მიხარია, რომ ასეთი კარგი შედეგი და კარგი თამაში ვაჩვენეთ - ოთარ კიტეიშვილი
განსხვავებული ემოციები გვაქვს ამ სტადიონზე თამაშისას, - განაცხადა საქართველოს ეროვნული ნაკრების ფეხბურთელმა ოთარ კიტეიშვილმა სომხეთის ნაკრებთან მოგებული თამაშის შემდეგ.
მისივე თქმით, ძალიან მნიშვნელოვანი იყო გუნდის კარგი თამაში საკუთარი გულშემატკივრის თვალწინ.
„განსხვავებული ემოციები გვაქვს ამ სტადიონზე თამაშისას. ალბათ, უდიდეს სიამოვნებას ვიღებთ ფეხბურთელები. პირადად მე, ასეთი სიამოვნება არცერთ სხვა სტადიონზე თამაშისას არ მიმიღია. ძალიან მაგარი გრძნობაა. რა თქმა უნდა, ჩემი დუბლიც ძალიან გამიხარდა. ძალიან მნიშვნელოვანი იყო გუნდის კარგი თამაში საკუთარი გულშემატკივრის თვალწინ, რაც პირველივე წუთებიდან ძალიან მაღალ დონეზე მოვახერხეთ. მიხარია, რომ ასეთი კარგი შედეგი და კარგი თამაში ვაჩვენეთ“, - აღნიშნა ოთარ კიტეიშვილმა.
საქართველოს და სომხეთის ნაკრებების მატჩი საქართველოს სასარგებლოდ ანგარიშით 6:1 დასრულდა.
სხვა სიახლეები
საქართველოს ეროვნული ნაკრების შემადგენლობა ივნისის ამხანაგური მატჩებისთვის ცნობილია
20.05.2026.14:24
საქართველოს ეროვნული ნაკრები ივნისის ამხანაგური მატჩებისთვის მზადებას 25 მაისს დაიწყებს.
ზაფხულის სანაკრებო პაუზის ფარგლებში გუნდი ორ შეხვედრას გამართავს. 2 ივნისს (21:00), რუმინეთის წინააღმდეგ საქართველოს ნაკრების კაპიტანი, გურამ კაშია, ბოლო სანაკრებო მატჩს ჩაატარებს. 5 ივნისს (20:00), ნაკრების მეტოქე ბაჰრეინის ეროვნული გუნდი იქნება. ორივე შეხვედრა მიხეილ მესხის სახელობის სტადიონზე გაიმართება.
მოახლოებული მატჩებისთვის საქართველოს ნაკრების მთავარმა მწვრთნელმა, ვილი სანიოლმა 26 ფეხბურთელი გამოიძახა. მათ შორის ერთი დებიუტანტია - ნიდერლანდური „ექსელსიორის 22 წლის ნახევარმცველი ირაკლი ეგოიანი.
მეკარეები: გიორგი მამარდაშვილი (ლივერპული, ინგლისი), ლუკა გუგეშაშვილი (ატრომიტოსი, საბერძნეთი), დავით კერესელიძე (დილა, გორი)
მცველები: გურამ კაშია (სლოვანი, სლოვაკეთი), ლუკა ლოჩოშვილი (ნიურნბერგი, გერმანია), საბა გოგლიჩიძე (უოტფორდი, ინგლისი), ლაშა დვალი (ცსკა 1948, ბულგარეთი), ლუკა გადრანი (ბეითარი, ისრაელი), ილია ბერიაშვილი (მტკ ბუდაპეშტი, უნგრეთი), ირაკლი აზაროვი (შახტარი, უკრაინა), ივა გელაშვილი (პანსერაიკოსი, საბერძნეთი), საბა ხარებაშვილი (დინამო თბილისი, საქართველო)
ნახევარდაცვა/თავდასხმა: ოთარ კიტეიშვილი (შტურმი, ავსტრია), გიორგი ჩაკვეტაძე (უოტფორდი, ინგლისი), გიორგი ქოჩორაშვილი (სპორტინგი, პორტუგალია), ანზორ მექვაბიშვილი (კრაიოვა, რუმინეთი), ნიკა გაგნიძე (კოლოსი, უკრაინა), ირაკლი ეგოიანი (ექსელსიორი, ნიდერლანდები), გიზი მამაგეიშვილი (შტურმი, ავსტრია), საბა ლობჟანიძე (ატლანტა იუნაიტედი, აშშ), ზურიკო დავითაშვილი (სენტ-ეტიენი, საფრანგეთი), გიორგი კვერნაძე (ფროზინონე, იტალია), ბუდუ ზივზივაძე (ჰაიდენჰაიმი, გერმანია), გიორგი მიქაუტაძე (ვილიარეალი, ესპანეთი), გიორგი ქვილითაია (მეცი, საფრანგეთი), ხვიჩა კვარაცხელია (პსჟ, საფრანგეთი).
