საქართველო მსოფლიო ჩემპიონატისკენ მიმავალ გზაზე | ყველაფერი ტურნირის შესახებ
საქართველოს ბანკი ეროვნული საკალათბურთო ნაკრების მთავარი სპონსორია.
საქართველოს ნაკრები 2027 წლის მსოფლიო ჩემპიონატის შესარჩევ ეტაპზე ასპარეზობას იწყებს. 27 ნოემბერს, ქართველი კალათბურთელები ჯერ თბილისში უკრაინას უმასპინძლებენ, შემდეგ კი, 30 ნოემბერს, ესპანეთს ესტუმრებიან. ოლეკსანდარ ჯიკიჩის მიერ გაწვრთნილი საქართველოს ეროვნული ნაკრები A ჯგუფშია წარმოდგენილი, სადაც ჯგუფიდან გასასვლელად დანიის ნაკრების წინააღმდეგაც იბრძოლებს.
2027 წლის მსოფლიო ჩემპიონატს კატარი მასპინძლობს. ტურნირზე მონაწილეობას 32 გუნდი მიიღებს (ტურნირზე ევროპის ზონიდან 12 ადგილია გამოყოფილი). საკვალიფიკაციო ეტაპი ორ რაუნდად არის დაყოფილი და ორივე მათგანი ჯგუფური სისტემით ჩატარდება.
როგორ მოვხვდეთ მსოფლიო ჩემპიონატზე?
პირველ რაუნდში, 24 ევროპული ნაკრები 4-გუნდიან ჯგუფებში გადანაწილდა. თითოეული ნაკრები 6 შეხვედრას გამართავს (შინ და გასვლაზე). 1-3 პოზიციაზე გასულები მეორე რაუნდში გადაინაცვლებენ, სადაც 4 ცალი, 6-გუნდიანი ჯგუფი ჩამოყალიბდება.
პირველი ეტაპის გამარჯვებულები მე-2 ეტაპზე მხოლოდ იმ გუნდებს დაუპირისპირდებიან, რომლებსაც მანამდე არ შეხვედრიან. მნიშვნელოვანია, რომ პირველ რაუნდში დაგროვებული ქულები გუნდებს მეორე რაუნდშიც გადაჰყვებათ. ასე რომ, A ჯგუფში ჩატარებულ თითოეულ მატჩს დიდი მნიშვნელობა ეკისრება.
იმისთვის, რომ საქართველო მსოფლიო პირველობაზე ზედიზედ მეორედ მოხვდეს, საჭიროა, რომ ჯერ A ჯგუფში საუკეთესო სამ ნაკრებს შორის მოხვდეს, შემდეგ კი მეორე რაუნდში, 6 გუნდს შორის, მინიმუმ 1-3 ადგილი დაიკავოს. ეს შედეგი კატარის საგზურს განაღდებულს ხდის.
FIBA-ზე გამოქვეყნებული სტატიის თანახმად, A ჯგუფის მთავარი აუტსაიდერი დანიაა, ხოლო 1-2 პოზიცია, სავარაუდოდ, ესპანეთმა და საქართველომ უნდა გადაინაწილონ.
ვის შევხვდებით მეორე რაუნდში?
ფორმატის თანახმად, მე-2 რაუნდში ჯგუფები შემდეგნაირად დაკომპლექტდება:
● A და B ჯგუფების 3-3 საუკეთესო ნაკრები → I ჯგუფს ჩამოაყალიბებს
● C და D → J
● E და F → K
● G და H → L
ამ განაწილებით, გამოდის, რომ თუკი საქართველომ პირველი რაუნდი წარმატებით დაძლია, მორიგ შეხვედრებს B ჯგუფის 3 საუკეთესო გუნდთან ჩაატარებს (შინ და გასვლაზე). ჩვენი პოტენციური მეტოქეები B ჯგუფიდან კი პორტუგალია, მონტენეგრო, საბერძნეთი და რუმინეთი არიან.
როდის გაიმართება პირველი რაუნდის შეხვედრები?
● 27 ნოემბერი, 20:50 | საქართველო v უკრაინა;
● 30 ნოემბერი, 22:45 | ესპანეთი v საქართველო;
● 27 თებერვალი | დანია v საქართველო;
● 3 მარტი | საქართველო v დანია;
● 2 ივლისი | უკრაინა v საქართველო;
● 5 ივლისი | საქართველო v ესპანეთი.
ერთად ვუგულშემატკივროთ ქართველ კალათბურთელებს. საქართველოს ბანკი ეროვნული საკალათბურთო ნაკრების მთავარი სპონსორია.
დღის ტოპ 10 სიახლე
სგპ სარფში მებაჟე ოფიცრებმა არადეკლარირებული ოქროს საიუველირო ნაკეთობების შემოტანის ფაქტები აღკვეთეს
სხვა სიახლეები
ერთა ლიგა 2026-2027 | საქართველოს ნაკრების მეტოქეთა ვინაობა ცნობილია
12.02.2026.23:23
12 თებერვალს, ბრიუსელში, უეფას ერთა ლიგის 2026/2027 წლების სეზონის წილისყრა გაიმართა.
საქართველოს ნაკრები B ლიგის მეორე ჯგუფში მოხვდა, სადაც ჩვენი გუნდის მეტოქეები უნგრეთი, უკრაინა და ჩრდილოეთ ირლანდია იქნებიან.
ჯგუფის გამარჯვებულები ერთა ლიგის მომდევნო სეზონისთვის A ლიგაში დაწინაურდებიან, ხოლო მეორეადგილოსნები A ლიგის მესამეადგილოსნებთან პლეი-ოფში იასპარეზებენ. მეოთხე ადგილზე გასული გუნდები C ლიგაში დაქვეითდებიან, მესამეადგილოსნები კი C ლიგის მეორეადგილოსნებთან პლეი-ოფში შეეცდებიან ლიგაში ადგილის შენარჩუნებას.
ბრიუსელში გამართულ წილისყრას საქართველოს ნაკრების მთავარ მწვრთნელ ვილი სანიოლთან ერთად სფფ-ის პრეზიდენტი ლევან კობიაშვილი, გენერალური მდივანი დავით მუჯირი და ვიცე-პრეზიდენტები – ალექსანდრე იაშვილი, ზაზა ზამთარაძე და აკაკი ალადაშვილი ესწრებოდნენ.
ერთა ლიგის ჯგუფური ეტაპის მატჩები 2026 წლის შემოდგომაზე გაიმართება. მატჩების ზუსტი კალენდარი მოგვიანებით გახდება ცნობილი.