არ ჩამორჩეს“, - აცხადებს სოსო გიორგაძე.

news banner
მაია არაბიძე ავტორი
LIVE

დღის ტოპ 10 სიახლე











სხვა სიახლეები

ტექნოლოგიები
image GITA - სა და StrategEast-თან პარტნიორობით, NVIDIA AI სტარტაპებისთვის საინფომრაციო შეხვედრას გამართავს

25.07.2025.13:29

საქართველოს ინოვაციების და ტექნოლოგიების სააგენტო და StrategEast (სთრათეჯისთი) NVIDIA-თან თანამშრომლობით, AI სტარტაპებს ონლაინ საინფორმაციო შეხვედრაზე ეპატიჟება. StrategEast-ის (სთრათეჯისთის) მორიგი მნიშვნელოვანი ინიციატივა სტარტაპებს დაეხმარება ბიზნესისა და პროდუქტის განვითარებაში. 

NVIDIA-თან შეხვედრა 30 ივლისს, 5 საათზე ონლაინ რეჟიმში ჩატარდება, სადაც საუბარი იქნება NVIDIA-ს პროგრამებსა და მასში გაწევრიანების შესაძლებლობებზე. შეხვედრის მოწვეული სტუმარი NVIDIA-ს წარმომადგენელი ანდრეი გოლფეტო სტარტაპებს NVIDIA Inception-ის გლობალურ პროგრამას გააცნობს, რომელიც განკუთვნილია AI პროდუქტებზე მომუშავე სტარტაპებისთვის, მასში გაწევრიანება უფასოა.

NVIDIA Inception-ის პროგრამა სტარტაპებს სთავაზობს:

  • ტექნიკურ მხარდაჭერას და წვდომას NVIDIA-ს დეველოპერულ რესურსებზე
  • ფასდაკლებებს ტექნიკასა და პროგრამულ უზრუნველყოფაზე
  • ქლაუდ კრედიტებს პარტნიორი პლატფორმებიდან
  • წვდომას ვენჩურულ ინვესტორთა ქსელზე
  • მონაწილეობას ექსკლუზიურ ღონისძიებებსა და გლობალურ ინოვაციურ ქსელში

StrategEast წამყვანი დამოუკიდებელი ორგანიზაციაა, რომელიც ხელს უწყობს ციფრული ეკონომიკის განვითარებას ცენტრალური ევრაზიის ქვეყნებში. ორგანიზაცია თანამშრომლობს გლობალურ ტექნოლოგიურ კომპანიებთან, სამთავრობო და საგანმანათლებლო სექტორთან, რეგიონში ინოვაციური პოტენციალის განვითარებისა და რეგიონის გლობალურ ტექნოლოგიურ ეკოსისტემასთან ინტეგრაციის მიზნით.

ღონისძიებაზე დასწრების სარეგისტრაციო ბმული
https://t1z9b.share.hsforms.com/2Rd2JrZl6RDiMYEISnwd1zg

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა