ჩვენ მაქსიმალურად ვცდილობთ, რომ წარმოდგენილი ვიყოთ ყველა მნიშვნელოვან სტარტაპ, ინოვაციურ ღონისძიებაზე, - ამის შესახებ რადიო „სივრცის“ ეთერში გადაცემა Business Insider Georgia-ში სტუმრობისას ეკონომიკისა და მდგრადი განვითარების სამინისტროს და ინოვაციების და ტექნოლოგიების სააგენტოს ხელმძღვანელმა (GITA) ავთანდილ კასრაძემ განაცხადა.

მისივე განმარტებით, საქართველო დაწინაურებულია რეიტინგებშიც, დაგროვილი აქვს სათანადო ცოდნა-გამოცდილებაც და უკვე შეუძლია ეს გამოცდილება სხვებსაც გაუზიაროს.

„საქართველო მივიდა განვითარების იმ ეტაპზე, რომ ინოვაციური ეკოსისტემას სათქმელი, საჩვენებელი, სალაპარაკო უკვე გვაქვს. ჩვენ უკვე შეგვიძლია ძალიან კარგად წარმოვადგინოთ, რომ საქართველო არის ერთ-ერთი მნიშვნელოვანი ნაწილი დედამიწის ამ კუთხეში ინოვაციური და სტარტაპ ეკოსისტემის განვითარების კუთხით. ჩვენ გვყავს უკვე საერთაშორისო აქსელერატორი, რომელიც არის გლობალური. აქ არის წარმოდგენილი ვენჩერული ფონდები. შესაბამისად, ბევრი მიმართულებით ჩვენ უკვე ძალიან მნიშვნელოვანი სათქმელი გვაქვს. გარდა ამისა, საგადასახადო მიმართულებით. ძალიან ბევრი რეიტინგები არსებობს გლობალური მასშტაბით. ყველაზე კარგი არის გლობალური ინოვაციების ინდექსი. კარგი ვგულისხმობ ყველაზე რთული ასევე. ჩვენ ამ მიმართულებით ვუახლოვდებით TOP 50 ქვეყანას. ჯერ მანდ არ ვართ, მაგრამ საგრძნობლად ვუსწრებთ ჩვენს ყველა მეზობელ ქვეყანას. მათ შორის, ცენტრალური აზიის ქვეყნებს და ა.შ.და ჩვენ გეზი გვაქვს, რომ კიდევ უფრო სწრაფად განვითარდეთ. გლობალურ ინოვაციურ ინდექსში დაწინაურება ყველა სხვა რეიტინგზე მნიშვნელოვანია, გამომდინარე იქიდან, რომ ამ შემთხვევაში თუ მანდ წინ ხარ ნიშნავს, რომ შენი ეკონომიკის ტრანსფორმაცია უკვე მოხდა და შენ ხარ ინოვაციური ეკოსისტემა, შენი ეკონომიკა მხოლოდ ადამიანურ კაპიტალზე არის დამოკიდებული. ცოდნასა და ინოვაციებზე განვითარებული ეკონომიკაზე, როდესაც ვსაუბრობთ, სწორედ აი ეს გულისხმობს, რომ ადამიანურ კაპიტალზე დაფუძნებული, მეცნიერებაზე დაფუძნებული, ახალ გამოგონებებზე დაფუძნებული და ინოვაციებზე დაფუძნებული და ჩვენი ამოცანაც სწორედ ეს არის.

ჩვენ ვთქვით, რომ ინოვაციები გვინდა ეკონომიკის ყველა სექტორში. მიუხედავად იმისა, შენ ხარ ტრადიციული ბიზნესი, ჩვენ განსაკუთრებით წავახალისებთ ამ საგადასახადო რეფორმით ტრადიციულ, მცირე და საშუალო მეწარმეს“, - აღნიშნა კასრაძემ.

მისი თქმით, მთავრობის ამოცანა არის, რომ ინოვაცია შევიდეს ეკონომიკის ყველა სექტორში

„ამ შემთხვევაში ყველა ჩვენი სექტორი უფრო გაჯანსაღდება, უფრო სწრაფად განვითარდება, კონკურენტუნარიანობა უფრო მეტი ექნება. ეს იქნება ენერგეტიკა, ეს იქნება ტრანსპორტი, ლოჯისტიკა მნიშვნელობა არ აქვს. მთავრობამ თქვა, რომ ჩვენი ამოცანა ინოვაციები განვითარდეს და სწორედ აი ამ სექტორების განვითარება ინოვაციებზე გადის“, - განმარტავს ავთანდილ კასრაძე.