ოქროს მედლების მოლოდინში - ძიუდოს მსოფლიო ჩემპიონატი იწყება
2024/25 წლების საფეხბურთო სეზონი დასრულებულია, თუმცა წინ არანაკლებ ცხელი სპორტული ასპარეზი გველოდება: 13-20 ივნისს, უნგრეთის დედაქალაქ ბუდაპეშტში, ძიუდოს მსოფლიო ჩემპიონატი გაიმართება, სადაც საქართველოს ნაკრები საუკეთესო შემადგენლობით იქნება წარმოდგენილი.
ჩვენი ნაკრების მწვრთნელებმა - ლაშა გუჯეჯიანმა და გიორგი თენაძემ, უმაღლესი მიზნებისთვის საბრძოლველად 13 ძიუდოისტი შეარჩიეს:
მამაკაცები
ქალები
რა უნდა ვიცოდეთ
არის რამდენიმე მნიშვნელოვანი დეტალი, რომელზეც ყურადღება უნდა გავამახვილოთ, მაგალითად: ლაშა ბექაური ოქროს მედლის მოპოვების ერთ-ერთი მთავარი ფავორიტია და მორიგი ტრიუმფის შემთხვევაში, მას ყველა დიდ ტურნირზე ექნება ოქროს მედალი მოპოვებული (მსოფლიოსა და ევროპის ჩემპიონატები, ოლიმპიადა). შედეგად, ლაშა შავდათუაშვილის შემდეგ, ბექაური გახდება პირველი ქართველი ძიუდოისტი, რომელიც ამ უდიდეს მიღწევას გაიმეორებს.
ასევე საინტერესოა, შეძლებენ თუ არა მსოფლიოს მოქმედი ჩემპიონები - გიორგი სარდალაშვილი და ტატო გრიგალაშვილი ტიტულის დაცვას. ისიც ვიცოდეთ, რომ გრიგალაშვილი მსოფლიოს ზედიზედ 3-გზის ჩემპიონია და მისი ფორმიდან გამომდინარე, დიდი შანსია, რომ კვარცხლბეკზე კვლავ ოქროს მედლით ვიხილავთ.
2025 წლის მსოფლიო ჩემპიონატისთვის გაასმაგებული მოტივაციით ემზადება გურამ თუშიშვილი, რომელმაც გასულ წელს, ფინალურ შეხვედრაში, სამხრეთ კორეელ მინჯონგ ჯიმთან დასანანი მარცხი იწვნია. მისი ერთ-ერთი ყველაზე გამორჩეული მეტოქე, ძიუდოს ცოცხალი ლეგენდა, ფრანგი ტედი რინერი, ტურნირზე მონაწილეობას ტრავმის გამო ვერ შეძლებს, რაც თუშიშვილის შანსებს ერთიორად ზრდის.
ოქროს მედლის მოგების შესანიშნავი შანსი აქვს 2024 წლის საუკეთესო ქალ სპორტსმენს, ეთერ ლიპარტელიანს. 2023 წლის ფინალისტები, კანადელი კრისტიან დეგუჩი და სამხრეთ კორეელი ჰარუკა ფუნაკუბო, ტურნირზე მონაწილეობას არ იღებენ და შესანიშნავ ფორმაში მყოფი ლიპარტელიანისთვის ეს გარემოება ხელსაყრელია.
ასევე არ უნდა გამოგვრჩეს, რომ საქართველოს ნაკრები მონაწილეობას შერეულ გუნდურ პირველობაზეც მიიღებს, სადაც გუჯეჯიანის შემადგენლობას მიხეილ ბახბახაშვილი, გიორგი ჯაბნიაშვილი, საბა ინანეიშვილი და მარიამ ჭანტურია დაემატებიან.
2025 წლის მსოფლიო ჩემპიონატს დამატებით ინტრიგასა და ინტერესს ისიც სძენს, რომ წინა წლებისგან განსხვავებით, იაპონიისა და რუსეთის ნაკრებები სრული, ოპტიმალური შემადგენლობით იქნებიან წარმოდგენილები. შესაბამისად, ძიუდოს მოყვარულები, უფრო მეტ კონკურენციასა და დაძაბულ, მაღალი კლასის ბრძოლებს მიადევნებენ თვალს.
აქვე შეგახსენებთ, რომ ჩვენი ნაკრების მონაგარი გასული წლის მსოფლიო ჩემპიონატზე ასეთი გახლდათ:
განრიგი
13 ივნისი – დღე 1: კ -60 კგ / ქ -48 კგ
14 ივნისი – დღე 2: კ -66 კგ / ქ -52 კგ
15 ივნისი – დღე 3: კ -73 კგ / ქ -57 კგ
16 ივნისი – დღე 4: კ -81 კგ / ქ -63 კგ
17 ივნისი – დღე 5: კ -90 კგ / ქ -70 კგ
18 ივნისი – დღე 6: კ -100 კგ / ქ -78 კგ
19 ივნისი – დღე 7: კ +100 კგ / ქ +78 კგ
20 ივნისი – დღე 8: შერეული გუნდი
სხვა სიახლეები
„ლივერპულში“ გიორგი მამარდაშვილის დებიუტი შედგა
14.07.2025.17:15
„ლივერპულის“ რიგებში გიორგი მამარდაშვილის დებიუტი შედგა - ინგლისურმა გრანდმა ამხანაგურ მატჩში „პრესტონი“ სტუმრად 3:1 დაამარცხა. ქართველმა მეკარემ მოედანზე პირველი 45 წუთი გაატარა და ერთი ბურთის მოგერიებაც შეძლო. ის პირველი ქართველი ფეხბურთელია, ვინც „ლივერპულში“ ითამაშა.
მამარდაშვილი „ლივერპულმა“ გასულ წელს „ვალენსიიდან“ 35 მილიონ ევროდ შეიძინა და ერთი სეზონით ესპანურ გუნდში იჯარის წესით დატოვა. საქართველოს ეროვნული ნაკრების მეკარე დებიუტის შესახებ სოციალურ ქსელში წერს და ამბობს რომ მის ცხოვრებაში განსაკუთრებული მომენტია.
„განსაკუთრებული მომენტია ჩემს ცხოვრებაში. ბედნიერი ვარ ჩემი დებიუტით ლივერპულში. ამაყი ვარ, რომ გავხდი პირველი ქართველი ფეხბურთელი, რომელმაც ითამაშა ამ ლეგენდარულ კლუბში. ვიცი, რამდენს ნიშნავს ეს ჩემი ოჯახისთვის და მთელი საქართველოსთვის. მადლობა მხარდაჭერისთვის. ეს მხოლოდ დასაწყისია“, - წერს მამარდაშვილი.
თავს ძალიან კარგად ვგრძნობთ. მზად ვართ თამაშისთვის - ხვიჩა კვარაცხელია „პარი სენ-ჟერმენის“ და „რეალის“ შეხვედრაზე
09.07.2025.12:07
საქართველოს 16-წლამდე გოგონათა საკალათბურთო ნაკრები ევროპის ჩემპიონატის C დივიზიონში იასპარეზებს- ნაკრების მთავარი სპონსორი საქართველოს ბანკია
07.07.2025.17:08
ეთერ ლიპარტელიანი | ადამიანი, რომელიც არასოდეს ჩერდება - საქართველოს ბანკი საქართველოს ოლიმპიური ნაკრების მთავარი სპონსორია
29.06.2025.20:26
ახალგაზრდა ბორჯღალოსნები იტალიაში გაემგზავრნენ - მსოფლიო რაგბის 20-წლამდელთა ჩემპიონატი იწყება
27.06.2025.14:04
