STEM სკოლაში 200 მოსწავლე საქართველოს ბანკის სტიპენდიატი
ინჟინერიით, ტექნოლოგიებით და საბუნებისმეტყველო მეცნიერებებით დაინტერესებული მოსწავლეებისთვის, საქართველოს ბანკი, კომაროვის სკოლასთან ერთად STEM სკოლის პროექტს უკვე მესამე წელია ახორციელებს.
პროექტის მიზანი ხარისხიან განათლებაზე ხელმისაწვდომობის ზრდა და ახალგაზრდების მომავლის პროფესიებით დაინტერესებაა.
იმისათვის, რომ STEM სკოლაში სწავლა საქართველოს მასშტაბით მცხოვრები, თითოეული მოსწავლისთვის ხელმისაწვდომი გახდეს, გაკვეთილები ონლაინ ტარდება, რაც ახალგაზრდებს აძლევს შესაძლებლობას, სასწავლო პროცესს ნებისმიერი ლოკაციიდან დაესწრონ.
ამასთან, განათლების კიდევ უფრო მეტი შესაძლებლობის შესაქმნელად, საქართველოს ბანკი ყოველწლიურად, მისაღებ გამოცდაზე საუკეთესო შედეგის მქონე მოსწავლეებს STEM სკოლაში სწავლას უფინანსებს. წელს ბანკის სტიპენდიატი 90 მოსწავლე გახდება, რომელთაგან 60 სრულ, 30 კი 50%-იან დაფინანსებას მიიღებს.
ამჟამად STEM სკოლაში 200 მოსწავლე საქართველოს ბანკის სტიპენდიატია და მათი რაოდენობა კიდევ გაიზრდება.
ინფორმაციისთვის, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.
საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს csr.bog.ge
დღის ტოპ 10 სიახლე
„ამბასადორი აილენდ ბათუმი” ინოვაციურ პროექტს დუბაის უძრავი ქონების საერთაშორისო გამოფენაზე წარადგენს
რა გავლენა იქონია ტრამპის სატარიფო პოლიტიკამ ქართული კომპანიების აქციებზე - ლაშა ქავთარაძის შეფასება
მზად ვართ ბიზნეს ვესაუბროთ შეღავათებზე, რომ ექსპორტის წილი კიდევ უფრო გაიზარდოს - შოთა ბერეკაშვილი
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სხვა სიახლეები
17 , 2025
თანამედროვე ფინანსური ტექნოლოგიების სწრაფი განვითარება ახალ შესაძლებლობებს ქმნის, რაც მომხმარებლებს უფრო მარტივ, სწრაფ და მათ საჭიროებებზე მორგებულ სერვისებს სთავაზობს. ერთ-ერთი მნიშვნელოვანი მიმართულება ამ პროცესში ღია ბანკინგის ეკოსისტემის შექმნა და განვითარებაა, რომელიც ხელს უწყობს კონკურენციის ზრდას, ინოვაციური პროდუქტების შექმნასა და მომხმარებლისთვის ფინანსურ სერვისებზე წვდომის გაუმჯობესებას.
ღია ბანკინგი საქართველოში არა მხოლოდ სერვისების გაციფრულების ახალი სტანდარტია, არამედ ინოვაციების განვითარების ერთგვარ პლატფორმასაც წარმოადგენს. კერძო სექტორისთვის ის ახალი შესაძლებლობების ფანჯარას ხსნის - იქნება ეს მომხმარებელზე მორგებული კრედიტის შეთავაზება, გამარტივებული დისტანციური იდენტიფიკაცია თუ ფინანსური ინფორმაციის ანალიზზე დაფუძნებული პერსონალიზებული სერვისები.
აღსანიშნავია, რომ ბოლო პერიოდში, ღია ბანკინგის გამოყენებით ახალი, ინოვაციური სერვისების რაოდენობა გაიზარდა, ამის მაგალითებია:
ღია ბანკინგის ინტეგრაცია სახელმწიფო სერვისებში - საქართველოს შემოსავლების სამსახურთან თანამშრომლობით, ღია ბანკინგის მეშვეობით, შესაძლებელი გახდა გადახდების ინიცირება უშუალოდ ინტერნეტ ბანკიდან ან ფინანსური აპიდან. ეს ამარტივებს გადასახადების გადახდას, ზრდის პროცესის გამჭვირვალობას და ზოგავს მომხმარებლის დროს
„სილქ ბანკისა“ და „სილქნეტის“ ერთობლივი ინოვაციური პროდუქტი - მათ აპლიკაცია MySilknet-ში დანერგეს ფუნქცია, რომელიც მომხმარებელს საშუალებას აძლევს დისტანციურად, გამარტივებული პროცესით, რამდენიმე წუთში, მიიღოს სესხი. საკრედიტო განაცხადის შევსებისას გამოყენებულია ღია ბანკინგი და ალტერნატიული მონაცემების საფუძველზე მომუშავე შეფასების ალგორითმები.
მსგავსი მიდგომა საუკეთესო საერთაშორისო პრაქტიკას ეფუძნება, რომელიც კარგად მუშაობს განვითარებულ ქვეყნებში, მაგალითად - დიდ ბრიტანეთში, სადაც ღია ბანკინგი ფართოდ გამოიყენება როგორც კომერციულ, ისე საჯარო სერვისებში - გადასახადების გადახდა ხდება რამდენიმე წამში და ფინანსური ინოვაციებიც უფრო სწრაფად ინერგება.
საქართველოც აქტიურადაა ჩართული გლობალური განვითარების ტენდენციებში. ეროვნული ბანკი მუდმივად უჭერს მხარს ინოვაციური სერვისების დანერგვას. ღია ბანკინგის განვითარება და ახალი ტექნოლოგიური გადაწყვეტების ხელშეწყობა სებ-ის მნიშვნელოვან სტრატეგიულ მიმართულებას წარმოადგენს, რომელიც საბოლოოდ, ქვეყნის ფინანსურ სექტორს ახალ, ციფრულ ეტაპზე გადაიყვანს.