ქართულმა ტექნოლოგიურმა სტარტაპმა QuickShipper - მა ევრაზიის რეგიონალურ კონკურსში გაიმარჯვა და ოქტომბერში, სან ფრანცისკოში TechCrunch Startup Battlefield 200-ის მონაწილე იქნება. ამის შესახებ, Business Insider Georgia -ს კომპანიის წარმომადგენელმა განუცხადა.

ქართულმა ტექნოლოგიურმა სტარტაპმა QuickShipper - მა ევრაზიის რეგიონალურ კონკურსში გაიმარჯვა და ოქტომბერში, სან ფრანცისკოში TechCrunch Startup Battlefield 200-ის მონაწილე იქნება. Silkroad Innovation Hub-ის მიერ ორგანიზებულ რეგიონალურ ტურში 9 ქვეყნის წარმომადგენელი სტარტაპი მონაწილეოდბა. QuickShipper-ს კი, როგორც გამარჯვებულს, შესაძლებლობა ექნება პროდუქტი კიდევ უფრო ფართო საზოგადოებას გააცნოს.

რატომ არის მნიშვნელოვანი TechCrunch Startup Battlefield?

TechCrunch Startup Battlefield ერთ-ერთი ყველაზე პრესტიჟული პლატფორმაა სტარტაპებისთვის მსოფლიოში. ის ტარდება TechCrunch Disrupt 2025-ის ფარგლებში სან-ფრანცისკოში. პროგრამა 200 სტარტაპს ირჩევს მთელ მსოფლიოში, რათა მათ საკუთარი კომპანიები წარადგინონ პოტენციური ინვესტორების, მედიისა და ინდუსტრიის ლიდერების წინაშე.

ბევრი წარმატებული კომპანიისთვის ამ პროგრამის გავლა გარდამტეხი იყო. კონკურსის ყოფილი მონაწილეები დღეს ისეთი გლობალური კომპანიები არიან, როგორც Dropbox, Cloudflare, Mint, Fitbit და Discord - ყველა მათგანი სწორედ Startup Battlefield-ის შემდეგ გახდა ცნობილი. ჯამში, პროგრამის დახმარებით 29 მილიარდ დოლარზე მეტი ინვესტიცია არის მოზიდული და 200-ზე მეტმა მონაწილემ ე.წ. წარმატებული exit განახორციელა.

შესაბამისად, მონაწილეობა უკვე მიანიშნებს, რომ პროგრამაში ჩართული თითოეული სტარტაპი უკვე ერთ-ერთი ყველაზე პერსპექტიული და გლობალურად მნიშვნელოვანი კომპანიაა.

რას ნიშნავს ეს QuickShipper-სთვის?

Startup Battlefield 200-ში მონაწილეობისას QuickShipper-ი იღებს:

• გლობალურ ასპარეზს საკუთარი ტექნოლოგიის წარმოსაჩენად პოტენციური ინვესტორების, პარტნიორების და მომხმარებლების წინაშე;

• ექცევა მედიის ყურადრების ცენტრში, TechCrunch-ისა და საერთაშორისო პრესის მეშვეობით მაღლდება სტარტაპის ცნობადობა;

• წვდომას სილიკონ ველის ეკოსისტემის ექსკლუზიური ქსელშია და მენტორობის უმაღლეს წრეში;

• შესაძლებლობას, დაუკავშირდეს კორპორაციებს, აქსელერატორებსა და ვენჩურულ ფონდებს, რომლებიც განსაზღვრავენ ლოჯისტიკისა და ელექტრონული კომერციის მომავალს.

ყოველივე ზემოთქმული ადასტურებს, რომ QuickShipper-მა დაიმკვიდრა ადგილი იმ სტარტაპებსა და კომპანიებს შორის, რომელთა პერსპექტივები და შესაძლებლობები სცდება რეგიონულ მასშტაბს.

QuickShipper-ის შესახებ:

https://youtu.be/4HcdhpiKVow

QuickShipper არის ხელოვნური ინტელექტით მართვადი საკურიერო მომსახურების პლატფორმა, რომელის მეშვეობით მაქსიმალირად გამარტივებულდ ხდება გაყიდვის სხვადასხვა არხიდან შეკვეთების მიღება-სისტემატიზაცია და მათი ოპტიმალური ეფექტიანობით გადანაწილება კომპანიების შიდა მძღოლებზე, ან გარე საკურიერო კომპანიებზე.

პლატფორმა მომხმარებლებს სთავაზობს მძღოლების სამართავ სრულ ეკოსისტემას და, ამავე დროს, მყისიერ წვდომას ინტეგრირებული კურიერულ ქსელზე. პლატფორმაში უკვე ინტეგრირებულია ორი საერთაშორისო გიგანტი - ვოლტი და გლოვო, რაც ნიშნავს, რომ მსგავსი ჰიბრიდული პროდუქტი მომხმარებლებისთვის მთელი ევროპის მასშტაბითაც არის ხელმისაწვდომი.

მიწოდების პროცესში წარმოქმნილი ყველა საჭიროება მართვის ერთ პანელზეა მოთავსებული, რაც ათავისუფლებს მომხმარებელს:

• ცალკეული კონტრაქტების გაფორმებისგან;

• ანგარიშგების სირთულეებისგან;

• გაფანტული კომუნიკაციებისგან.

ცნობისთვის, QuickShipper აერთიანებს და ამარტივებს მთელ პროცესს, მიწოდებას ხდის მარტივს, ეფექტიანს, რაც შესაძელებლობას აძლევს კოპმანიას, შეუფერხებლად გაზარდოს გაყიდვები. საქართველოს ფარგლებს გარდა, პლატფორმას უკვე იყენებენ 20 სხვა ქვეყანაში. კომპანიამ ასევე გამოუშვა საკუთარი ფლაგინი shopify-სთვის, რომელსაც მსოფლიოს მასშტაბით 5 მილიონი აქტიური მომხმარებელი ყავს.