იაპონიის მაღალი დონის დელეგაციას GITA - ს თავმჯდომარემ ავთანდილ კასრაძემ უმასპინძლა
საქართველოს ინოვაციების და ტექნოლოგიების სააგენტოს თავმჯდომარემ ავთანდილ კასრაძემ იაპონიის მაღალი დონის დელეგაციას უმასპინძლა, რაც საქართველო-იაპონიის სტრატეგიული პარტნიორობის განვითარებისთვის მნიშვნელოვანი ეტაპია.
იაპონური დელეგაციის ხელმძღვანელია იაპონიის ეკონომიკის, ვაჭრობისა და მრეწველობის სამინისტროს ვაჭრობის პოლიტიკის ბიუროს დირექტორი ბატონი იშიი ჰიდეჰიკო. ვიზიტის ფარგლებში ორივე ქვეყანამ წარმოადგინა როგორც საჯარო, ისე კერძო სექტორის შესახებ ამომწურავი პრეზენტაციები.
იაპონიის დელეგაციის ვიზიტი მიზნად ისახავს ორმხრივი ეკონომიკური თანამშრომლობის გაღრმავებას, ინოვაციური პროექტების განხილვას, ტექნოლოგიურ და ბიზნეს სფეროში კოლაბორაციის გაძლიერებას და დიპლომატიური ურთიერთობების შემდგომ განვითარებას. ვიზიტის ფარგლებში გაიმართა შეხვედრები სააგენტოს წარმომადგენლებთან, ბიზნეს სექტორის ლიდერებთან და ინოვაციური სტარტაპების დამფუძნებლებთან.
იაპონური დელეგაციის ვიზიტი კიდევ ერთხელ ადასტურებს საქართველოსა და იაპონიას შორის არსებული მეგობრობისა და ურთიერთპატივისცემის მრავალწლიან ისტორიას და ხაზს უსვამს ტექნოლოგიური ინოვაციების სფეროში კოლაბორაციის პერსპექტივებს.
დღის ტოპ 10 სიახლე
2025 წელი სასტუმრო Pullman Tbilisi Axis Towers-ისთვის საკმაოდ წარმატებული იყო - სებასტიენ ვინსენტი
სხვა სიახლეები
GITA - ს თავმჯდომარემ ბოტსვანას დელეგაციას უმასპინძლა
14.01.2026.13:09
საქართველოს ინოვაციების და ტექნოლოგიების სააგენტოს თავმჯდომარემ ბოტსვანას რესპუბლიკის ვიცე-პრეზიდენტს და ფინანსთა მინისტრს, ნდაბა ნკოსინატი გაოლატეს და სხვა ოფიციალურ წარმომადგენლებს ტექნოპარკში უმასპინძლა. ვიზიტის ფარგლებში, სტუმრებმა დაათვალიერეს ტექნოპარკის ინფრასტრუქტურა, მათ შორის, სამრეწველო ინოვაციების ლაბორატორია.
შეხვედრაზე მხარეებმა განიხილეს ურთიერთთანამშრომლობის პერსპექტივები ინოვაციური ეკოსისტემების განვითარების მიმართულებით. ავთანდილ კასრაძემ სტუმრებს სააგენტოს საქმიანობა და არსებული პროგრამები გააცნო, ასევე მიაწოდა ამომწურავი ინფორმაცია იმ რეფორმების შესახებ, რომელსაც საქართველოს მთავრობა ინოვაციებისა და ტექნოლოგიების მხარდაჭერის კუთხით ახორციელებს. საუბარი შეეხო ისეთ მნიშვნელოვან საკითხებს, როგორიცაა სტარტაპების მხარდაჭერის მექანიზმები, რეგიონული ტექნოპარკების ქსელის მართვა და ადამიანური კაპიტალის განვითარება IT სექტორში.
ვიზიტის დასასრულს ხაზი გაესვა საერთაშორისო პარტნიორობის სტრატეგიულ მნიშვნელობას, რაც ხელს შეუწყობს ორივე ქვეყნის ინოვაციური პოტენციალის გაძლიერებას.
2025 წლის 9 თვეში IT სექტორის შემოსავალი ₾4.5 მილიარამდე გაიზარდა, შემოსავლების ზრდა ძირითადად ექსპორტის მკვეთრი ზრდით იყო განპირობებული | Galt & Taggart
31.12.2025.04:01
როგორ გეგმავს Making Science Georgia გლობალურ გაფართოებას - კომპანიის 2026 წლის მიზნები
22.12.2025.14:00
ურთიერთგაგების მემორანდუმი GITA - სა და რუმინეთის კვლევებისა და ინფორმატიკის განვითარების ინსტიტუტს შორის
12.12.2025.12:01
12 სტარტაპი, 8 ქვეყანა, 12 კვირიანი აქსელერაციის პროგრამა - საქართველოში 500 Global in Eurasia-ს შემაჯამებელი ღონისძიება Demo Day გაიმართა
05.12.2025.16:03
GITA-ს საგრანტო პროგრამის „25 000 ლარამდე ინოვაციების გრანტები რეგიონებისთვის“ გამარჯვებულები კახეთის რეგიონში ცნობილია
21.11.2025.17:51
GITA - სა და Solana Foundation-ს შორის ურთიერთგაგების მემორანდუმი გაფორმდა - რას ითვალისწინებს
20.11.2025.17:16
