კახა კალაძეს და ზაზა ფაჩულიას წარვადგენთ წმინდა გიორგის სახელობის გამარჯვების ორდენზე, მათ აქვთ მიღებული უმაღლესი ჯილდო უმაღლეს საკლუბო ტურნირებში და ეს წარმატება უნდა დავაფასოთ - ირაკლი კობახიძე
კახა კალაძეს და ზაზა ფაჩულიას წარვადგენთ წმინდა გიორგის სახელობის გამარჯვების ორდენზე, მათ აქვთ მიღებული უმაღლესი ჯილდო უმაღლეს საკლუბო ტურნირებში და ეს წარმატება უნდა დავაფასოთ, - ამის შესახებ პრემიერ-მინისტრმა მთავრობის სხდომაზე განაცხადა.
ირაკლი კობახიძემ მადლობა გადაუხადა საქართველოს პრეზიდენტსა და პარლამენტის თავმჯდომარეს ერთობლივად მიღებული გადაწყვეტილებისთვის - კახა კალაძისა და ზაზა ფაჩულიას წმინდა გიორგის სახელობის გამარჯვების ორდენზე წარდგენის თაობაზე.
„ჩვენ გვყავს ასევე ორი სპორტსმენი, რომელთაც უმაღლეს საკლუბო ტურნირებში აქვთ მიღებული უმაღლესი ჯილდო. ესენი არიან - კახა კალაძე, რომელსაც ორჯერ აქვს მოგებული ჩემპიონთა ლიგა და ზაზა ფაჩულია, რომელსაც სამჯერ აქვს მიღებული უმაღლესი საკალათბურთო საკლუბო ტურნირი - NBA, ორჯერ, როგორც კალათბურთელს და ერთხელ - როგორც მენეჯერს. გადავამოწმეთ და მათ არ აქვთ მიღებული ანალოგიური ჯილდოები, ვფიქრობ, რომ დაგვიანებით, მაგრამ მათი ეს წარმატება უნდა დავაფასოთ. აქედან გამომდინარე, გადავწყვიტეთ ბატონი კახა კალაძე და ბატონი ზაზა ფაჩულიაც წარვადგინოთ წმინდა გიორგის სახელობის გამარჯვების ორდენზე. მადლობა მინდა გადავუხადო საქართველოს პრეზიდენტს და პარლამენტის თავმჯდომარეს ერთად მიღებული ამ გადაწყვეტილებისთვის,"- განაცხადა პრემიერმა,"- განაცხადა პრემიერმა.
დღის ტოპ 10 სიახლე
სხვა სიახლეები
გიორგი ლორია საქართველოს ნაკრებში ბოლო მატჩს დღეს ჩაატარებს
05.06.2025.17:55
მეკარე გიორგი ლორია საქართველოს ნაკრებს ემშვიდობება. ფეხბურთელი ჯვაროსნების რიგებში თავის ბოლო მატჩს ფარერის კუნძულების წინააღმდეგ, ამხანაგურ შეხვედრაში ითამაშებს. თავის ემოციებზე ლორიამ მატჩისწინა პრესკონფერენციაზე ისაუბრა.
17 წლის შემდეგ რთულია ნაკრებთან დამშვიდობება. 5 ივნისს, ეროვნული ნაკრების მაისურით უკანასკნელ თამაშს ჩავატარებ. ეს იყო გზა, რომელიც სიამაყით, მადლიერებით და სუფთა გულით გავიარე.
„საქართველოს ნაკრების მაისური ჩემთვის უბრალოდ ფორმა არ ყოფილა. ეს იყო ყველაზე დიდი პატივი და ჩემი ოცნება. მადლობა საქართველოს. მე ვამთავრებ სანაკრებო კარიერას სუფთა გულით. მადლიერი ვარ, რომ მომეცა საშუალება ჩემი წვლილი შემეტანა ქართული ფეხბურთის განვითარებაში. კვლავაც დავრჩები ქართული ფეხბურთის სამსახურში, რადგან მინდა, რომ ჩემი ცოდნა გავუზიარო მომავალ თაობას. კიდევ ერთხელ დიდი მადლობა საქართველოს“, - განაცხადა ლორიამ.
გიორგი ლორიამ საქართველოს ნაკრებში დღემდე ყველა ტურნირზე ჯამში 78 მატჩი ჩაატარა და კარი მშრალად 19-ჯერ შეინახა.
საქართველოს მთავრობის გადაწყვეტილებით, ხვიჩა კვარაცხელია წმინდა გიორგის სახელობის გამარჯვების ორდენზეა წარდგენილი
03.06.2025.11:19
ჩემი ხელმძღვანელობით ნაკრები პირველად ითამაშებს ქუთაისში და ეს ძალიან კარგია - ვილი სანიოლი
29.05.2025.03:06
