ესპანეთის ქალაქ ტოლედოში ილია თოფურიას სახელობის ქუჩა გაიხსნა
ესპანეთის ქალაქ ტოლედოში UFC-ის ქვემსუბუქი დივიზიონის ჩემპიონის ილია თოფურიას სახელობის ქუჩა ოფიციალურად გაიხსნა.
ესპანური მედიის ინფორმაციით, აღნიშნული გადაწყვეტილება ქალაქ ტოლედოს მერმა კარლოს ველასკესმა 24 მარტს ილია თოფურიასთან ერთად გამოაცხადა.
„ჩემთვის დიდი პრივილეგიაა, როცა ქალაქი ტოლედო ასე მაფასებს. აქაურობასთან ბევრი ემოცია მაკავშირებს და ახლა ძალიან ბედნიერი ვარ“, – განაცხადა ილია თოფურიამ.
თოფურიამ UFC-ის საჩემპიონო ქამარი 2024 წლის თებერვალში მოიპოვა, ოქტომბერში კი წარმატებით დაიცვა. 2025 წლის დასაწყისში თოფურიამ განაცხადა, რომ ქვემსუბუქ დივიზიონს ტოვებს და ასპარეზობის გაგრძელება მსუბუქ დივიზიონში (70 კგ) სურს.
ილია თოფურია ესპანეთში 15 წლის ასაკში ოჯახთან ერთად გადავიდა. მან შერეულ ორთაბრძოლებში ვარჯიში ძმასთან ერთად ქალაქ ალიკანტეში დაიწყო. მისი დებიუტი 2015 წელს შედგა. თოფურიას კარიერაში 16 ბრძოლა აქვს ჩატარებული და ჯერ არ დამარცხებულა.
სხვა სიახლეები
საქართველოსა და უკრაინის ნაკრებების მატჩზე დასასწრები ბილეთების გაყიდვა 25 აგვისტოდან დაიწყება
24.08.2026.13:02
საქართველოს ეროვნული ნაკრები ერთა ლიგის ახალ სეზონს საშინაო მატჩებით იწყებს. სექტემბერში გუნდი თბილისში ორ მატჩს ჩაატარებს.
25 სექტემბერს, „ჯვაროსნები“ ჩრდილოეთ ირლანდიის ნაკრებს უმასპინძლებენ. უეფა-ს სადისციპლინო კომიტეტის გადაწყვეტილებით, ჩრდილოეთ ირლანდიასთან მატჩი მაყურებლის გარეშე ჩატარდება.
28 სექტემბერს კი გუნდი უკრაინას დაუპირისპირდება. თამაშზე დასასწრები ბილეთების გაყიდვა 25 აგვისტოს, 12:00 საათზე დაიწყება. ორივე მატჩი „დინამო არენაზე“ 20:00 საათზე დაიწყება.
კონსტანტინე პეტრიაშვილი თავისუფალ ჭიდაობაში 20-წლამდელთა მსოფლიოს ჩემპიონატის ბრინჯაოს პრიზიორია
24.08.2026.10:03
საქართველოს ტექნიკური უნივერსიტეტის რექტორი პარაძიუდოისტთა ნაკრებსა და სტუ-ის სტუდენტს ევროპის ორგზის ჩემპიონობას ულოცავს
17.08.2026.14:31
22-წლიანი პაუზის შემდეგ, ქართული გუნდი ევროტურნირის ჯგუფურ ეტაპზე ითამაშებს - თბილისის „იბერიამ“ ჩრდილოეთ ირლანდიის „ლარნე“ 2:1 დაამარცხა
11.08.2026.22:43
ქუთაისში ვიწყებთ, ახალ 5 000 მაყურებელზე გათვლილ სპორტის სასახლის მშენებლობას - შალვა გოგოლაძე
20.07.2026.17:14
წელს ჩვენ ვუმასპინძლეთ და უნდა ვუმასპინძლოთ ჯამში 32 მსოფლიო თუ ევროპის ჩემპიონატს სხვადასხვა სპორტის სახეობაში - შალვა გოგოლაძე
20.07.2026.10:30
