საქართველო - თურქეთი | 3 სექტემბრის განრიგი
საქართველოს ეროვნული ნაკრები მსოფლიო ჩემპიონატის საკვალიფიკაციო ეტაპის სასტარტო მატჩებისთვის მზადებას განაგრძობს.
2 სექტემბერს, ჩვენმა გუნდმა მიხეილ მესხი 2-ზე სრული შემადგენლობით ივარჯიშა. საწვრთნელ პროცესში 24 ფეხბურთელი მონაწილეობდა.
მოალხოებული საკვალიფიკაციო ეტაპის და თურქეთთან მატჩის შესახებ ჩვენი გუნდის შემტევმა, ზურიკო დავითაშვილმა ისაუბრა.
ზურიკო დავითაშვილი (საქართველოს ნაკრების წევრი): "ყოველთვის ველოდებით სანაკრებო პაუზას. ერთმანეთის ნახვა, საქართველოში თამაში ძალიან გვიხარია. მსოფლიო ჩემპიონატის საკვალიფიკაციო ეტაპი იწყება და მაქსიმალურად მომზადებული ვართ. მეტოქეები მაღალი დონის გვყავს და ყვეალფერი სტადიონზე გადაწყდება. მაყურებელთან ერთად თავს არ დავზოგავთ. მთელი საქართველო ჩვენს გვერდით იქნება და ვეცდებით, რომ იმედები არ გავუცრუოთ ჩვენს გულშემატკივარს.
თურქეთის ნაკრები ძალიან ძლიერი გუნდია. მაღალ დონეზე მოთამაშე ფეხბურთელები ჰყავთ და ძალიან რთული თამაში გველის. მოლოდინი გაზრდილია და ყველაფერი, რასაც ვაკეთებთ ვარჯიშებზე, უნდა გადავიტანოთ სტადიონზე და სასურველ შედეგს მივიღებთ".
მსოფლიო ჩემპიონატის საკვალიფიკაციო ეტაპის პირველ შეხვედრას საქართველოს ნაკრები 4 სექტემბერს, თურქეთის წინააღმდეგ გამართავს. 7 სექტემბერს, ჩვენი გუნდის მეტოქე ბულგარეთი იქნება. ორივე მატჩი თბილისში, დინამო არენაზე გაიმართება.
დღის ტოპ 10 სიახლე
სხვა სიახლეები
საქართველოს ნაკრები ევრობასკეტის პლეი-ოფშია
05.09.2025.10:03
საქართველოს საკალათბურთო ნაკრები ჯგუფურ ეტაპზე მოპოვებული 2 გამარჯვებით ევრობასკეტის პლეი-ოფში გავიდა!
ესპანეთი საბერძნეთთან მარცხით ჯგუფში ჩარჩა, შესაბამისად, ჩვენმა გუნდმა გამსვლელი მე-4 პოზიცია შეინარჩუნა.
ჩვენი გუნდი მერვედფინალში საფრანგეთს შეხვდება. მატჩი 7 სექტემბერს გაიმართება.
საქართველო მუნდიალის გზაზე | მსოფლიო ჩემპიონატის შესარჩევი ეტაპი იწყება - საქართველოს ბანკი საქართველოს ეროვნული საფეხბურთო ნაკრების მთავარი სპონსორი
04.09.2025.20:17
საქართველო vs თურქეთი - ერთად ვუგულშემატკივროთ ქართველ სპორტსმენებს მსოფლიო ჩემპიონატის შესარჩევ ეტაპზე
04.09.2025.17:15
საქართველოს კალათბურთელთა ნაკრები დღეს ევრობასკეტის ჯგუფური ეტაპის გადამწყვეტ შეხვედრას გამართავს
04.09.2025.09:57
დღეს საქართველო - თურქეთის შეხვედრა დინამო არენაზე გაიმართება | მატჩი 20:00 საათზე დაიწყება
04.09.2025.08:41
4 და 7 სექტემბერს დაგეგმილი საფეხბურთო მატჩების გამო, საავტომობილო მოძრაობა შეიზღუდება
03.09.2025.17:50
