ქართველი ხალხი ფეხბურთით ცხოვრობს, ჩვენი იმედი აქვთ და ფეხბურთელები ყველაფერს გავაკეთებთ, რომ მათ იმედები არ გავუცრუოთ - ლუკა ლოჩოშვილი
ქართველი ხალხი ფეხბურთით ცხოვრობს, ჩვენი იმედი აქვთ და ფეხბურთელები ყველაფერს გავაკეთებთ, რომ მათ იმედები არ გავუცრუოთ. სასიამოვნოა, რომ ასეთი დამოკიდებულებაა ქვეყანაში ფეხბურთის მიმართ და ჩვენც ორმაგად მოტივირებულები ვართ, - განუცხადა „ქრონიკას“ საქართველოს ნაკრების ფეხბურთელმა ლუკა ლოჩოშვილმა გუშინდელი თამაშის შეფასებისას.
„ძალიან სასიამოვნოა, როდესაც ასეთ [ჩეხეთის] გუნდს ამარცხებ. ისინი ჯგუფის ფავორიტებად ითვლებოდნენ და ასეთი დიდი ანგარიშით და ევროპის ჩემპიონატის შემდეგ, სადაც 1:1 ვეთამაშეთ, სასიამოვნო იყო ასე დამაჯერებლად რომ მოვუგეთ. კარგი შეგრძნება იყო ნამდვილად. ჩემს საგოლე გადაცემას გამოვარჩევდი, რადგან პირველი იყო ჩემთვის ნაკრებში და პირადად ეს დამამახსოვრდა. ზოგადად, ყველა ლამაზი გოლი იყო, რაც გავიტანეთ და ძალიან კარგი ემოცია იყო სტადიონზე. ქართველი ხალხი ფეხბურთით ცხოვრობს, ჩვენი იმედი აქვთ და ფეხბურთელები ყველაფერს გავაკეთებთ, რომ მათ იმედები არ გავუცრუოთ. სასიამოვნოა, რომ ასეთი დამოკიდებულებაა ქვეყანაში ფეხბურთის მიმართ და ჩვენც ორმაგად მოტივირებულები ვართ, რომ ასე გავაგრძელოთ და ვასახელოთ ქვეყანა“, - აღნიშნა ლოჩოშვილმა.
მიხეილ მესხის სახელობის სტადიონზე საქართველოს ეროვნულმა საფეხბურთო ნაკრებმა უეფას ერთა ლიგის 2024-25 წლის სეზონის გათამაშების პირველი მატჩი გამართა. ქართველმა ფეხბურთელებმა ჩეხებს უმასპინძლეს და მეტოქე ანგარიშით 4:1 დაამარცხეს.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
გიორგი სარდალაშვილი ევროპის ჩემპიონია
23.04.2025.19:25
მონტენეგროში ძიუდოს ევროპის ჩემპიონატი დაიწყო. საქართველოს ნაკრებს პირველი მედალი მოქმედმა მსოფლიოს ჩემპიონმა გიორგი სარდალაშვილმა(-60 კგ) მოუტანა. ქართველმა ძიუდოისტმა ფინალში ძიუდოს საერთაშორისო ფედერაციის სახელით მოასპარეზე აიუბ ბლიევი დაამარცხა და ჩემპიონობა იზეიმა.
გიორგი სარდალაშვილმა ფინალამდე უნგრელ მარტონ ანდრასის და სომეხ აშიკ ანდრეიანს სძლია, ნახევარფინალში კი ესპანელი ფრანცისკო გარიგოსი დაამარცხა. 21 წლის სპორტსმენმა სენიორებს შორის კონტინენტის პირველობაზე ოქროს მედალი პირველად მოიპოვა.
ქართველი ძიუდოისტები ევროპის ჩემპიონატზე საქართველოს სპორტის სამინისტროს მხარდაჭერით იმყოფებიან.
ვუგულშემატკივროთ ქართველ ჯუდოკებს ევროპის ჩემპიონატზე - საქართველოს ბანკი საქართველოს ოლიმპიური ნაკრების გენერალური სპონსორია
23.04.2025.12:37
ჩემპიონთა ლიგის მეოთხედფინალური ეტაპების დასრულების შემდეგ 2025 წლის ოქროს ბურთის რეიტინგი განახლდა - ხვიჩა კვარაცხელია ტოპ 10-შია
21.04.2025.11:56
ბელგრადში უეფას 49-ე კონგრესი გაიმართა, რომელსაც საქართველოს ფეხბურთის ფედერაციის ხელმძღვანელები ესწრებოდნენ
03.04.2025.00:00
