GITA-მ ერთ-ერთ ყველაზე მასშტაბურ ტექნოლოგიურ ღონისძიებაზე, GITEX Global 2025-ზე ქართული ინოვაციების ეკოსისტემა წარადგინა
საქართველოს ინოვაციების და ტექნოლოგიების სააგენტომ მონაწილეობა მიიღო დუბაიში GITEX Global 2025 - ში, რომელიც ერთ-ერთი ყველაზე მასშტაბური ტექნოლოგიური ღონისძიებაა მსოფლიოში და ყოველწლიურად 200 000-მდე დამსწრეს, 6500 კომპანიასა და 180-ზე მეტ ქვეყანას აერთიანებს. ღონისძიებაზე საქართველო “StartUP in Georgia”- ს ინიციატივით იყო წარმოდგენილი, რომელიც მოიცავს ქვეყნის პოზიციონირებას საერთაშორისო ბაზარზე, როგორც სტარტაპების განვითარებისთვის ხელსაყრელი გარემოს მქონე ადგილი.
ვიზიტის ფარგლებში, საქართველოს ინოვაციების და ტექნოლოგიების სააგენტოს თავმჯდომარემ ავთანდილ კასრაძემ ღონისძიების მთავარ სცენაზე ინტერვიუს ფორმატში ისაუბრა საქართველოს ინოვაციების ეკოსისტემის მიღწევებზე, სამომავლო გეგმებსა და მიმდინარე პროგრამების შესახებ.
GITA- ს თავმჯდომარეს უმასპინძლა აბუ დაბის სამთავრობო ციფრული პლატფორმის Abu Dhabi TAMM - ის აღმასრულებელმა დირექტორმა ჰამად ალ ჰამადმა, რომელმაც ქართულ მხარეს მიაწოდა ინფორმაცია ემირატების სახელმწიფო სერვისების ინოვაციების შესახებ, მხარეებმა ასევე განიხილეს ყველა ის შესაძლებლობა, რომელიც ამ მიმართულებით თანამშრომლობასა და პარტნიორობას მოიაზრებს. Abu Dhabi TAMM - ის პლატფორმა უზრუნველყოფს საჯარო სერვისებს ერთიან სივრცეში და ეხმარება მოქალაქეებს, ვიზიტორებსა და ბიზნესებს, მარტივად და სწრაფად მიიღონ სხვადასხვა ტიპის მომსახურებები.
ავთანდილ კასრაძე ასევე შეხვდა Dubai World Trade Center-ის ვიცე პრეზიდენტს კომერციული მიმართულებით აიმან ჰასანს. საუბარი შეეხო საქართველოსა და GITEX-ის სამომავლო თანამშრომლობის გაღრმავებასა და პარტნიორობის განხილვას.
აღსანიშნავია ისიც, რომ GITEX Global 2025- ის პარალელურ ღონისძიებაზე Expand North Star - ზე წარმოდგენილი იყო ორი ქართული სტარტაპი:
GITEX Global 2025 უნიკალური შესაძლებლობაა საქართველოსთვის, წარადგინოს საკუთარი სტარტაპ ეკოსისტემა, მოიზიდოს ინვესტიციები და დაამყაროს ახალი პარტნიორული ურთიერთობები საერთაშორისო მასშტაბით. ამასთან, ღონისძიება წარმოაჩენს უახლეს გლობალურ ტექნოლოგიურ ტენდენციებს, სტარტაპებს, ინვესტორებსა და სამთავრობო ორგანიზაციებს, რაც მას უნიკალურ პლატფორმად აქცევს ინოვაციებისა და პარტნიორული ურთიერთობების დამყარებისთვის.
დღის ტოპ 10 სიახლე
სხვა სიახლეები
21.02.2026.03:28
საქართველოს გააჩნია პოტენციალი, რომ ბაზარს მაღალი კვალიფიკაციის კადრები მიაწოდოს - ICT ასოციაციის სამეთვალყურეო საბჭოს თავმჯდომარე
20.02.2026.15:36
„ICT ასოციაციის სამეთვალყურეო საბჭოს თავმჯდომარის, თორნიკე სულაბერიძის განცხადებით, IT ბინადრობის შემოღება საქართველოსთვის მნიშვნელოვანი ნაბიჯია, რომელიც ხელს უწყობს ბაზარზე მაღალკვალიფიციური კადრების მიწოდებას. როგორც ტელეკომპანია „მაესტროს“ ეთერში გადაცემა Business Insider Georgia-ში სტუმრობისას თორნიკე სულაბერიძემ განმარტა, ადგილობრივი ტექნოლოგიური სექტორი ნელ-ნელა ფართოვდება, და რელოკირებული, მაღალი კვალიფიკაციის კადრებთან ერთად მუშაობა ადგილობრივ თანამშრომლებს საშუალებას აძლევს, კვალიფიკაცია აიმაღლონ და ექსპერტიზა შეიძინონ.
