მაქსიმალურად სწრაფ ტემპში დაიწყება მუშაობა ხელოვნური ინტელექტის გაქართულებაზე

ტექნოლოგიები

თანამედროვე ტექნოლოგიები საქართველოს ეკონომიკური ზრდის ახალი სტიმულია - დავით ზღუდაძე

23.10.2025.11:56

„თბილისის ფინანსური სამიტის" მასპინძლობა ჩვენი ქვეყნისთვის ძალიან მნიშვნელოვანია, რადგან საუბარია თანამედროვე ტექნოლოგიებზე და მათ როლზე - როგორ შეიძლება მათი გამოყენება ისე, რომ წახალისდეს ახალი ეკონომიკური მიმართულებები,“ - ამის შესახებ Business Insider Georgia-სთან საქართველოსა და სომხეთში Mastercard-ის ვიცე-პრეზიდენტმა დავით ზღუდაძემ განაცხადა.

მისი თქმით, მნიშვნელოვანია თავიდანვე ისეთი აქტივობების დანერგვა, რომლებიც შემდგომში გაფართოვდება და გაიზრდება.

„სამიტი ძალიან მნიშვნელოვანია, რადგან საუბარია თანამედროვე ტექნოლოგიებზე, თანამედროვე ტექნოლოგიების როლზე ჩვენს ქვეყანაში - როგორ შეიძლება მათი გამოყენება ისე, რომ წახალისდეს და ქვეყანაში ახალი ეკონომიკური მიმართულებები განვითარდეს. ასევე განხილვის თემაა, როგორ შეიძლება თანამედროვე ტექნოლოგიების საშუალებით უფრო მეტი რეგიონული ინტეგრაცია მოხდეს. შესაბამისად, ძალიან მნიშვნელოვანია სხვადასხვა ქვეყნის გამოცდილების მოსმენა და მათი გაზიარება, რათა ამ ინიციატივის ფარგლებში მომავალი აქტივობები დაიგეგმოს.

ძირითადი მიმართულება, რაც მე გუშინ მოვისმინე, ის არის, რომ ჩვენ, როგორც პატარა ქვეყანა, თავიდანვე უნდა დავნერგოთ ისეთი აქტივობები და განვავითაროთ ისეთი მიმართულებები, რომლებიც უფრო მასშტაბურებადი იქნება. თავიდანვე უნდა დავიწყოთ ფიქრი გლობალიზაციაზე, რადგან მცირე ქვეყნისა და მცირე პოპულაციის ფარგლებში რთულია საინტერესო ბიზნეს-ქეისების განხორციელება,“ - აცხადებს დავით ზღუდაძე.