მადლობა ყველას, რომ გვგულშემატკივრობდით - ხვიჩა კვარაცხელია
საქართველოს ნაკრების და „პსჟ-ის" ფეხბურთელმა ხვიჩა კვარაცხელიამ UEFA-ს სუპერთასის ფინალში „ტოტენჰემთან“ გამარჯვების და თასის მოგების შემდეგ გულშემატკივრებს მადლობა გადაუხადა.
„მადლობას გეტყვით ყველას, რომ გვგულშემატკივრობდით. მადლობა ყველას, ძალიან დიდი მადლობა.",- განაცხადა კვარაცხელიამ.
ფრანგულმა „პარი სენ-ჟერმენმა“ იტალიის ქალაქ უდინეში, სტადიონ „ფრიულიზე“, პენალტების სერიაში დაამარცხა ინგლისური „ტოტენჰემი“ და უეფასს სუპერთასის მფლობელი გახდა.
დღის ტოპ 10 სიახლე
სხვა სიახლეები
საქართველოს კალათბურთელთა ნაკრები დღეს ამხანაგურ მატჩში პოლონეთს დაუპირისპირდება
14.08.2025.14:01
საქართველოს კალათბურთელთა ნაკრები დღეს, ევროპის ჩემპიონატისთვის მოსამზადებელ ეტაპზე მეოთხე ამხანაგურ შეხვედრას გამართავს. ჩვენი გუნდის მეტოქე პოლონეთის ნაკრები იქნება. მატჩი ქალაქ სოსნოვიეცში ჩატარდება და თბილისის დროით 20:00 საათზე დაიწყება.
ალეკსანდარ ჯიკიჩმა გუნდი პოლონეთში ჩასვლიდან მეორე დღეს, 12 აგვსტოს დატვირთულად ავარჯიშა. საწვრთნელმა სესიამ ლამის 3 საათი გასტანა. ვარჯიშში მონაწილეობა პოლონეთში მყოფმა 15-ივე კალათბურთელმა მიიღო, რომელთაგან ყველა მწყობრშია.
შეხვედრაში გუნდს ვერ დაეხმარება თორნიკე შენგელია. საქართველოს ნაკრების კაპიტანი პირადი მიზეზით ესპანეთში იმყოფება და წინასწარი ინფორმაციის ნაკრებს ჩეხეთში შეუერთდება.
ევროპის ჩემპიონატი 27 აგვისტოს დაიწყება. ჩვენი ნაკრები კი პირველ შეხვედრას ტურნირზე 28 აგვისტოს, თბილისის დროით 16:00 საათზე, ესპანეთის ნაკრების წინააღმდეგ ჩაატარებს.