„საქართველოს პოტენციალი გააჩნია, რომ მაღალი კვალიფიკაციის კადრები მიაწოდოს ბაზარს, თუმცა დღეს არ ვართ მაგ ეტაპზე. ამ მიზნისკენ მივდივართ, ანუ ის შრე ფართოვდება, უფრო მეტი და მეტი ადამიანი ერთვება ტექნოლოგიურ სექტორში, თუმცა იმისათვის, რომ ამ ადამიანების კვალიფიკაცია ამაღლდეს, ერთ-ერთი მთავარი კომპონენტი, გარდა განათლებისა, არის, რომ მათ გამოცდილ კადრებთან თანამშრომლობა. ის, რომ რელოკაციით გადმოვიდნენ მაღალი კვალიფიკაციის მქონე ადამიანები და დღეს მუშაობენ ქართველებთან ერთად, ეს შესაძლებლობა არის ადგილობრივი მუშახელისთვის, რომ კვალიფიკაცია აიმაღლონ და ის, ეგრეთ წოდებული ექსპერტიზა და ცოდნა გადაეცეთ მათ და რაღაც ეტაპზე უკვე ადგილობრივი კადრები ჩამოყალიბდნენ, როგორც მაღალი კვალიფიკაციის კადრებად“, - აცხადებს თორნიკე სულაბერიძე.
თორნიკე სულაბერიძის განცხადებით, საქართველოს ხელოვნური ინტელექტის განვითარების ეფექტური სტრატეგიის შექმნა სჭირდება, სადაც მონაწილეობას მიიღებენ არა მხოლოდ სახელმწიფო, არამედ ინდუსტრიაც.
„მნიშვნელოვანია, რომ ეროვნულ დონეზე, სტრატეგიული ხედვის ფარგლებში, ხელოვნური ინტელექტის სტრატეგია შეიქმნას, სადაც მონაწილეობას მიიღებენ არა მხოლოდ სახელმწიფო უწყებები, არამედ ინდუსტრია, საგანმანათლებლო სექტორი და სხვა მხარეები. მათ შორის, როგორც ინტერნეტ-პროვაიდერები და ელექტროენერგიის მიმწოდებლებიც უნდა იყვნენ ჩართულები სტრატეგიის შემუშავებაში, რადგან ეს წარმოადგენს ერთობლიობას და ხედვას, თუ როგორ უნდა შეასრულოს ქვეყანამ თავისი როლი მომდევნო წლებში“, - აცხადებს თორნიკე სულაბერიძე,
საქართველო ნელ-ნელა ჩნდება რუკაზე როგორც ტექნოლოგიის მომსახურებისა და მაღალი კვალიფიკაციის კადრების მიმწოდებელი ქვეყანა - თორნიკე სულაბერიძე
20.02.2026.15:00
ქუთაისში, პარლამენტის ყოფილ შენობაში, სამხრეთ კავკასიაში უნიკალური ტექნოლოგიური ჰაბი იქმნება - ავთანდილ კასრაძე
20.02.2026.12:04
გვაქვს პირველი დღე, როცა მეგობარი რობოტი გვესტუმრება - იუსტიციის სახლის თავმჯდომარე
20.02.2026.11:38
ქართული ინოვაციური ბიზნესის გლობალური ინტეგრაცია ჩვენი პრიორიტეტია - ავთანდილ კასრაძე
18.02.2026.15:37
საერთაშორისო აქსელერატორების შემოსვლა ნიშნავს, რომ საქართველო მსოფლიო ინოვაციური ეკოსისტემის რუკაზე ღირსეულ ადგილს იკავებს - ავთანდილ კასრაძე
12.02.2026.20:34
ტექ ოლიმპიადების ჰაბის - Olyinfo ოლიმპიადამ, საქართველოს ყველა კუთხიდან 3000-მდე მოსწავლე გააერთიანა
06.02.2026.14:06
