„ლივერპულში“ გიორგი მამარდაშვილის დებიუტი შედგა

სპორტი

საქართველო-ბულგარეთის მატჩზე დასასწრები ბილეთების გაყიდვა დღეს დაიწყება

07.08.2025.10:17

საქართველო - ბულგარეთის მატჩზე დასასწრები ბილეთების გაყიდვა დღეს, 12:00 საათზე დაიწყება. ბილეთები მხოლოდ ონლაინ რეჟიმში, biletebi.ge-ზე გაიყიდება. ხელმისაწვდომი იქნება ოთხი კატეგორიის ბილეთი და მათი ფასი 20, 40, 70 და 100 ლარია. ერთ მომხმარებელს მაქსიმუმ სამი ბილეთის შეძენა შეუძლია.

„გთხოვთ გაითვალისწინოთ, რომ ბილეთი სჭირდება ყველა ასაკის მაყურებელს და ბილეთების შეძენის დროს აუცილებელია პირადი მონაცემების მითითება. უსაფრთხოების ზომებიდან გამომდინარე, სტუმარი გუნდის გულშემატკივრებისთვის გამოყოფილ პირველი იარუსის მე-9 და მე-10 სექტორზე არ დაიშვებიან ქართველი გულშემატკივრები“, - აღნიშნულია ნაკრების მიერ გავრცელებულ ინფორმაციაში.

საქართველოს ეროვნული ნაკრები სექტემბერში მსოფლიო ჩემპიონატის საკვალიფიკაციო ეტაპის ორ საშინაო მატჩს დინამო არენაზე გამართავს. 4 სექტემბერს ჩვენი გუნდი თურქეთს დაუპირისპირდება, 7 სექტემბერს კი ბულგარეთს.