საქართველოს ბანკის წარმომადგენელმა Digital Trust Summit - ის პანელურ დისკუსიაში მიიღო მონაწილეობა
საქართველოს ბანკი, როგორც წამყვანი ტექნოლოგიური კომპანია აქტიურად უწყობს ხელს სფეროს განვითარებას, რაც სხვადასხვა აქტივობებთან ერთად, ცოდნისა და გამოცდილების გაზიარებას გულისხმობს. სწორედ ამ მიზნით, საქართველოს ბანკის Digital Prodact Owner-მა, სალომე მეგრელიშვილმა, Digital Trust Summit - ის ღონისძიებაში მიიღო მონაწილეობა.
Digital Trust Summit 2024-მა სხვადასხვა პანელურ დისკუსიებს უმასპინძლა, მათ შორის „ბანკინგი და ფინტექი“. აღნიშნულ პანელურ დისკუსიაში საქართველოს ბანკის Digital Product Owner-მა, სალომე მეგრელიშვილმა მიიღო მონაწილეობა, სადაც ბანკებსა და ზოგადად ფინანსურ ინსტიტუტებში ფინანსური და Cloud ტექნოლოგიების შესახებ, ასევე, სხვა ახალი ტექნოლოგიების დანერგვის საჭიროებებზე ისაუბრა.
„მოხარული ვარ, რომ საქართველოს ბანკის სახელით Digital Trust Summit-ში მივიღე მონაწილეობა. პანელური დისკუსიის ფორმატში ჩვენი ბანკის მაგალითზე განვიხილე თუ რა შეიძლება იყოს ფინანსური ინსტიტუტებისთვის ახალი ტექნოლოგიების დანერგვის მთავარი მოტივაცია და მიზნები. ასევე, ვისაუბრე ფინტექ კომპანიების მზა პროდუქტების გამოყენების საჭიროებებზე და ამ საჭიროებების შეფასების პროცესზე. დისკუსიის დროს დეტალურად განვიხილე ყველა ძირითადი ფაქტორი, რომელიც გათვალისწინებული უნდა იყოს გადაწყვეტილების მიღების პროცესში.
გარდა ამისა, დამსწრე აუდიტორიას გავუზიარე გამოცდილება ახალი ტექნოლოგიების დანერგვის საჭიროებაზე და იმაზე თუ როგორ უნდა შევქმნათ ეკოსისტემა ჩვენი პროდუქტის ირგვლივ. ფინტექ ეკოსისტემისა და ღია ბანკინგის კონტექსტში. მესამე მხარეების სერვისების ინტეგრაცია საშუალებას მოგვცემს მომხმარებლებს კიდევ უფრო მოქნილი და მრავალფუნქციური პროდუქტები/ფუნქციები შევთავაზოთ, რაც გააუმჯობესებს და გაამარტივებს მათ გამოცდილებას.
ჩვენი გუნდი აქტიურად მუშაობს რომ ბანკში (და არამხოლოდ) ციფრული პროდუქტებისა და ზოგადად, ამ სფეროს განვითარებას შეუწყოს ხელი. სწორედ ამიტომ, სულ ახლახან საერთაშორისო გამოცემა Global Finance-მა საქართველოს ბანკს მსოფლიოში საუკეთესო ციფრული ბანკის ჯილდო გადასცა. ჩვენ აქ არ ვჩერდებით და ვაგრძელებთ ინოვაციურ პროდუქტებსა და სერვისებზე მუშაობას და, რაც მთავარია, ჩვენი მომხმარებლებისთვის საბანკო სერვისებით სარგებლობის პროცესის გამარტივებას“, - განაცხადა სალომე მეგრელიშვილმა, საქართველოს ბანკის Digital Prodact Owner-მა.
