„გოგორა“ - ხის სათამაშოებისა და ფუნქციური ავეჯის მწარმოებელი ქართული კომპანია
„გოგორა“ - ასე ჰქვია ხის სათამაშოებისა და ფუნქციური ავეჯის მწარმოებელ ქართულ კომპანიას, რომელიც 4 შვილის დედამ, ნინო რაზმაძემ შექმნა. მას გამოცდილება არც გაყიდვების და არც ბიზნესის მართვის მიმართულებით ჰქონია, თუმცა საქმეში ჩართვის შემდეგ მიხვდა, რომ ეს საქმიანობა მისთვის საკმაოდ ახლობელია;
„გოგორას“ მრავალფეროვანი პროდუქცია ორ მთავარ კატეგორიად იყოფა — ქართული ფოლკლორული ხის სათამაშოები და ავეჯი, რომელიც ინსპირირებული და თავსებადია მონტესორის, პიკლერის, ვალდორფის ბავშვთა აღზრდის ჰუმანისტურ მეთოდებთან. ბრენდის მიზანია ბავშვებისთვის ჯანსაღი, უსაფრთხო და განმავითარებელი გარემოს შექმნა და ამ პროცესში ძველი, ნაცადი იდეებისა და თანამედროვე მიდგომების ინტეგრირება.
,,ღრმად მწამს, რომ თუ გვსურს ხვალ უკეთესი მსოფლიო გვქონდეს, დღეს მეტად უნდა ვიზრუნოთ ბავშვებზე. არანაკლებ მნიშვნელოვანია მშობლების მენტალური ჯანმრთელობა. ამიტომ ვფიქრობთ, მეტად საპასუხისმგებლო მისია გვაქვს - მხარი დავუჭიროთ ბავშვების ჯანსაღად აღზრდით დაინტერესებულ უფროსებს ბავშვების ჰუმანურ, გონიერ, თავისუფალ ადამიანებად ჩამოყალიბების პროცესში“ — ნინო რაზმაძე, „გოგორას“ დამფუძნებელი.
„გოგორა“ სააგენტოს ,,აწარმოე საქართველოში“ ექსპორტის სტიმულირების პროგრამის ბენეფიციარია და ბრენდინგის კომპონენტით სარგებლობს. კომპანიის დამფუძნებელს გავლილი აქვს სააგენტოს ექსპორტის მენეჯერთა სასერტიფიკატო კურსი.
სააგენტოს ,,აწარმოე საქართველოში“ ინიციატივით, „გოგორა“ ცოტა ხნის წინ გერმანიაში, სათამაშოების ყველაზე მასშტაბურ ღონისძიებაზე spielwarenmesse იმყოფებოდა. გამოფენაზე კომპანიის საბავშვო პროდუქციამ დიდი ინტერესი გამოიწვია.
დასასრულს მიუახლოვდა „გოგორას“ მასშტაბური პროექტი მაღალმთიან აჭარაში. ქედის მუნიციპალიტეტის ულამაზეს სოფელ გუნდაურში პირველი ენერგოეფექტული და მწვანე ტექნოლოგიებით აღჭურვილი საწარმო მოეწყო. გარდა წარმოებისა, აქ იქნება ტურისტული ლოკაციაც, სადაც დაინტერესებულ პირებს ადგილობრივი ოსტატების ვორკშოპებში მონაწილეობის შესაძლებლობა ექნებათ.
,,გვჯერა, რომ საერთაშორისო სტანდარტებით და მაღალი სოციალური პასუხისმგებლობით წარმოება საქართველოს მთაშიც შესაძლებელია“ — ნინო რაზმაძე, „გოგორას“ დამფუძნებელი.
„გოგორა" არ აპირებს შეჩერებას და spielwarenmesse-ზე დაწყებული მოლაპარაკებების ბოლომდე მიყვანას და კომპანიის საექსპორტო პოტენციალის მაქსიმალურ გამოყენებას გეგმავს.
კომპანიის დამფუძნებელი კი დამწყებ მეწარმეებს ურჩევს:
მთავარია პროექტის განხორციელების ხარისხი, და არა მხოლოდ - მოგება;
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
ქართული პროდუქცია Anuga 2023-ზე: 23 კომპანია წარადგენს სასმელებსა და საკვებ პროდუქტებს გლობალურ გამოფენაზე
04.11.2023.00:00
საწარმოს საქართველოს საექსპორტო მიმართულების ორგანიზებით, 23 ქართული კომპანია მონაწილეობს საკვები და სასმელების მთავარ საერთაშორისო სავაჭრო გამოფენაზე - Anuga 2023, რომელიც 2023 წლის 7-11 ოქტომბერს ტარდება.
ამ მნიშვნელოვან სავაჭრო გამოფენაზე საქართველო წარმოდგენილია ორი პავილიონით. საკვების პავილიონში წარმოდგენილია ქართული კომპანიების პროდუქცია, მათ შორის თხილი, ნუში, კაკალი, ლურჯი მოცვი, მურაბები, თაფლი, ჩირი, ჩურჩხელა და მზა პროდუქტები. სასმელების პავილიონში კი წარმოდგენილია ნატურალური ხილისა და ბოსტნეულის წვენები, მინერალური წყალი, ლიმონათი და ჩაი.
ღონისძიება ტრადიციულად ტარდება გერმანიის ქალაქ კიოლნში. Anuga ყოველწლიურად დაახლოებით 165,000 დამთვალიერებელს იზიდავს და მასში მონაწილეობს დაახლოებით 7,500 გამომფენი. გამოფენა ერთ-ერთი ყველაზე მნიშვნელოვანი საერთაშორისო სავაჭრო ბაზრობაა საკვებისა და სასმელების სექტორში, რომლის მთავარი მიზანია ბიზნეს ურთიერთობების დამყარება პოტენციურ საერთაშორისო პარტნიორებთან და მომხმარებლებთან, ქვეყნების საექსპორტო პოტენციალის გაძლიერება და ახალ საექსპორტო ბაზრებზე გასვლა.
საწარმოს საქართველოს ორგანიზებით, ქართული კომპანიები ამ გამოფენაში უკვე მეხუთედ იღებენ მონაწილეობას.
ექსკლუზიურად SOLO მომხმარებლებსთვის 25%-იანი ფასდაკლება Digital Bus-ის აკადემიის ნებისმიერ კურსზე
20.08.2023.00:00
ფინტექის როლი განვითარებადი ქვეყნების ბაზრებისთვის - სტარტაპ გრაინდი ერთ-ერთ ყველაზე წარმატებულ ქართველ ინვესტორს უმასპინძლებს
04.04.2023.00:00
