ილონ მასკმა აამუშავა რობოტაქსი, რომელსაც ხელოვნური ინტელექტი მართავს, თუმცა ავტომობილებს Tesla-ს თანამშრომლის გარეშე გადაადგილება არ შეუძლიათ
ილონ მასკის კომპანიამ Tesla ტეხასში უპილოტო რობოტაქსი აამუშავა. საუბარია სულ ორიოდე ათეულ Model Y-ის ელექტრომობილზე, რომლებიც ოსტინის ერთ-ერთ პატარა უბანში მუშაობენ.
თუ მგზავრი დანიშნულების წერტილად ამ ზონის ფარგლებს გარეთ მდებარე ადგილს მიუთითებს, ტაქსი მას მხოლოდ ზონის საზღვრამდე მიიყვანს. მანქანის გამოძახება შესაძლებელია დილის 6 საათიდან შუაღამემდე, თუმცა მოქმედებს დამატებითი შეზღუდვებიც. მაგალითად, რობოტაქსი არ მუშაობს ცუდ ამინდში და მის მარშრუტზე არ უნდა იყოს არც ავტომაგისტრალები და არც რთული გზაჯვარედინები.
რობოტაქსების მართვისთვის გამოიყენება კამერებისა და ხელოვნური ინტელექტისგან შემდგარი სისტემა, რომელიც გზაზე არსებულ ვითარებას აანალიზებს.
ამასთან მასკის რობოტაქსი ბოლომდე უპილატო არ არის - ამ ეტაპზე ყოველ ავტომობილში Tesla-ს თანამშრომელი ზის, რომელიც უსაფრთხოებას აკონტროლებს.
მედიაში წერენ, რომ პროექტის ტესტირების პროცესში Tesla თავის მხარდამჭერ ინფლიუენსერებს იყენებს. ამასთან, უკვე დაფიქსირდა არაერთი შემთხვევა, როდესაც რობოტაქსი მოძრაობის წესებს არღვევს, არ ითვალისწინებს საგზაო ნიშნებს.
შესაბამისი სააგენტოები ამ ინციდენტების შესახებ ინფორმირებულები არიან და ამ ეტაპზე დამატებით ინფორმაციას აგროვებენ, რათა შეაფასონ რამდენად სერიოზულია დარღვევები.
დღის ტოპ 10 სიახლე
სხვა სიახლეები
ტრამპმა განაცხადა, რომ TikTok-ისთვის მყიდველი იპოვა
30.06.2025.10:49
აშშ-ის პრეზიდენტმა დონალდ ტრამპმა განაცხადა, რომ სოციალური ქსელითვის TikTok მყიდველი იპოვა. მისი თქმით, არსებობს „ძალიან მდიდარი ადამიანების ჯგუფი“, რომელიც მზადაა პლატფორმა შეიძინოს, თუმცა მათი ვინაობის გამხელა ჯერჯერობით არ სურს.
„ამაზე დაახლოებით ორ კვირაში მოგიყვებით“, - თქვა ტრამპმა Fox News-ისთვის მიცემულ ინტერვიუში.
მისი განცხადებით, გარიგებას, სავარაუდოდ, ჩინეთის ხელისუფლების თანხმობაც დასჭირდება და ტრამპის აზრით, ჩინეთის ლიდერი სი ძინპინი „ამას ალბათ გააკეთებს“.
გასული წლის აპრილში აშშ-ის კონგრესმა მიიღო კანონი, რომელიც ჩინურ კომპანიას ByteDance ავალდებულებს, პლატფორმა ამერიკულ კომპანიას მიჰყიდოს. წინააღმდეგ შემთხვევაში, TikTok-ს აშშ-ში 2025 წლის 19 იანვრიდან დაბლოკავენ.
ილონ მასკმა აამუშავა რობოტაქსი, რომელსაც ხელოვნური ინტელექტი მართავს, თუმცა ავტომობილებს Tesla-ს თანამშრომლის გარეშე გადაადგილება არ შეუძლიათ
30.06.2025.10:25
საქართველოში 500 Global in Eurasia-ს აქსელერაციის პროგრამის მერვე ნაკადის Demo Day გაიმართა
23.06.2025.16:17
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
22.06.2025.00:05
თბილისის მერი ფინანსური ტექნოლოგიების თემაზე ეროვნული ბანკის მიერ ორგანიზებულ საერთაშორისო კონფერენციას დაესწრო
20.06.2025.11:53