დღის ტოპ 10 სიახლე
სხვა სიახლეები
GITA -ს 5000 დამწყები IT სპეციალისტის მომზადების პროგრამის მეოთხე ნაკადზე მიღება დაიწყო
09.03.2026.13:22
ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტო განაგრძობს „5000 დამწყები IT სპეციალისტის მომზადების პროგრამას” და აცხადებს მიღებას მეოთხე ნაკადზე. ახალი ეტაპის ფარგლებში, პროგრამით დამატებით ისარგებლებს 1000 დაინტერესებული პირი, რომელთაც ექნებათ შესაძლებლობა, დაეუფლონ თანამედროვე ციფრულ უნარებს და დაიწყონ კარიერა ტექნოლოგიების სფეროში.
პროგრამა წარმოადგენს Do IT in Georgia ინიციატივის ნაწილს, რომელიც მიზნად ისახავს IT სფეროთი დაინტერესებული ადამიანებისთვის თანამედროვე, პრაქტიკაზე ორიენტირებული ტრენინგების ჩატარებასა და მათთვის კარიერული წინსვლის ხელშეწყობას. ინიციატივა აერთიანებს ისეთ პროგრამებს, როგორებიცაა „5000 დამწყები IT სპეციალისტის მომზადების პროგრამა“, Code-IT, ან ITა.
მეოთხე ნაკადის ფარგლებში გაფართოვდა სასწავლო მოდულების სია და დაემატა AI მიმართულება, რომელიც მოიცავს კურსებს: AI Engineering & Data Creative AI და Prompting, ასევე მართვის მიმართულებას დაემატა IT ბიზნეს ანალიზის კურსი.
ინტეგრირებული ონლაინ პლატფორმა edu.doit.gov.ge შექმნილია იმისთვის, რომ მოქალაქეებს მარტივად მიუწვდებოდეთ ხელი სახელმწიფო, დონორი ორგანიზაციებისა და კერძო სექტორის მიერ მხარდაჭერილ IT კურსებზე. პლატფორმა ერთ სივრცეში აერთიანებს ინფორმაციას ხელმისაწვდომ ტრენინგებზე და პროფესიული განვითარების შესაძლებლობებზე, რაც მნიშვნელოვნად ამარტივებს კარიერული გზის დაგეგმვას ციფრულ სექტორში.
რეგისტრაცია 29 მარტის ჩათვლით გაგრძელდება. პროგრამაში ჩასართავად საჭიროა ვებგვერდზე https://edu.doit.gov.ge/ მომხმარებლის რეგისტრაცია, საბაზისო უნარების კატეგორიიდან კურსების არჩევა და შესარჩევი ეტაპის - გამოცდის გავლა, რომლის შესახებ მომხმარებლები პლატფორმაზე მითითებულ ელ.ფოსტაზე მიიღებენ დეტალურ ინფორმაციას.
„მოგზაურობა ინოვაციების და ტექნოლოგიების სამყაროში“ - GITA -ს ორგანიზებით ახალი საგანმანათლებლო პროექტი მთელი საქართველოს მასშტაბით მიმდინარეობს
09.03.2026.11:22
თბილისის ტექნოპარკში, Startupbootcamp Georgia-ს აქსელერაციის პროგრამის პირველი ეტაპის დასკვნითი ღონისძიება - Idea Showcase გაიმართა
07.03.2026.12:08
საქართველოს გააჩნია პოტენციალი, რომ ბაზარს მაღალი კვალიფიკაციის კადრები მიაწოდოს - ICT ასოციაციის სამეთვალყურეო საბჭოს თავმჯდომარე
20.02.2026.15:36
საქართველო ნელ-ნელა ჩნდება რუკაზე როგორც ტექნოლოგიის მომსახურებისა და მაღალი კვალიფიკაციის კადრების მიმწოდებელი ქვეყანა - თორნიკე სულაბერიძე
20.02.2026.15:00
ქუთაისში, პარლამენტის ყოფილ შენობაში, სამხრეთ კავკასიაში უნიკალური ტექნოლოგიური ჰაბი იქმნება - ავთანდილ კასრაძე
20.02.2026.12:04
