ქართული ჯუდოს ისტორიაში მორიგი მნიშვნელოვანი ფურცელი დაიწერა: ძიუდოს აკადემიამ ოფიციალურ მასტერსს (მასტერსი-საქართველო) უმასპინძლა, სადაც საუკეთესო ქართველი ჯუდოისტების ბრძოლას მივადევნეთ თვალი. მისი საპრიზო ფონდი 154,000 ლარს შეადგენდა.

საქართველოს ბანკი საქართველოს ოლიმპიური ნაკრების გენერალური სპონსორია.

ტურნირზე მონაწილეობას საქართველოს ოლიმპიური ნაკრების ჯუდოისტები, ასევე საქართველოს 2024 წლის ჩემპიონატის პრიზიორები, საქართველოს 2025 წლის მეორე დონის ჩემპიონატის ფინალისტები, საქართველოს 2025 წლის ახალგაზრდული ჩემპიონატის ფინალისტები და მეორე დონის ახალგაზრდული ჩემპიონატის ფინალისტები იღებდნენ. მონაწილეების შერჩევა შიდა რეიტინგით მოხდა და თითოეულ წონაში 10-10 ჯუდოისტი ასპარეზობდა.

განსაკუთრებული ინტერესი 90კგ. კატეგორიაში გამართულმა ფინალმა გამოიწვია, სადაც ერთმანეთს მსოფლიო ჩემპიონები - ლუკა მაისურაძე და ტატო გრიგალაშვილი დაუპირისპირდნენ, სადაც ამ უკანასკნელმა გაიმარჯვა. როგორც ცნობილია, მომავალ ტურნირებზე ტატო ჩვეულ 81 კგ. წონით კატეგორიაში გააგრძელებს ასპარეზობას.

თორნიკე გიგაურსა და თემურ ნოზაძეს შორის გამართული ფინალი ასევე დიდ ინტერესს ატარებდა: გიგაურმა, რომელიც ახალგაზრდებს შორის მსოფლიო ჩემპიონი გახდა, მორიგი გამარჯვება მიითვალა და კიდევ ერთხელ შეგვახსენა, რომ მისი სახით ქართულ ჯუდოს დიდი ძალა შეემატა.

ტურნირის შედეგები ასეთია:

60 კგ - 1. გიორგი სარდალაშვილი; 2. ჯაბა პაპინაშვილი; 3. ლუკა მოდებაძე, მათე გოგობერიშვილი.
66 კგ - 1. თორნიკე გიგაური; 2. თემურ ნოზაძე; 3. ლაშა ნადირაძე, დავით ქარელი.
73 კგ - 1. გიორგი ტერაშვილი; 2. გიორგი ჩიხელიძე; 3. გიორგი ლოლაძე, მიხეილ ბახბახაშვილი.
81 კგ - 1. ზაურ დვალაშვილი; 2. კოტე კაპანაძე; 3. საბა ჯახველაძე, ილია ყველაშვილი.
90 კგ - 1. ტატო გრიგალაშვილი; 2. ლუკა მაისურაძე; 3. გიორგი ჯაბნიაშვილი, სოსო ებილაშვილი.
100 კგ - 1. ნიკა ხარაზიშვილი; 2. გიორგი ბენდელიანი; 3. ლუკა დემურაძე, იმედა გოგოლაძე.
+100 კგ - 1. ირაკლი დემეტრაშვილი; 2. საბა ინანეიშვილი; 3. შალვა გურეშიძე, გელა ზაალიშვილი.

ერთად ვუგულშემატკივროთ ქართველ სპორტსმენებს. საქართველოს ბანკი - საქართველოს ოლიმპიური ნაკრების გენერალური სპონსორი.