სპორტული ინფრასტრუქტურის განვითარების სამთავრობო პროგრამის ფარგლებში, 23 მუნიციპალიტეტში საფეხბურთო ცენტრები და ხელოვნურსაფარიანი სტადიონები აშენდება
საქართველოს მთავრობის მიერ ინიცირებული სპორტული ინფრასტრუქტურის განვითარების სპეციალური პროგრამის ფარგლებში, 23 მუნიციპალიტეტში საფეხბურთო ტექნიკური ცენტრები და ხელოვნურსაფარიანი სტადიონები აშენდება.
მთავრობის განკარგულებების შესაბამისად, რომლებსაც ხელს აწერს პრემიერ-მინისტრი ირაკლი კობახიძე, სამშენებლო სამუშაოების შესყიდვას კანონის მოთხოვნათა შესაბამისად ინფრასტრუქტურის სამინისტროს მუნიციპალური განვითარების ფონდი განახორციელებს.
საფეხბურთო ტექნიკური ცენტრებისა და ხელოვნურსაფარიანი სტადიონები აშენდება ახმეტის, თელავისა და ყვარლის მუნიციპალიტეტებში; ქალაქ გურჯაანსა და ქალაქ წნორში; ქალაქ გორსა და გორის მუნიციპალიტეტის სოფელ მეჯვრისხევში; ქალაქ წყალტუბოში, სამტრედიის მუნიციპალიტეტის სოფელ იანეთსა და ქალაქ ხონში; ჩოხატაურის მუნიციპალიტეტის დაბა ჩოხატაურში, ვანის მუნიციპალიტეტის სოფელ ციხესულორსა და ოზურგეთის მუნიციპალიტეტის სოფელ ბახვში; ქალაქ ახალციხეში, დაბა ადიგენსა და ქალაქ ახალქალაქში; ქალაქ ბაღდათში, ქალაქ თერჯოლასა და ქალაქ ქუთაისში; ქალაქ წალკასა და ქალაქ ბოლნისში; ჩხოროწყუს მუნიციპალიტეტის სოფელ ხაბუმეში, ქალაქ აბაშასა და მარტვილის მუნიციპალიტეტის სოფელ სერგიეთში.
სპორტული ინფრასტრუქტურის სპეციალური პროგრამის მიზანია მთელი ქვეყნის მასშტაბით სპორტული ინფრასტრუქტურის განვითარება და ხელმისაწვდომობის გაუმჯობესება, მასობრივი და მაღალი მიღწევების სპორტის, ასევე ბავშვთა სპორტის კიდევ უფრო განვითარების ხელშეწყობა.
დღის ტოპ 10 სიახლე
1 იანვრიდან, პრემიერ-მინისტრის ინიციატივით, 24 ათასამდე მოქალაქე მართვის მოწმობის დაბრუნებას შეძლებს
სხვა სიახლეები
ძალიან კარგი გუნდია ჩამოყალიბებული ფეხბურთის ფედერაციაში, პირველ რიგში ლევან კობიაშვილის სახით - პრემიერი
29.12.2025.01:21
საქართველოს პრემიერმა, ირაკლი კობახიძემ ტელეკომპანია „იმედის“ მიერ ქართული ფეხბურთის შესახებ მომზადებულ ფილმში საქართველოს ეროვნული ნაკრების ევროპის ჩემპიონატზე გასვლის თაობაზე ისაუბრა.
,,ძალიან კარგი გუნდია ჩამოყალიბებული ფეხბურთის ფედერაციაში, პირველ რიგში ლევან კობიაშვილის სახით და მთლიანად გუნდი არის ძალიან მოტივირებული, პატრიოტები არიან, გულანთებული ადამიანები არიან - რომ არა ასეთი დამოკიდებულება ფეხბურთის მიმართ და ქვეყნის მიმართ ასეთ შედეგებს ქართული ფეხბურთი ვერ მიაღწევდა", - განაცხადა პრემიერმა.
ევროპის ჩემპიონატის შემდეგ ქართული ფეხბურთი ახალ დონეზე გადავიდა და ახალი გამოწვევების წინაშე ვდგავართ - ლევან კობიაშვილი
18.12.2025.14:08
ხვიჩა კვარაცხელია „პარი სენ-ჟერმენთან“ ერთად საკონტინენტთაშორისო თასის გამარჯვებულია
18.12.2025.04:08
ყველაფერს გავაკეთებთ, რათა EURO 2024 არ იყოს პირველი და უკანასკნელი - ლევან კობიაშვილი
15.12.2025.22:35
საკრებულოში თურქეთის რესპუბლიკის ახალგაზრდობისა და სპორტის სამინისტროს წარმომდგენლებთან შეხვედრა გაიმართა
10.12.2025.17:40
ეს არის ჯგუფი, რომელსაც არც ჩვენი ეროვნული ნაკრები აინტერესებს და არც ქვეყნის წარმატება უხარია - კობიაშვილი ეროვნული ნაკრების ბულინგზე
21.11.2025.18:23
