საქართველოს ფუტსალის ეროვნულმა ნაკრებმა ევროპის ჩემპიონატზე პირველი ქულა მოიპოვა | ევრო 2026 - ხორვატია 2:2 საქართველო
საქართველოს ფუტსალის ეროვნულმა ნაკრებმა ევროპის ჩემპიონატზე პირველი ქულა მოიპოვა. ხორვატიის წინააღმდეგ არენა რიგაზე ჩატარებული მატჩი ფრედ — 2:2 დასრულდა.
საქართველოს ნაკრები ხორვატიასთან მატჩში მე-6 წუთზე დაწინაურდა. ვახტანგ ჯვარაშვილის მიერ ჩაწოდებული კუთხურის შემდეგ, ხორვატებმა ბურთი საკუთარ კარში ჩაჭრეს. ჩვენი გუნდის მეორე გოლი ვახტანგ კეკელიამ გაიტანა.
მატჩის საუკეთესო მოთამაშედ საქართველოს ნაკრების მეკარე, ალი ასლანი დასახელდა, რომელმაც ხორვატიის წინააღმდეგ 33 დარტყმა მოიგერია, მათ შორის 38-ე წუთზე დანიშნული პენალტი.
ჯგუფური ეტაპის დასკვნით და გადამწყვეტ მატჩს საქართველოს ნაკრები 28 იანვარს კაუნასში გამართავს. ჩვენი გუნდის მეტოქე საფრანგეთის ნაკრები იქნება.
დღის ტოპ 10 სიახლე
უმაღლესი განათლების რეფორმაზე უნივერსიტეტების უმეტესობასთან შეთანხმება უკვე გვაქვს - ზვიად გაბისონია
სხვა სიახლეები
საქართველოს ფეხბურთის ფედერაცია ახალი სტრატეგიული განვითარების გეგმის შემუშავებას იწყებს
13.03.2026.11:18
საქართველოს ფეხბურთის ფედერაციამ სტრატეგიული განვითარების ახალ გეგმაზე დაიწყო მუშაობა. ამ მიზნით თბილისში ორდღიანი სამუშაო შეხვედრა მიმდინარეობს, რომელიც UEFA GROW-ის ჩართულობით ტარდება.
ვორქშოფის პირველი დღე სფფ-ის მენეჯმენტისა და დეპარტამენტების წარმომადგენლებთან შეხვედრებს დაეთმო. შეხვედრის ფარგლებში მონაწილეებმა განიხილეს ძირითადი გამოწვევები და ის მიმართულებები, რომლებიც მომდევნო წლების სტრატეგიული განვითარების გეგმაში უნდა აისახოს.
ორდღიანი ვორქშოფს სასტუმრო Paragraph Golf & Spa Resort Tabori მასპინძლობს. 12 მარტს, სამუშაო სესიის მეორე დღეს, სფფ-ის და უეფას წარმომადგენლები ქართული კლუბების ხელმძღვანელბეს შეხვდებიან.
საქართველოს ფეხბურთის ფედერაციამ ბოლო სტრატეგიული განვითარების გეგმა 2022 წელს წარადგინა. უეფასთან თანამშრომლობით შექმნილი დოკუმენტი 5-წლიან ციკლს მოიცავდა. სტრატეგიული გეგმარების პროცესი რამდენიმე თვე გაგრძელდა და მოიცვა ადგილობრივ საფეხბურთო ინდუსტრიაში შემავალი ყველა ძირითადი მიმართულება.
ზამთრის პარალიმპიურ თამაშებში მონაწილე პარალიმპიელ სპორტსმენებს ფულადი ჯილდოები გადაეცემათ
09.03.2026.15:31
კლუბებში ტალანტების შენარჩუნების გარეშე კონკურენტუნარიანები ვერ ვიქნებით - ლევან კობიაშვილი
23.02.2026.22:14
პირველად საქართველოს ისტორიაში ზამთრის სპორტის სახეობებში მოპოვებულია ოლიმპიური მედალი
17.02.2026.02:33
საქართველოს ტექნიკური უნივერსიტეტი სტუდენტ ალექსანდრე აბრამიშვილს თავისუფალი სტილით ჭიდაობაში საქართველოს ჩემპიონობას ულოცავს
16.02.2026.16:29
